ಸಿರುಗುಪ್ಪ ತಾಲೂಕಿನ ಶಿಶು ಅಭಿವೃದ್ಧಿ ಕೇಂದ್ರದ ಮೇಲ್ಚಾವಣಿ ಭಾಗದಲ್ಲಿ ಕರ್ನಾಟಕ ಲೋಕಾಯುಕ್ತ ಅಧಿಕಾರಿಗಳ ಸಮ್ಮುಖದಲ್ಲಿ ಕುಂದು ಕೊರತೆಗಳನ್ನು ಸ್ವೀಕರಿಸುವ ಸಂದರ್ಭದಲ್ಲಿ ಕೆಲವೊಂದು ವಿಷಯಗಳ ಕುರಿತು ಸಂಬಂಧಪಟ್ಟಂತಹ ಅಧಿಕಾರಿಗಳನ್ನು ಕರಿಸಿ ಸಮಲೋಚನೆ ನಡೆಸಿದರು. ಇದೇ ಸಂದರ್ಭದಲ್ಲಿ ಸಿರುಗುಪ್ಪ ನಗರದ ತರಕಾರಿ ಮಾರುಕಟ್ಟೆಯಲ್ಲಿ ನಿರ್ಮಿಸಲಾದ ವಾಣಿಜ್ಯ ಸಂಕೀರ್ಣಗಳು ನಿರುಪಯುಕ್ತವಾಗಿದ್ದು ಇಲ್ಲಿ ಅನೈತಿಕ ವ್ಯವಹಾರಗಳು ನಿರ್ವಹಿಸುತ್ತಿರುವುದನ್ನು ತಡೆಗಟ್ಟುವ ಬಗ್ಗೆ. ಕರ್ನಾಟಕ ರಕ್ಷಣಾ ಪಡೆ ಬಳ್ಳಾರಿ ಜಿಲ್ಲಾ ಅಧ್ಯಕ್ಷರಾದ ಡಿ ನೂರ್ ಬಾಷಾ ಅವರು ಸಾರ್ವಜನಿಕ ಕುಂದು ಕೊರತೆಗಳ ಸ್ವೀಕರಿಸಲು ಕುಳಿತಿರುವಂತಹ ಮಾನ್ಯಶ್ರೀ ತಾಲೂಕ್ ದಂಡಾಧಿಕಾರಿಗಳಾದ ನೆರಸಪ್ಪ ಸರ್ ಹಾಗೂ ತಾಲೂಕ ಪಂಚಾಯತಿ ಇ ಓ ಮತ್ತು ಲೋಕಾಯುಕ್ತ ಅಧಿಕಾರಿಗಳಿಗೆ ಕೊಟ್ಟಂತಹ ಹವಾಲಗಳನ್ನು ಸ್ವೀಕರಿಸಿದ ಅವರ ಸಮ್ಮುಖದಲ್ಲಿಯೇ ಸಂಬಂಧಪಟ್ಟಂತಹ ಅಧಿಕಾರಿಗಳನ್ನು ಕರೆಯಿಸಿ ಮಾತುಕತೆಯ ಮೂಲಕ ಇಂತಹ ವಿಚಾರಗಳ ಬಗ್ಗೆ ಗಂಭೀರವಾಗಿ ಪರಿಗಣಿಸಿ ಪರಿಹರಿಸಬೇಕೆಂದು ಎತ್ತರಿಸಿದರು.
ವರದಿ ಶೇಖರ್ ಹೆಚ್
POST
ಬರ್ಗಿ ಪ್ರೌಢ ಶಾಲೆಯ ಸಂಸ್ಕೃತ ವಿದ್ಯಾರ್ಥಿಗಳಿಗೆ ಕುಮಟಾದ ಗೋವರ್ಧನ ಹೋಟೆಲ್ ನಿಂದ ನೋಟ್ ಬುಕ್ ವಿತರಣೆ
ಕುಮಟಾ : ತಾಲ್ಲೂಕಿನ ಬರ್ಗಿಯ ಶ್ರೀ ಮಹಾಲಿಂಗೇಶ್ವರ ವಿದ್ಯಾಪೀಠದಿಂದ ಸ್ಥಳೀಯ ಸರ್ಕಾರಿ ಪ್ರೌಢ ಶಾಲೆಯ ಸಂಸ್ಕೃತ ವಿದ್ಯಾರ್ಥಿಗಳಿಗೆ ಕುಮಟಾದ ಪ್ರತಿಷ್ಠಿತ ಗೋವರ್ಧನ್ ಹೋಟೆಲ್ ಮಾಲಿಕರಾದ ಗಣೇಶ ನಾರಾಯಣ ನಾಯಕರವರ ಪ್ರಾಯೋಜಕತ್ವದಲ್ಲಿನ ಉಚಿತ ನೋಟ್ ಬುಕ್ ಗಳನ್ನು ಶಾಲೆಯ ಪತ್ರಾಂಕಿತ ಮುಖ್ಯಾಧ್ಯಾಪಕರಾದ ಮಧುಕೇಶ್ವರ ನಾಯ್ಕರವರು ವಿತರಿಸಿದರು.
ವಿದ್ಯಾರ್ಥಿಗಳಲ್ಲಿ ಸಂಸ್ಕೃತ ಕಲಿಕೆಯನ್ನು ಉತ್ತೇಜಿಸುವ ಸದುದ್ದೇಶದಿಂದ ತಮ್ಮ ಶಾಲೆಯ ಸಂಸ್ಕೃತ ವಿದ್ಯಾರ್ಥಿಗಳಿಗೆ ಉಚಿತವಾಗಿ ನೋಟ್ ಬುಕ್ ಗಳನ್ನು ವಿತರಿಸಿದ ಗಣೇಶ ನಾಯಕರವರಿಗೆ ಸಂಸ್ಕೃತ ಅಧ್ಯಾಪಕರಾದ ಮಂಜುನಾಥ ಗಾಂವಕರ್ ಬರ್ಗಿಯವರು ಅಭಿನಂದಿಸಿದರು.
ಈ ಸಂದರ್ಭದಲ್ಲಿ ಹಿರಿಯ ಶಿಕ್ಷಕರಾದ ಸರಸ್ವತಿ ನಾಯಕ, ಸಿಬ್ಬಂದಿ ಪುನೀತಕುಮಾರ್, ಸಂಸ್ಕೃತ ವಿದ್ಯಾರ್ಥಿಗಳಾದ ವಿಘ್ನೇಶ ಹರಿಕಾಂತ, ನಾಗಶ್ರೀ ಹಳ್ಳೇರ್, ನಂದನ ನಾಯಕ, ಸಂಜನಾ ನಾಯ್ಕ, ಜೀವನ ಪಟಗಾರ, ಪ್ರಜ್ವಲ ಹರಿಕಾಂತ, ಶಿವರಾಜ ಗಾಂವ್ಕರ್, ರಮ್ಯಾ ಪಟಗಾರ, ಸಂಧ್ಯಾ ಹಳ್ಳೇರ್, ಗೌತಮಿ ಹರಿಕಾಂತ, ಮಲ್ಲಿಕಾ ಹಳ್ಳೇರ್, ಸಂಧ್ಯಾ ಹಳ್ಳೇರ್, ಸಂಕೇತ ಪಟಗಾರ, ಹರ್ಷ ಹರಿಕಾಂತ್, ಚರಣ್ ಹರಿಕಾಂತ್, ಗಗನ್ ಹರಿಕಂತ್ರ, ಸುಮುಖ ಪಟಗಾರ ಹಾಗೂ ಗೌತಮಿ ಮೊದಲಾದವರಿದ್ದರು.
ಬೆಳಗಾವಿ :ಕಾಗವಾಡ ತಾಲೂಕಿನ ಐನಾಪೂರ ಪಟ್ಟಣದಲ್ಲಿ ಕೋನೆಯ ಬೃಹತ್ ಜೈನ ಸಮಾವೇಶ ಯಶಸ್ವಿ ಪ್ರತ್ಯೇಕ ಮಂಡಳಿಗೆ 12ತಿಂಗಳ ಗಡುವು: ಶ್ರಿ108 ರಾಷ್ಟ್ರ ಸಂತ ಆಚರ್ಯ ಗುಣಧರನಂದಿ ಮುನಿಗಳು
ರಾಜ್ಯದಲ್ಲಿ ಜೈನ ಸಮಾಜದ ಅಭಿವೃದ್ಧಿ ನಿಗಮ ಮಂಡಳಿ ಸ್ಥಾಪನೆ ಮಾಡಬೇಕು. ಮಹಿಳೆಯರಿಗಾಗಿ ಸಮ್ಮೇದ ಶಿಖರ್ಜಿ ತೀರ್ಥಯಾತ್ರೆ ಯೋಜನೆ ಘೋಷಿಸುವುದು ಸೇರಿದಂತೆ ಜೈನ ಸಮಾಜದ ಬೇಡಿಕೆಗಳನ್ನು ವರ್ಷದೊಳಗೆ ಈಡೇರಿಸಬೇಕು. ಇಲ್ಲವಾದರೆ, ೧೨ ತಿಂಗಳ ಬಳಿಕ ಸಲ್ಲೇಖನ ವ್ರತ ಕೈಗೊಳ್ಳಲಾಗುವುದು ಎಂದು ಶ್ರೀ ೧೦೮ ಗುಣಧರನಾಂದ ಮುನಿಮಹಾರಾಜರು ರಾಜ್ಯ ಸರಕಾರಕ್ಕೆ ಎಚ್ಚರಿಕೆ ನೀಡಿದರು.
ಕಾಗವಾಡ ಐನಾಪೂರ ಪಟ್ಟಣದಲ್ಲಿನ ಸರಕಾರಿ ಕನ್ನಡ ಪ್ರಾಥಮಿಕ ಶಾಲೆಯಲ್ಲಿ ಭಾನುವಾರ ಹಮ್ಮಿಕೊಂಡಿದ್ದ ಅಖಿಲ ಭಟ್ಟಾರಕ ಸಮ್ಮೇಳನ ಹಾಗೂ ಜೈನ ಸಮಾವೇಶದಲ್ಲಿ ಸಾನ್ನಿಧ್ಯ ವಹಿಸಿ ಮಾತನಾಡಿದ ಅವರು, ರಾಜ್ಯ ಸರಕಾರವು ಜೈನ ಸಮಾಜವನ್ನು ಹಗುರವಾಗಿ ಪರಿಗಣಿಸಿ, ಸೌಲಭ್ಯ ಒದಗಿಸುವಲ್ಲಿ ಕಡೆಗಣಿಸುತ್ತಿದೆ. ನಮ್ಮ ಹಕ್ಕುಗಳನ್ನು ನಮಗೆ ಒದಗಿಸುವಲ್ಲಿ ನಿರ್ಲಕ್ಷ್ಯ ವಹಿಸಿದರೆ, ನಾವೂ ದೇಶ ಮತ್ತು ದೇಹ ತೊರೆಯಲು ಸಿದ್ದರಿದ್ದೇವೆ. ನಾನು ಹುಟ್ಟಿರುವುದೇ ಬಡವರಿಗಾಗಿ, ಜೀವಿಸುತ್ತಿರುವುದು ಬಡವರಿಗಾಗಿ. ಅಲ್ಲದೇ, ನನ್ನ ಸಾವೂ ಸಹ ಬಡವರಿಗಾಗಿಯೇ ಆಗಲಿದೆ ಎಂದರು.
ಬಡ ವಿದ್ಯಾರ್ಥಿಗಳಿಗೆ ಶಿಕ್ಷಣಕ್ಕೆ ಆಸರೆಯಾಗಿದ್ದ ವಿದ್ಯಾರ್ಥಿ ವೇತನವನ್ನು ಈ ಹಿಂದಿನಂತೆಯೇ ಮುಂದುವರಿಸಬೇಕು. ರಾಜ್ಯದಲ್ಲಿ ಇತ್ತೀಚೆಗೆ ನಡೆಸಿರುವ ಜಾತಿಗಣತಿಯಲ್ಲಿ ಜೈನ ಸಮಾಜದವರ ಸಂಖ್ಯೆಯನ್ನು ಕೇವಲ 1.66 ಲಕ್ಷಕ್ಕಷ್ಟೇ ಸೀಮಿತಗೊಳಿಸಲಾಗಿದೆ. ಆದರೆ, 20 ಲಕ್ಷಕ್ಕೂ ಅಧಿಕ ಜೈನ ಸುಮುದಾಯ ಜನಸಂಖ್ಯೆ ರಾಜ್ಯದಲ್ಲಿದ್ದೇವೆ ಎಂದು ಸಮಾಜ ಜನ ಹೇಳುತ್ತಿದ್ದಾರೆ. ಹೀಗಾಗಿ, ಈ ಸಮೀಕ್ಷೆಯನ್ನು ನಾವು ಒಪ್ಪಿಕೊಳ್ಳುವುದಿಲ್ಲ. ಮತ್ತೊಮ್ಮೆ ಪಾರದರ್ಶಕವಾಗಿ ಸಮೀಕ್ಷೆ ನಡೆಸಿ, ತಪ್ಪು ಸರಿಪಡಿಸಬೇಕು ಎಂದು ಒತ್ತಾಯಿಸಿದರು.
ಕಾಂಗ್ರೆಸ್ ಪಕ್ಷಕ್ಕೆ ಹಸ್ತದ ಚಿಹ್ನೆಯನ್ನು ಎರವಲಾಗಿ ನೀಡಿರುವುದೇ ಜೈನ ಧರ್ಮ. ಆದರೆ, ಇದೀಗ ನಮ್ಮ ಬೇಡಿಕೆಗೆ ಸ್ಪಂದಿಸದೇ ಕಾಂಗ್ರೆಸ್ ಸರಕಾರವು ಇಡೀ ಜೈನ ಸಮಾಜಕ್ಕೆ ಕೈಕೊಡುತ್ತಿರುವುದು ಖಂಡನೀಯ. ನಮ್ಮ ನ್ಯಾಯಯುತ ಏಳು ಬೇಡಿಕೆಗಳಲ್ಲಿ ಸರಕಾರವು ಕೇವಲ ನಾಲ್ಕನ್ನು ಮಾತ್ರ ಈಡೇರಿಸಿದ್ದು, ಇನ್ನುಳಿದವುಗಳಿಗೆ ಸ್ಪಂದಿಸುತ್ತಿಲ್ಲ. ಅಹಿಂಸಾ ಪಾಲಕರಾದ ಜೈನ ಸಮಾಜ ತಮ್ಮ ಹಕ್ಕಿಗಾಗಿ ಕಲ್ಲೆಸೆಯುವುದು ಹಾಗೂ ಹಿಂಸಾಚಾರಕ್ಕಿಳಿದು ಎಂದೂ ಪ್ರತಿಭಟಿಸುವುದಿಲ್ಲ ಎಂಬ ಗ್ರಹಿಕೆ ಸರಕಾರಕ್ಕಿದೆ. ಸಮಾಜದ ಕೂಗನ್ನು ಕೇಳದೇ, ನಿದ್ರಾವಸ್ತೆಯಲ್ಲಿರುವ ಸಿಎಂ ಸಿದ್ದರಾಮಯ್ಯ ಅವರನ್ನು ಎಚ್ಚರಿಸಬೇಕಿದೆ. ಹೀಗಾಗಿ, ಇದುವೇ ನಮ್ಮ ಕೊನೆ ಸಮ್ಮೇಳನ. ಇನ್ನೇನಿದ್ದರೂ, ಆಂದೋಲನಗಳನ್ನೇ ಮಾಡೋಣ ಎಂದು ಕರೆ ನೀಡಿದರು.
ಅಲ್ಲದೇ, ಸಮಾಜದ ಅಭಿವೃದ್ಧಿಗೆ ಮೀಸಲಿಡುತ್ತಿದ್ದ ೫೦ ಕೋಟಿ ರೂ.ಹಣದಲ್ಲಿ ಈ ಬಾರಿ ೨೫ ಕೋಟಿ ರೂ.ಕಡಿತಗೊಳಿಸಿದ್ದೀರಿ, ಅದನ್ನು ಹೆಚ್ಚಿಸಿ ಕನಿಷ್ಠ ೨೦೦ ಕೋಟಿ ರೂ.ನೀಡಬೇಕು ಎಂದು ಸರಕಾರವನ್ನು ಆಗ್ರಹಿಸಿದ ಅವರು, ನಮಗೆ ನಮ್ಮ ಮತದಾನದ ಫಲಕೊಡಿ ಎಂದು ಕೇಳುತ್ತಿದ್ದು,. ಸಮಾಜದ ಜನ ಒಗ್ಗಟ್ಟಿನಿಂದ ಇದ್ದರೆ ಎಲ್ಲವೂ ಸಾಧ್ಯವಾಗುತ್ತದೆ ಎಂದು ಹೇಳಿದರು.
ಶಾಸಕರಾದ ಲಕ್ಷ್ಮಣ ಸವದಿ, ಗಣೇಶ ಹುಕ್ಕೇರಿ, ಭರಮಗೌಡ ಕಾಗೆ, ಅಭಯ್ ಪಾಟೀಲ, ಮಹಾರಾಷ್ಟ್ರದ ಶಿರೋಳ ಶಾಸಕ ರಾಜೇಂದ್ರ ಯಡ್ರಾಂವಕರ್, ಮಾಜಿ ಸಚಿವರಾದ ಶ್ರೀಮಂತ ಪಾಟೀಲ ಹಾಗೂ ವೀರಕುಮಾರ್ ಪಾಟೀಲ, ಸಂಜಯ ಪಾಟೀಲ, ಜೈನ ಸಮಾಜದ ಅಧ್ಯಕ್ಷ ಸುನಿಲ ಪಾಟೀಲ, ಅರಿಹಂತ ಉದ್ಯೋಗ ಸಮೂಹದ ಅಧ್ಯಕ್ಷ ಉತ್ತಮ ಪಾಟೀಲ, ಉದ್ಯಮಿ ಮಹಾವೀರ ನಿಲಜಗಿ, ಸುಶೀಲ ಬೆಳಗಲಿ, ಅರುಣ ಯಲಗುದರಿ, ಈರಗೌಡ ಪಾಟೀಲ, ಡಾ.ಎನ್.ಎ.ಮಗದುಮ್, ದಾದಾ ಪಾಟೀಲ, ಸಂಜಯ ಉಗಾರ ಗ್ರಾಮದ ಶೀತಲ ಅನ್ನಾ ಪಾಟೀಲ್ ಕುಚನೂರೆ ಹಾಗೂ ಸೇರಿದಂತೆ ಇತರರಿದ್ದರು.
ವರಧಿಗಾರ: ಪವನಕುಮಾರ ಕೃಷ್ಣಶರ್ಮಾ
ತಲೆ ಕೈಕಾಲುಗಳಿಲ್ಲದ ಅಪರಿಚಿತ ವ್ಯಕ್ತಿಯ ಮುಂಡ ಪತ್ತೆ…
ಹುಣಸೂರು ತಾಲೂಕು ಬಿಳಿಕೆರೆ ಪೊಲೀಸ್ ಠಾಣಾ ವ್ಯಾಪ್ತಿಯ ಆಯರಹಳ್ಳಿ ಗ್ರಾಮದ ಏತನೀರಾವರಿ ಹೊಳೆಯಲ್ಲಿ ತಲೆ ಕೈಕಾಲುಗಳಿಲ್ಲದ ಅಪರಿಚಿತ ವ್ಯಕ್ತಿಯ ಮುಂಡ ಪತ್ತೆಯಾಗಿದೆ. ಕೊಳೆತ ಸ್ಥಿತಿಯಲ್ಲಿ ಮೃತದೇಹ ಕಂಡುಬಂದಿದೆ. ಸಾರ್ವಜನಿಕರು ಬಿಳಿಕೆರೆ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿದ್ದಾರೆ. ಸ್ಥಳಕ್ಕೆ ಎಸ್ ಪಿ. ವಿಷ್ಣುವರ್ಧನ್. ಡಿವೈಎಸ್ಪಿ. ಗೋಪಾಲಕೃಷ್ಣ. ಸಂತೋಷ್ ಕಷ್ಯಪ್. ಸಬ್ ಇನ್ಸ್ಪೆಕ್ಟರ್ ಪೂಜಾ. ಭೇಟಿ ನೀಡಿದ್ದಾರೆ. ಮೃತರ ಬಗ್ಗೆ ಮಾಹಿತಿ ಕಲೆಹಾಕಲು ಪೊಲೀಸರು ಮುಂದಾಗಿದ್ದಾರೆ.
30 ವರ್ಷ ಸೇವೆಗೈದು ನಿವೃತ್ತಿ ಗೊಂಡ ವಿಜಯಾ ಭಂಡಾರಿ ಗ್ರಾಮಸ್ಥರಿಂದ ಅಭಿಮಾನಪೂರ್ವಕ ಬೀಳ್ಕೊಡುಗೆ
ಉತ್ತರ ಕನ್ನಡ ಜಿಲ್ಲೆಯ ಕುಮಟಾ ತಾಲೂಕಿನ ಭಂಡಿವಾಳ ಗ್ರಾಮದಲ್ಲಿ ನೆಲೆಸಿರುವ ಹೊನ್ನಾವರ ತಾಲೂಕಿನ ಕೆರೆಕೋಣ ಗ್ರಾಮದಲ್ಲಿ ಶ್ರೀಮತಿ ಸುಬ್ಬಿ ಮತ್ತು ಶ್ರೀ ನಾರಾಯಣ ಸುಬ್ರಾಯ ಭಂಡಾರಿ ಇವರ ಮಗಳಾಗಿ ಜನಿಸಿದ ಶ್ರೀಮತಿ ವಿಜಯಾ ನಾರಾಯಣ ಭ೦ಡಾರಿಯವರು ಸರಳ ಸಜ್ಜನರು. 01-06-1965 ರಂದು ಜನಿಸಿದ ಇವರು ಕಡು ಬಡತನದಲ್ಲಿಯೆ ಕೆರೆಕೋಣದಲ್ಲಿ ೧ನೇ ತರಗತಿ ಯಿಂದ ಏಳನೇ ತರಗತಿಯವರೆಗೆ ಕಲಿತು ಎ೦ಟನೇ ತರಗತಿಯಿಂದ ಪಿ.ಯು.ಸಿ. ದ್ವಿತೀಯ ವರ್ಷದವರೆಗೆ ಎಸ್.ಕೆ.ಪಿ. ಜೂನಿಯರ್ ಕಾಲೇಜು. ಅರೇಅಂಗಡಿಯಲ್ಲಿ ವಿದ್ಯಾಭ್ಯಾಸ ಮಾಡಿ ಅಲ್ಲಿಯೆ ಇಂಟರ್ನ್ಶಿಪ್ ಮುಗಿಸಿದರು. ತದನಂತರ ಬಿ.ಎ. ಪದವಿಯನ್ನು ಎಸ್.ಡಿ.ಎಮ್. ಕಾಲೇಜು. ಹೊನ್ನಾವರದಲ್ಲಿ ಪೂರ್ಣಗೊಳಿಸಿ ನಂತರದಲ್ಲಿ 1991ರಲ್ಲಿ ಕುಮಟಾ ತಾಲೂಕಿನ ಅಳಕೋಡ ಗ್ರಾ.ಪಂ. ವ್ಯಾಪ್ತಿಯ ಭ೦ಡಿವಾಳ ಗ್ರಾಮದ ಶ್ರೀ ವಿಷ್ಣು ನಾರಾಯಣ ಭಂಡಾರಿಯವರ ಧರ್ಮಪತ್ನಿಯಾಗಿ ಆಮೇಲೆ ಸರ್ಕಾರಿ ಕಿರಿಯ ಪ್ರಾಥಮಿಕ ಶಾಲೆ ಜನತಾ ಕಾಲೋನಿ ಅಳಕೋಡದಲ್ಲಿ ಶಿಕ್ಷಕಿಯಾಗಿ 01-01-1996ರಲ್ಲಿ ತಮ್ಮ ಸೇವೆಯನ್ನು ಪ್ರಾರಂಭಿಸಿದರು. ಎಲ್ಲಿ ತಮ್ಮ ವೃತ್ತಿ ಪ್ರಾರಂಭಿಸಿದರೋ ಅಲ್ಲಿಯೇ ಸುಮಾರು ಮೂವತ್ತು ವರ್ಷಗಳ ಸುದೀರ್ಘ ಕಾಲ ಸರ್ಕಾರಿ ಕಿರಿಯ ಪ್ರಾಥಮಿಕ ಶಾಲೆ ಜನತಾ ಕಾಲೋನಿ ಅಳಕೋಡದಲ್ಲಿಯೇ ಸೇವೆಗೈದು ದಿನಾಂಕ: 31-05-2025 ರಂದು ಇಲಾಖಾ ನಿಯಮದಂತೆ ಮೇ-31-2025 ರಂದು ನಿವೃತ್ತರಾಗಿದ್ದಾರೆ.
ಕಿರಿಯ ಪ್ರಾಥಮಿಕ ಶಾಲೆ ಜನತಾ ಕಾಲನಿ ಅಳಕೂಡ ಶಾಲೆಯಲ್ಲಿ ೧.೧.೧೯೯೬ ರಂದು ಶಾಲಾ ಶಿಕ್ಷಕಿಯಾಗಿ ನಿಯುಕ್ತರಾಗಿ ಅದೇ ಶಾಲೆಯಲ್ಲಿ 31-05-2025 ರಂದು 29 ವರ್ಷ 5 ತಿಂಗಳುಗಳ ಕಾಲ ಒಂದೇ ಶಾಲೆಯಲ್ಲಿ ಕರ್ತವ್ಯ ನಿರ್ವಹಿಸಿ ತಮ್ಮ ಸೇವೆಯಿಂದ ಉತ್ತಮ ಶಿಕ್ಷಕಿ ಎ೦ದು ಗುರುತಿಸಲ್ಪಟ್ಟು ನಿವೃತ್ತರಾದ ಶಿಕ್ಷಕಿ ಶ್ರೀಮತಿ ವಿಜಯಾ ನಾರಾಯಣ ಭಂಡಾರಿ ದಂಪತಿಯರನ್ನು ಶಾಲಾ ಎಸ್.ಡಿ.ಎಮ್.ಸಿ ವಿದ್ಯಾರ್ಥಿಗಳು ಪಾಲಕರು, ಹಳೆಯ ವಿದ್ಯಾರ್ಥಿಗಳು ಅಡಿಗೆ ಸಿಬ್ಬಂಧಿಗಳು, ಊರ ನಾಗರಿಕರು ಅಭಿಮಾನ ಪೂರ್ವಕವಾಗಿ ಆತ್ಮೀಯತೆಯಿಂದ ಸನ್ಮಾನಿಸಿ ಗೌರವದೊಂದಿಗೆ ಬೀಳ್ಕೊಟ್ಟರು.
ಕಾರ್ಯಕ್ರಮದಲ್ಲಿ ಮಾತನಾಡಿದ ಗ್ರಾಪಂ. ಸದಸ್ಯ ಮಹೇಶ ದೇಶಭಂಡಾರಿ ಒಂದೇ ಶಾಲೆಯಲ್ಲಿ 30 ವರ್ಷ ಸೇವೆ ಸಲ್ಲಿಸಿ ನಿವೃತ್ತಿಯಾಘುವುದು ವಿಶೇಷ,
ನನ್ನ ಜೀವನದಲ್ಲಿ ಇದು ಸಿಕ್ಕಿರುವುದು ತುಂಬಾ ಸಂತೋಷದ ವಿಷಯವಾಗಿದೆ. ಸರಕಾರಿ ಶಾಲೆಗಳನ್ನು ಉಳಿಸಿ. ಮಕ್ಕಳ ಭವಿಷ್ಯವನ್ನು ಉಜ್ವಲಗೊಳಿಸಬೇಕು ಹಾಗೂ ಸರ್ಕಾರಿ ಶಾಲೆಗಳನ್ನು ಬೆಳೆಸುವಲ್ಲಿ ಊರಿನವರೆಲ್ಲಾ ಸಹಕರಿಸಬೇಕೆಂದು ವಿನಂತಿಸಿದರು.
ಗ್ರಾ.ಪo ಉಪಾಧ್ಯಕ್ಷೆ ಶ್ರಿಮತಿ ನಳಿನಿ ಎಮ್, ನಾಯ್ಕ ನಿವೃತ್ತಿ ಹೊಂದಿದ ವಿಜಯಕ್ಕೋರಿಗೆ ಮುಂದಿನ ಜೀವನಕ್ಕೆ ಶುಭವಾಗಲಿ ಎಂದು ಹಾರೈಸಿದರು.
ಹಳೆಯ ವಿದ್ಯಾರ್ಥಿ ಪ್ರಸನ್ನ ಭಂಡಾರಿ ಮಾತನಾಡಿ ನನಗೆ ಅವರು ಸಂಬoಧದಲ್ಲಿ ಅತ್ತೆಯೇ ಆದರೂ ಶಾಲೆಯಲ್ಲಿ ಅದ್ಯಾವುದೂ ತೋರ್ಪಡಿಸದೇ ಉತ್ತಮ ಶಿಕ್ಷಣ ಕೊಡುವಲ್ಲಿ ವಿಜಯಾ ಅಕ್ಕೋರು ಎಲ್ಲರಿಗೂ ಮಾದರಿಯಾಗಿದ್ದಾರೆ ಎಂದರು.
ಶಾಲೆಯ ಪೂರ್ವ ವಿದ್ಯಾರ್ಥಿ ಶಂಭು ಭಟ್ ಮಾತನಾಡಿ ವಿಜಯಕ್ಕೋರು ಸದಾ ಶಾಂತ ರೀತಿಯವರು, ಸಿಟ್ಟು ಮಾಡಿಕೊಂಡವರಲ್ಲ. ಅವರು ಹಾಗೂ ಅವರ ಜೊತೆಯಲ್ಲಿ ಕಲಿಸಿದ ಎಲ್ಲಾ ಶಿಕ್ಷಕರನ್ನು ನೆನೆಸಿಕೊಂಡು ಅವರಿಂದ ನಾವು ಇಂದು ಸಮಾಜದಲ್ಲಿ ಸುಸಂಸ್ಕೃತರಾಗಿ ಬೆಳೆಯಲು ಅನುಕೂಲವಾಯಿತು ಎಂದು ಸ್ಮರಿಸಿದರು.
ನಂತರ ಸಿಆರ್ಪಿ ಈಶ್ವರ ಭಟ್ ಮಾತನಾಡಿ ಊರಿನವರ ಸಹಕಾರ, ಶಾಲೆಗೆ ಗ್ರಾಪಂ ಅವರ ಕೊಡುಗೆ, ಶಾಲೆ ಪ್ರಾರಂಭದ ಸಮಯದಲ್ಲಿ ಊರಿನವರು ಬೆಳಿಗ್ಗೆ ಕೆಲಸಕ್ಕೆ ಹೋಗಿ ಬಂದು ರಾತ್ರಿ ಬೆಳಕಿನ ವ್ಯವಸ್ಥೆಯಲ್ಲಿ ಶಾಲೆಯ ಜಾಗದ ಕೆಲಸ ಮಾಡಿರುವುದನ್ನು ಸ್ಮರಿಸಿಕೊಂಡು ಧನ್ಯವಾದಗಳನ್ನು ತಿಳಿಸಿದರು.
ಅಳಕೋಡ ಶಾಲೆಯ ಮುಖ್ಯ ಶಿಕ್ಷಕರಾದ ಸುಧಾಕರ ಮಡಿವಾಳ ಮಾತನಾಡಿ ವಿಜಯ ಭಂಡಾರಿ ಅವರೊಟ್ಟಿಗೆ ಕಳೆದ 5-6 ವರ್ಷಗಳಿಂದ ಕೆಲಸ ಮಾಡಿದ್ದೇನೆ. ಅವರೊಬ್ಬ ಉತ್ತಮ ಶಿಕ್ಷಕಿ, ಅವರಲ್ಲಿ ಸಹನೆ, ತಾಳ್ಮೆ ತುಂಬಾ ಇದೆ. ಅವರಲ್ಲಿ ಕಲಿತ ವಿದ್ಯಾರ್ಥಿಗಳು ಉತ್ತಮ ಗುಣ ನಡತೆ ಹೊಂದಿದ್ದಾರೆ ಎಂಬುದಕ್ಕೆ ಈ ಕಾರ್ಯಕ್ರಮವೇ ಸಾಕ್ಷಿ ಎಂದು ಹೇಳಿದರು.
ಕಾರ್ಯಕ್ರಮದ ಕೊನೆಯಲ್ಲಿ ಮಾತನಾಡಿದ ನಿವೃತ್ತ ಶಿಕ್ಷಕಿ ವಿಜಯಾ ಭಂಡಾರಿ ಇಷ್ಟೆಲ್ಲಾ ಜನರು ಬಂದು ತುಂಬಾ ಪ್ರೀತಿ- ಅಬಿಮಾನದಿಂದ ನನಗೆ ಸನ್ಮಾನ ಮಾಡಿರುವುದನ್ನು ಕಂಡರೆ ತುಂಬಾ ಖುಷಿ ಎನ್ನಿಸುತ್ತದೆ. ನಾನು ಮೊದಲು ಶಾಲೆಗೆ ಸೇರಿದಾಗ ಕಟ್ಟಡದ ಸಮಸ್ಯೆ ತುಂಬಾ ಇತ್ತು, ಆಗ ಶಾಲೆಯಲ್ಲಿ ಆಟಕ್ಕೆ ಬಿಟ್ಟಾಗ ಮಕ್ಕಳನ್ನು ಕಾಯಬೇಕಿತ್ತು ಯಾಕೆಂದರೆ ಕಂಪೌoಡ್ ಇರಲಿಲ್ಲ. ಶಾಲೆ ಮೊದಲು ನನ್ನಿಂದಲೇ ಪ್ರಾರಂಭವಾಯಿತು ಎನ್ನುವುದಕ್ಕೆ ತುಂಬಾ ಖುಷಿಯಿದೆ ಎಂದರು.
ಎಲ್ಲರ ಸಹಕಾರ ಇರುವುದಕ್ಕೆ ಶಾಲೆಯ ಪ್ರಗತಿಗೆ ಸಹಾಯವಾಗಿದೆ. ನನ್ನ ನಂತರದಲ್ಲಿ ಬರುವ ಶಿಕ್ಷಕರಿಗೆ ಇದೇ ರೀತಿಯ ಗೌರವ ಸಿಗುವಂತಾಗಲಿ. ಶಾಲೆಯಲ್ಲಿ ಒಂದು ಕೈತೋಟ ಮಾಡಬೇಕೆಂಬ ಹಂಬಲ ತುಂಬಾ ಇತ್ತು ಆದರೆ ನೀರಿಗಾಗಿ ಪರದಾಟ ಮಾಡಿರುವುದನ್ನು ನೆನಪಿಕೊಂಡು, ದಯಮಾಡಿ ಪಂಚಾಯತದವರು ನಮ್ಮ ಶಾಲೆಯ ಕಂಪೌoಡ್ ಒಳಗಡೆ ನೀರಿನ ವ್ಯವಸ್ಥೆ ಮಾಡಿಕೊಡಬೇಕಾಗಿ ವಿನಂತಿಸಿಕೊoಡರು.
ಈ ಸಂದರ್ಭದಲ್ಲಿ ಗ್ರಾ.ಪಂಚಾಯಿತ್ ಉಪಾದ್ಯಕ್ಷೆ ಶ್ರೀಮತಿ ನಳಿನಿ ಮಹೇಂದ್ರ ನಾಯ್ಕ, ಸದಸ್ಯ ಶ್ರೀ ಮಹೇಶ ದೇಶಭಂಡಾರಿ, ಎಸ್.ಡಿ.ಎಮ್.ಸಿ ಅಧ್ಯಕ್ಷರಾದ ಜಯಶ್ರೀ ಎನ್ ಗೌಡ, ಶಾಲಾ ಮುಖ್ಯಶಿಕ್ಷಕರಾದ ಶ್ರೀ ಸುಧಾಕರ ಮಡಿವಾಳ, ಶಿಕ್ಷಾಣಾಭಿಮಾನಿಗಳಾದ ಶಿವರಾಮ ಭಟ್, ಅದೇ ಶಾಲೆಯಲ್ಲಿ 7 ವರ್ಷಗಳ ಸೇವೆ ಸಲ್ಲಿಸಿ ಸದ್ಯ ಹೊನ್ನಾವರ ಸಂತೆಗುಳಿ ಸಿ.ಆರ್.ಪಿ ಆಗಿರುವ ಶ್ರೀ ಈಶ್ವರ ಭಟ್, ಶಿಕ್ಷಕಿ ಶ್ರೀಮತಿ ಶ್ಯಾಮಲಾ ಹೆಗಡೆ, ಗ್ರಾಮಸ್ಥರಾದ ಮಾದೇವ ಭಟ್, ಗೊಪಾಲ ಗೌಡ, ಶಾಲೆಯ ಹಳೆಯ ವಿದ್ಯಾರ್ಥಿಗಳು, ಗ್ರಾಮಸ್ಥರು, ಮುಂತಾದವರು ಉಪಸ್ಥಿತರಿದ್ದರು.
ಭಗವಾನ ಆದಿನಾಥ ಮೂರ್ತಿಗೆ 1008 ಕಲಸದ ಹಾಲಿನ ಅಭಿಷೇಕದೊಂದಿಗೆ ಆರಾದನ ಮಹೋತ್ಸವಕ್ಕೆ ಚಾಲನೆ
ಚಿಕ್ಕೋಡಿ :
ಒಂದು ಸಾವಿರ ವರ್ಷದ ಇತಿಹಾಸ ಹೊಂದಿರುವ ಭಗವಾನ ಆದಿನಾಥ ಮಂದಿರದಲ್ಲಿ ಪುರಾತನ ಮೂರ್ತಿಗೆ ಮಂತ್ರಪಟನದೊಂದಿಗೆ 1008 ಹಾಲಿನ ಕಲಶ, 1008 ಕಲ ಕಲಶ ಹಾಗೂ ಅನ್ಯ ದ್ರವ್ಯಗಳಿಂದ ಮಹಾ ಮಸ್ತಕಾಭಿಷೇಕ ನೆರವೆರಿಸಿ ಬೆಂಗಳೂರಿನಿಂದ ತಂದಿರುವ 1008 ಕಮಲ ಪುಷ್ಪಗಳಿಂದ ಅರ್ಚನೆ ಮಾಡಲಾಯಿತು.
ಬೆಳಗಾವಿ ಜಿಲ್ಲೆಯ ಕಾಗವಾಡ ತಾಲೂಕಿನ ಐನಾಪೂರ ಪಟ್ಟಣದಲ್ಲಿ ಹಮ್ಮಿಕೊಂಡ ಜೈನ ಸಮಾವೇಶದ ನಿಮಿತ್ಯವಾಗಿ ರಾಷ್ಟ್ರ ಸಂತ ಗುಣಧರನಂದಿ ಮುನಿಮಹರಾಜರ ದಿವ್ಯ ಸಾನಿಧ್ಯದಲ್ಲಿ ಪ್ರತಿಷ್ಟಾಚಾರಿಗಳ ಮಂತ್ರ ಪಟ್ಟನೆಗಳ ಮೂಲಕ ಮಹಾಮಸ್ತಕಾಭಿಷೇಕ ನೆರವೇರಿತು. ಮುನಿಗಳಾದ ಶ್ರವಣನಂದಿ ಮುನಿ ಮಹರಾಜರು ತತ್ವಾರ್ಥ ನಂದಿ ಮುನಿ ಮಹರಾಜರು ಸಾನಿಧ್ಯವಹಿಸಿದ್ದರು.
ಈ ವೇಳೆ ಮಾತನಾಡಿದ ಆಚಾರ್ಯ ರಾಷ್ಟ್ರಸಂತ ಗುಣಧರನಂದಿ ಮುನಿಮಹರಾಜರು ಪೂಜೆ ವಿಧಾನ ಬಗ್ಗೆ ಮಾತನಾಡಿ ಭಗವಾನ ಆದಿನಾಥ ಮೂರ್ತಿಗೆ ಪಂಚ ನದಿಗಳಿಂದ ಜಲವನ್ನ ತಂದು 1008 ಕಳಶಗಳ ಹಾಲು 1008 ಕಮಲ ಪುಷ್ಪಗಳು ಪೂಜಾ ವಿಧಾನದಲ್ಲಿ ಬಳಕೆ ಮಾಡಿ ವಿಶ್ವದ ಶಾಂತಿಗಾಗಿ ಹಾಗೂ ಕರೊನಾ ಮಹಾ ಮಾರಿ ತಡೆಗಟ್ಟಲು ಸಹದೋಷ ಔಷದ ಬಳಸಿ ಮಹಮಸ್ತಕಾಭಿಷೇಕ ನೆರವೆರಿಸಲಾಗಿದೆ ಎಂದರು.
ವರದಿ: ಪವನಕುಮಾರ ಕೃಷ್ಣಶರ್ಮಾ
ಕಾಗವಾಡ ತಾಲೂಕಿನ ಐನಾಪೂರ ಪಟ್ಟಣದಲ್ಲಿ ಬೃಹತ್ ಜೈನ ಸಮಾವೇಶಕ್ಕೆ ಸಕಲ್ ಸಿದ್ದತೆ: ಸಂಜಯ ಕುಚನರಿ
ಹೌದು ಏನೂ ಬುಹುದಿನಗಳಿಂದ ಜೈನ ಸಮಾಜಕ್ಕೆ ಪ್ರತ್ಯೇಕ ಅಭಿವೃದ್ಧಿ ನಿಗಮ ಮಂಡಳಿ ಬೇಕೆ ಬೇಕು ಅಂತ ಹೋರಾಟ ಮಾಡುತ್ತರುವದು ಜೋತೆಗೆ ಜೈನ ಸಮಾಜದ ಬಡ ಜನರಿಗೆ ಸಹಾಯಧನ ನೀಡುವುದು ಸೇರಿದಂತೆನ ನಾನಾ ರೀತಿಯ ಬೇಡಿಕೆ ಈಡೇರಿಕೆಗೆ ಸರಕಾರದ ಮೇಲೆ ಒತ್ತಡ ಹೇರುವ ನಿಟ್ಟಿನಲ್ಲಿ ಮಂಡಳಿ ನಮಗೆ ಬೇಕೆ ಬೇಕು ಅಂತ್ತ ಪಣತೊಟ್ಟು ಬೆಳಗಾವಿ ಜಿಲ್ಲೆಯ ಕಾಗವಾಡ ತಾಲೂಕಿನ ಐನಾಪೂರ ಪಟ್ಟಣದಲ್ಲಿ ಇದೆ ಜೂ. 8 ರಂದು ಜೈನ ಸಮಾಜ ರಾಜ್ಯಪಾಲರಿಗೆ ಹಾಗೂ ಮುಖ್ಯ ಮಂತ್ರಿಗಳಿಗೆ ಮನವಿಯನ್ನು ಮಾಡಿಕೊಳ್ಳಲು ಬೃಹತ್ ಸಮಾವೇಶ ಸಕಲ್ ಸಿದ್ದತೆಯನ್ನು ಮಾಡಿಕೋಳ್ಳಾಗಿದೆ.
ಈ ವೇಳೆ ಮಾದ್ಯಮರೋಂದಿಗೆ ಮಾತನಾಡಿದ ಸಂಜಯ ಕುಚನುರೆ ಈಗಾಲೆ ಏನು ನಮ್ಮ ಸಮಾಜದ ವತಿಯಿಂದ ಒಂದೆರಡು ಬೃಹತ್ ಸಮಾವೇಶಗಳನ್ನ ಆಯೋಜನೆ ಮಾಡಿದ್ದವೆ ಅಲ್ಲದೆ ಮಾನ್ಯ ಮುಖ್ಯಮಂತ್ರಿ ಮತ್ತು ಉಪ ಮುಖ್ಯಮಂತ್ರಿಗಳು ಈ ಹೀಂದೆ ಸಮಾಜದ ನಿಗಮದ ಏನು ಬೇಡಿಕೆ ಇದೆ ಅದನ್ನ ನಾವು ಇಡೆರಿಸುತ್ತವೆ ಅಂತ್ತಾ ಅವರು ಆಶ್ವಾಸನೆ ಕೊಟ್ಟಿದ್ದರು. ಆದ್ರೆ ಅದು ಇಗ ಇಲ್ಲಿಯವರೆಗೆ ಯಾವುದೇ ರೀತಿ ಬಜೆಟ್ ನಲ್ಲೂ ಕೂಡಾ ಪ್ರಸ್ತಾಪನೆ ಮಾಡಿಲ್ಲ.
ಅದಕ್ಕೆ ನಾವು ಮತ್ತೊಮ್ಮೆ ಶ್ರಿ108 ಆಚರ್ಯ ರಾಷ್ಟ್ರ ಸಂತ ಗುಣಧರನಂದಿ ಮುನಿ ಮಹಾರಾಜ ನೇತೃತ್ವದಲ್ಲಿ ಸಿದ್ದತೆಗಳು ಭರದಿಂದ ಸಾಗಿದೆ. ಹಾಗೂ ಪಕ್ಷಾತಿತವಾಗಿ ಎಲ್ಲ ಬೇಳಗಾವಿ ಜಿಲ್ಲಯ ನಾಯಕರ ಎಲ್ಲರನ್ನೊಳಗೋಂಡು ಈ ಜೂನ 8ರಂದು ಸರಕಾರಿ ಕನ್ನಡ ಶಾಲೆ ಆವರಣದಲ್ಲಿ ಭವ್ಯ ಮಂಟಪ ನಿರ್ಮಿಸಲಾಗಿದ್ದು ಈ ಸಮಾವೇಶಕ್ಕೆ ಎಲ್ಲರು ಸಾಕ್ಷಿ ಯಾಗಲಿದ್ದಾರೆ ಎಂದರು .
ಅಲ್ಲದೆ ಈ ಸಮಾವೇಶ ದಲ್ಲಿ ಸುಮಾರು 60ಸಾವಿರಕ್ಕು ಅಧಿಕ ಜನ ಈ ಸಮಾವೇಶಕ್ಕೆ ಸೇರುವ ನಿರೀಕ್ಕೆ ಇದೆ ಅದಕ್ಕಾಗಿ ನಾವು ಈ ಮೂರನೇ ಸಮಾವೇಶದಲ್ಲಿ ಸರಕಾರಕ್ಕೆ ನಮ್ನ ಬೇಡಿಕೆಗಳನ್ನು ನಾವು ಸರಕಾರದ ಮುಂದೆ ಬರುವ 8 ತಾರೀಖಿನಂದು ಸಮಾಜದ ವತಿಯಿಂದ ಮನವಿಯನ್ನು ಸಲ್ಲಿಸಲಿದ್ದವೆ.
ಇದಲ್ಲದೇ ಈ ಕಾರ್ಯಕ್ರಮಕ್ಕೆ ಸನ್ಮಾನ ರಾಜ್ಯಪಾಲ ಥಾವರಚಂದ ಗಹ್ಲೋತ ಮುಖ್ಯ ಅತಿಥಿಯಾಗಿ ಸಮಾವೇಶವನ್ನು ಉದ್ಘಾಟಿಸಲಿದ್ದಾರೆ. ನಾಡಿನ 17 ಕ್ಕೂ ಹೆಚ್ಚು ಭಟ್ಟಾರಕ ಸ್ವಾಮೀಜಿಗಳು ಭಾಗವಹಿಸಲಿದ್ದರೆ. ಮತ್ತು ಜಿಲ್ಲೆಯ ಉಸ್ತುವಾರಿ ಸಚಿವರಾದ ಸತೀಶ್ ಜಾರಕೀಹೋಳಿ, ಲಕ್ಷ್ಮೀ ಹೇಬ್ಬಾಳ್ಕರವರು. ಡಿ.ಸುಧಾಕರ. ಕೆಎಲ್ಇ ಸಂಸ್ಥೆಯ ಕಾರ್ಯಧ್ಯಕ್ಷ ಡಾ. ಪ್ರಭಾಕರ ಕೋರೆ ಹಾಗೂ ಸ್ಥಳೀಯ ಶಾಸಕರಾದ ರಾಜು ಕಾಗೆ ಮತ್ತು ಅಥಣಿ ಶಾಸಕರಾದ ಲಕ್ಷ್ಮಣ್ ಸವಧಿ ಇನ್ನೂ ಬೆಳಗಾವಿ ಜಿಲ್ಲೆಯ ಎಲ್ಲಾ ಪಕ್ಷದ ಶಾಸಕರು ಈ ಸಮಾವೇಶಕ್ಕೆ ಸಾಕ್ಷಿಯಾಗಲ್ಲಿದ್ದರೆ ಎಂದರು……
ವರದಿ : ಪವನಕುಮಾರ ಕೃಷ್ಣಶರ್ಮಾ
ಅಂಗನವಾಡಿ ಕೇಂದ್ರದಲ್ಲಿ ಎಲ್ಕೆಜಿ ಯುಕೆಜಿ ತರಗತಿ ಪ್ರಾರಂಭ
ಗೋಣಿಕೊಪ್ಪ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಹರಿಶ್ಚಂದ್ರಪುರ ಅಂಗನವಾಡಿ ಕೇಂದ್ರದಲ್ಲಿ ಸರ್ಕಾರದ ಆದೇಶದ ಮೇರೆಗೆ ಎಲ್ ಕೆ ಜಿ, ಯು ಕೆ ಜಿ ತರಗತಿ ಉದ್ಘಾಟನಾ ಸಮಾರಂಭವನ್ನು ಮಾಡಲಾಯಿತು .
ಈ ಸಮಾರಂಭವನ್ನು ಗ್ರಾಮ ಪಂಚಾಯಿತಿಯ ಅಧ್ಯಕ್ಷರಾದ ಶ್ರೀಮಾನ್ ಕುಲ್ಲಚಂಡ ಪ್ರಮೋದ್ ಗಣಪತಿಯವರು ಉದ್ಘಾಟಿಸಿದರು. ಇಂದಿನ ಮಕ್ಕಳ ಶಿಕ್ಷಣದ ಕುರಿತು, ನಮ್ಮ ಗ್ರಾಮದಲ್ಲಿ ಎಲ್ಕೆಜಿ ಯುಕೆಜಿ ಪ್ರಾರಂಭಿಸುವುದು ತುಂಬಾ ಹೆಮ್ಮೆಯ ವಿಷಯ ಅದೇ ರೀತಿ ಮುಂದೆ ಇದನ್ನು ಚೆನ್ನಾಗಿ ಬೆಳೆಸಿಕೊಂಡು ಹೋಗುವಂತೆ ಮಾರ್ಗದರ್ಶನ ನೀಡಿ ಮಕ್ಕಳಿಗೆ ಶುಭವನ್ನು ಕೋರಿದರು. ಶಾಲಾ ಮುಖ್ಯೋಪಾಧ್ಯಾಯರು ಶ್ರೀಮಾನ್ ಹೆಚ್ ಡಿ ಕುಮಾರ್ ರವರು ಮಕ್ಕಳ ಶಿಕ್ಷಣದ ಕುರಿತು ದಾಖಲಾತಿ ವಯೋಮಿತಿ, ಶಿಕ್ಷಣದ ಮಹತ್ವ ಪಠ್ಯ ಪುಸ್ತಕಗಳು ಇದರ ಬಗ್ಗೆ ಪೋಷಕರಿಗೆ ಅರಿವು ಮೂಡಿಸಿದರು.
ಇಂದಿನ ಕಾರ್ಯಕ್ರಮದಲ್ಲಿ ತಿತಿಮತಿ ಆರೋಗ್ಯ ಕೇಂದ್ರದ ಹೋಮಿಯೋಪತಿ ವೈದ್ಯರು ಆದ ಕುಮಾರಿ ಶ್ವೇತಾ ರವರು ಮಕ್ಕಳಿಗೆ ಶುಭಕೋರುತ್ತಾ ಮಕ್ಕಳ ಆರೋಗ್ಯದ ಬಗ್ಗೆ ಮಾಹಿತಿ ನೀಡಿದರು. ಹಾಗೆಯೇ ಗ್ರಾಮ ಪಂಚಾಯಿತಿ ಉಪಾಧ್ಯಕ್ಷರು ಶ್ರೀಮತಿ ಮಂಜುಳಾ, ಶ್ರೀಮಾನ್ ಅಬ್ಝಲ್ ಸ್ತ್ರೀಶಕ್ತಿ ಸಂಪನ್ಮೂಲ ವ್ಯಕ್ತಿ ಶ್ರೀಮತಿ ವರಲಕ್ಷ್ಮಿ ಡಾಕ್ಟರ್ ಶಮಿತಾ, ಎಲ್ಲಾ ಆಶಾ ಕಾರ್ಯಕರ್ತೆಯರು ಚಿತ್ರ, ಸುಧಾ, ಗೀತಾ, ದಮಯಂತಿ, ಎಲ್ಲಾ ಅಂಗನವಾಡಿ ಶಿಕ್ಷಕಿಯರಾದ ಲತಾ, ದೇವಕಿ, ಸಂಧ್ಯಾ, ಪುಷ್ಪ, ಸುಮತಿ, ಸಹಾಯಕಿ ಯಮುನಾ ಪೋಷಕ ವೃಂದದವರು ಊರಿನ ಗ್ರಾಮಸ್ಥರು ಪುಟಾಣಿ ಮಕ್ಕಳು ಪಾಲ್ಗೊಂಡು ಕಾರ್ಯಕ್ರಮವನ್ನು ಯಶಸ್ವಿಯಾಗಿ ನೆರವೇರಿಸಿ, ಎಲ್ಲರೂ ಮಕ್ಕಳ ಮುಂದಿನ ಭವಿಷ್ಯ ಉಜ್ವಲವಾಗಲಿ ಎಂದು ಶುಭ ಹಾರೈಸಿದರು ಕಾರ್ಯಕ್ರಮದಲ್ಲಿ ಅಂಗನವಾಡಿ ಶಿಕ್ಷಕಿ ಶ್ರೀಮತಿ ಲತಾ ಎಲ್ಲರನ್ನೂ ಸ್ವಾಗತಿಸಿ ಎಲ್ಲರನ್ನು ವಂದಿಸಿದರು.
ತಹಶಿಲ್ದಾರ್ ಭೇಟಿ ನೀಡಿ ಖಡಕ್ ಆದೇಶದ ಬೆನ್ನಲ್ಲೇ ಅಣೆಕಟ್ಟು ಫುಲ್ ಕ್ಲೀನ್ ಸಾರ್ವಜನಿಕರು ಪುಲ್ ಖುಷ್
ತಹಶಿಲ್ದಾರ್ ಭೇಟಿ ನೀಡಿ ನಿರ್ದೇಶನ ನೀಡಿದ ಎರಡೇ ದಿನದಲ್ಲಿ ಫಲಿಮಾರು ಕಿಂಡಿ ಅಣೆಕಟ್ಟಿನಲ್ಲಿ ಜಮಾವಣೆಗೊಂಡಿದ್ದ ರೆಂಬೆ, ಪ್ಲಾಸ್ಟಿಕ್ ಕಸಕಡ್ಡಿಯಂತಹ ಘನ ತ್ಯಾಜ್ಯಗಳನ್ನು ಪೂರ್ಣ ಸ್ವಚ್ಛ ಮಾಡಲಾಗಿದೆ. ಗ್ರಾಮ ಪಂಚಾಯತಿ ಯ ಅಧ್ಯಕ್ಷರಾದ ಸೌಮ್ಯಲತಾ ಶೆಟ್ಟಿ, ಉಪಾಧ್ಯಕ್ಷರಾದ ರಾಯೇಶ್ವರ ಪೈ
ಹಾಗೂ ಇತರ ಸದಸ್ಯರ ನೇತೃತ್ವದಲ್ಲಿ ಸ್ವಚ್ಛತಾ ಕಾರ್ಯ ನಡೆಸಲಾಗಿದೆ.
ತಹಶಿಲ್ದಾರ್ ಅಭಿನಂದನೆ
“ಫಲಿಮಾರು ಗ್ರಾಮ ಪಂಚಾಯತಿಯ ಚುನಾಯಿತ ಬಾಡಿ ಉತ್ತಮ ರೀತಿಯಲ್ಲಿ ಸ್ಪಂದಿಸಿ ತಹಶಿಲ್ದಾರ್ ರವರ ನಿರ್ದೇಶನದಂತೆ ತಕ್ಷಣವೇ ಎಲ್ಲಾ ಘನ ತ್ಯಾಜ್ಯಗಳನ್ನು ತೆಗೆದು ನೀರಿನ ಸರಾಗ ಹರಿವಿಗೆ ಅವಕಾಶ ಮಾಡಿಕೊಟ್ಟಿರುತ್ತಾರೆ. ಇದಕ್ಕಾಗಿ ಗ್ರಾಮ ಪಂಚಾಯತಿಗೆ ಅಭಿನಂದನೆಗಳು. ಸಾರ್ವಜನಿಕರ ಸಮಸ್ಯೆಗಳಿಗೆ ಉತ್ತಮ ರೀತಿಯಲ್ಲಿ ಸ್ಪಂದಿಸುತ್ತಿರುವ ಗ್ರಾಮ ಪಂಚಾಯತಿ ಇದೇ ರೀತಿ ಮುಂದುವರೆಯಲಿ ಎಂದು ಆಶಿಸುತ್ತೇನೆ… ಅದಕ್ಕೆ ತಾಲ್ಲೂಕು ಆಡಳಿತದ ಸಹಕಾರ ಸದಾ ಇದ್ದೇ ಇರುತ್ತದೆ.”*
ಎಂದು ತಹಶಿಲ್ದಾರ್ ಪ್ರತಿಭಾ ಆರ್ ತಿಳಿಸಿದ್ದಾರೆ.
ಮಾಧ್ಯಮಗಳು ಇದನ್ನು ಗಮನ ಸೆಳೆದಿದ್ದವು
ತಹಶಿಲ್ದಾರ್ ಪ್ರತಿಭಾ ಆರ್ ಭೇಟಿ ನೀಡಿ ಅಣೆಕಟ್ಟಿನಲ್ಲಿ ಜಮಾವಣೆಗೊಂಡಿದ್ದ ಘನ ತ್ಯಾಜ್ಯಗಳನ್ನು ಕಂಡು ಅಸಮಾಧಾನ ವ್ಯಕ್ತಪಡಿಸಿ ಕೂಡಲೇ ಸ್ವಚ್ಛಗೊಳಿಸಿ ನೀರಿನ ಹರಿವಿಗೆ ಅನುವು ಮಾಡಿಕೊಡಲು, ಪ್ರವಾಹ ಭೀತಿ ತಗ್ಗಿಸಲು ಖಡಕ್ ಆದೇಶ ನೀಡಿದ್ದನ್ನು ಮಾಧ್ಯಮಗಳು ವರದಿ ಮಾಡಿದ್ದವು. ಆ ವರದಿಗಳ ಇಂಪ್ಯಾಕ್ಟ್ ಇಂದು ಕಾಣ್ತಿದೆ.
ಗ್ರಾಮ ಪಂಚಾಯತಿಯವರು ತಕ್ಷಣವೇ ಕಾರ್ಯಪ್ರವೃತ್ತರಾಗಿ ಅಣೆಕಟ್ಟಿನ ಕಸ ತೆಗೆದು ಸ್ವಚ್ಚಗೊಳಿಸಿದ್ದಾರೆ.
ಪ್ರತಿ ವರ್ಷ ಗ್ರಾಮ ಪಂಚಾಯತಿಯವರು ಕಾಲಕಾಲಕ್ಕೆ ಸ್ವಚ್ಚಗೊಳಿಸುತ್ತಾರೆ. ಅದರಂತೆ ಈ ವರ್ಷವೂ ಮಳೆಗಾಲದ ಪೂರ್ವಸಿದ್ಧತೆಯಾಗಿ ಸ್ವಚ್ಚಗೊಳಿಸಿದ್ದಾರೆ.
ಪ್ರತಿಭಾ ಆರ್ ಹೇಳಿಕೆ
” ಎರಡು ದಿನದ ಹಿಂದೆ ನಾನು ಭೇಟಿ ನೀಡಿ ಕೂಡಲೇ ಘನ ತ್ಯಾಜ್ಯ ಸ್ವಚ್ಚಗೊಳಿಸುವಂತೆ ಆದೇಶ ನೀಡಲಾಗಿತ್ತು. ಅದರಂತೆ ಗ್ರಾಮ ಪಂಚಾಯತಿಯವರು ಸ್ಪಂದಿಸಿ ಸ್ವಚ್ಚಗೊಳಿಸಿರುತ್ತಾರೆ. ಇದನ್ನು ತಾಲ್ಲೂಕು ಆಡಳಿತ ಶ್ಲಾಘಿಸಿದೆ.
ಮಳೆಗಾಲಕ್ಕೆ ಪೂರ್ವ ಸಿದ್ದತೆ ಮಾಡಿಕೊಳ್ಳಲು ಅಧಿಕಾರಿಗಳಿಗೆ ಮತ್ತು ಗ್ರಾಮ ಪಂಚಾಯತಿಗಳಿಗೆ ತಿಳಿಸಲಾಗಿದೆ. ನೆರೆ ಭೀತಿ ಇರುವ ಕಡೆ ಈಗಾಗಲೇ ಜನರಿಗೆ ಜಾಗೃತಿ ಮೂಡಿಸಿ ಮುಂಜಾಗ್ರತೆ ಕೈಗೊಳ್ಳಲಾಗಿದೆ. ತಾಲ್ಲೂಕು ಆಡಳಿತ ನೆರೆ ಪರಿಸ್ಥಿತಿ ಎದುರಿಸಲು ಸರ್ವ ಸನ್ನದ್ಧವಾಗಿದೆ. ಬೋಟುಗಳನ್ನು ರೆಡಿ ಇಟ್ಟುಕೊಳ್ಳಲಾಗಿದೆ. ನುರಿತ ಈಜುಗಾರರ ತಂಡ ಸದಾ ಸೇವೆಗೆ ಲಭ್ಯವಿದೆ. ತಹಶಿಲ್ದಾರ್ ಕಚೇರಿ ಕಂಟ್ರೋಲ್ ರೂಮ್ 24 ಗಂಟೆಯೂ ಕಾರ್ಯ ನಿರ್ವಹಿಸುತ್ತಿದೆ (0820-2551444).
ಸಾರ್ವಜನಿಕರು ಯಾವುದೇ ಸಂದರ್ಭದಲ್ಲಿ ಕರೆ ಮಾಡಿ ಸಹಾಯ ಪಡೆಯಬಹುದು.*
ವರದಿ:ಡಾ.ನಂದುಪೂಜಾರಿ
ಸುರಪುರ: ಮೆಟ್ರಿಕ ನಂತರದ ವಿದ್ಯಾರ್ಥಿ ನಿಲಯಗಳ ವಸತಿ ನಿಲಯಗಳಿಗೆ ಪ್ರವೇಶ ಪಡೆಯಲು ವಿದ್ಯಾರ್ಥಿಗಳಿಗೆ ಆನ್ ಲೈನ್ ನಲ್ಲಿ ಅರ್ಜಿ ಆಹ್ವಾನ.
ಸುರಪೂರ ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆಯ ಮೆಟ್ರಿಕ್ ನಂತರದ ಬಾಲಕರ ಮತ್ತು ಬಾಲಕಿಯರ ವಸತಿ ನಿಲಯಗಳಿಗೆ (P U C, I T I, Diploma,) ವ್ಯಾಸಂಗ ಮಾಡುತ್ತಿರುವ ವಿದ್ಯಾರ್ಥಿಗಳಿಗೆ 2025-26ನೇ ಸಾಲಿನ ಹಿಂದುಳಿದ ವರ್ಗ ಗಳ ಪ್ರವರ್ಗ-1,2ಎ 2ಬಿ 3ಎ 3ಬಿ, ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡ ಗಳ ಹಾಗೂ ಇತರೆ ಜನಾಂಗಗಳಿಗೆ ಸೇರಿದ ವಿದ್ಯಾರ್ಥಿಗಳಿಂದ ಅರ್ಜಿಯನ್ನು ಆಹ್ವಾನಿಸಲಾಗಿದೆ ಎಂದು ಸುರಪುರ ತಾಲೂಕು ಹಿಂದುಳಿದ ವರ್ಗದ ಕಲ್ಯಾಣ ಅಧಿಕಾರಿಗಳು ತಿಳಿಸಿದ್ದಾರೆ .
ಪ್ರವೇಶ ಪಡೆಯಲು ಇಚ್ಛೆ ಉಳ್ಳ ವಿದ್ಯಾರ್ಥಿ ಹಾಗೂ ವಿದ್ಯಾರ್ಥಿನಿಯರು ವೆಬ್ಸೈಟ್ನಲ್ಲಿ l ಆನ್ ಲೈನ್ ಮೂಲಕ ಅರ್ಜಿ ಕೊನೆಯ ದಿನಾಂಕ:20-06-2025 ಇರುತ್ತದೆ.
ಅರ್ಜಿಯ ಪ್ರತಿ ಹಾಗೂ ಅಪ್ಲೋಡ್ ಮಾಡಲಾದ ದಾಖಲಾತಿಗಳ ಸ್ವಯಂ ದೃಢೀಕೃತ ಪ್ರತಿಗಳನ್ನು ಸಂಬಂಧ ಪಟ್ಟ ಕಾಲೇಜಿನ ಪ್ರಾಂಶುಪಾಲರಿಂದ ದೃಢೀಕರಿಸಿ ಸುರಪುರ ತಾಲೂಕು ಹಿಂದುಳಿದ ವರ್ಗದ ಕಲ್ಯಾಣ ಅಧಿಕಾರಿಗಳ ಕಚೇರಿ ಹಾಗೂ ವಸತಿ ನಿಲಯದ ಮೇಲ್ವಿಚಾರಕರಿಗೆ ಸಲ್ಲಿಸಬೇಕು.ಸ್ವೀಕೃತಿಯನ್ನು ಪಡೆಯಬೇಕು,ಹೆಚ್ಚಿನ ಮಾಹಿತಿಗಾಗಿ ಸುರಪುರ ತಾಲೂಕ ಹಿಂದುಳಿದ ವರ್ಗಗಳ ಕಾರ್ಯಾಲಯ ವನ್ನು ಹಾಗೂ(https://bcwd.karnataka.gov.in) ವೆಬ್ಸೈಟ್ ವನ್ನು ಸಂಪರ್ಕಿಸಬೇಕು ಎಂದು ತಿಳಿಸಿರುತ್ತಾರೆ ಒಂದು ವೇಳೆ ಅರ್ಜಿ ಸಲ್ಲಿಸಲು ತಾಂತ್ರಿಕ ದೋಷ ಉಂಟಾದಲ್ಲಿ ತಾಲೂಕ ಹಿಂದುಳಿದ ವರ್ಗಗಳ ಕಾರ್ಯಾಲಯಕ್ಕೆ ಅಗತ್ಯ ದಾಖಲಾತಿಗಳೊಂದಿಗೆ ಸಂಪರ್ಕಿಸ ಬೇಕು ಎಂದು ತಿಳಿಸಿದರು.
ವಿದ್ಯಾರ್ಥಿ ವಿದ್ಯಾರ್ಥಿನಿಯರು ಈ ಸದುಪಯೋಗವನ್ನು ಪಡಿಸಿಕೊಂಡು ತಮ್ಮ ಉನ್ನತ ವಿದ್ಯಾಭಾಸವನ್ನು ಮುಂದುವರಿಸಿಕೊಂಡು ಹೋಗಬೇಕು ಎಂದು ತಾಲೂಕ ಹಿಂದುಳಿದ ವರ್ಗಗಳ ಕಲ್ಯಾಣ ಅಧಿಕಾರಿಗಳಾದ ತಿಪ್ಪಾರೆಡ್ಡಿ ಮಾಲಿಪಾಟೀಲ್ ಪ್ರಕಟಣೆಯಲ್ಲಿ ತಿಳಿಸಿರುತ್ತಾರೆ.
