ಕುಮಟಾ: ಮಹಾಸತಿ ಸಭಾಭವನದಲ್ಲಿ ಇತ್ತೀಚೆಗೆ ಹಮ್ಮಿಕೊಂಡ ಮಾಜಿ ಸೈನಿಕರ ಸಂಘವನ್ನು ಶಾಸಕ ದಿನಕರ ಶೆಟ್ಟಿ ಉದ್ಘಾಟಿಸಿ, ದೇಶಕ್ಕೆ ಸೈನಿಕರ ಸೇವೆ ಅನನ್ಯವಾದುದು. ಮಾಜಿ ಸೈನಿಕರೆಲ್ಲ ಸೇರಿ ಒಂದು ಸಂಘವನ್ನು ಸ್ಥಾಪಿಸಿಕೊಂಡು ಸಮಾಜಮುಖಿ ಕಾರ್ಯದಲ್ಲಿ ಭಾಗಿಯಾಗುತ್ತಿರುವುದು ಸಂತೋಷದ ವಿಚಾರವೆಂದು ಅಭಿಪ್ರಾಯಪಟ್ಟರು. ನೂತನವಾಗಿ ಅಸ್ತಿತ್ವಕ್ಕೆ ಬಂದ ಸಂಘದಿಂದ ಮಾಜಿ ಸೈನಿಕರಲ್ಲಿಯ ಪ್ರತಿಭೆ ಅನಾವರಣಗೊಳ್ಳಲು ಸೂಕ್ತ ವೇದಿಕೆಯಾಗಬಲ್ಲದು ಎಂದರು. ವೀರ ನಾರಿಯರಿಗೆ ಸನ್ಮಾನಿಸಿ ಗೌರವಿಸಲಾಯಿತು. ಇದೇ ಸಂದರ್ಭದಲ್ಲಿ ಮಾಜಿ ಸೈನಿಕರಾದ ನಾಗೇಶ ನಾಯ್ಕ ಕಾಗಾಲ, ಯುವಬ್ರಿಗೇಡಿನ ಸತೀಶ ಪಟಗಾರ, ಉದ್ಯಮಿ ಎಚ್. ಆರ್. ನಾಯ್ಕ, ರಿಕ್ಷಾ ಚಾಲಕ ಮಂಜುನಾಥ ಜಿ. ಗುನಗ ಅವರನ್ನು ಗೌರವಿಸಲಾಯಿತು. 20 ವೀರ ನಾರಿಯರಿಗೆ ಸನ್ಮಾನಿಸಲಾಯಿತು.
ಮುಖ್ಯ ಅತಿಥಿಗಳಾಗಿ ಮಾಜಿ ಲೆಫ್ಟಿನೆಂಟ್ ಕರ್ನಲ್ ಪಿ.ಎಂ. ನಾಯ್ಕ, ಮಾಜಿ ವಿಂಗ್ ಕಮಾಂಡರ್ ಗಣೇಶ ಶಾಸ್ತ್ರಿ ಉಪಸ್ಥಿತರಿದ್ದು ಮಾತನಾಡಿದರು. ಪ್ರಾರಂಭದಲ್ಲಿ ಖುಷಿ ಸುಧಾಕರ ನಾಯ್ಕ ಪ್ರಾರ್ಥಿಸಿದರು. ಗೌರವಾಧ್ಯಕ್ಷತೆಯನ್ನು ನಿವೃತ್ತ ಲೆಫ್ಟಿನೆಂಟ್ ಕರ್ನಲ್ ಎ. ಆರ್. ಮಾಸೂರಕರ್ ವಹಿಸಿದ್ದರು. ಅಧ್ಯಕ್ಷರಾಗಿ ಮಾಜಿ ಸೈನಿಕರ ಸಂಘದ ಅಧ್ಯಕ್ಷರಾದ ವಿನಾಯಕ ಡಿ. ನಾಯ್ಕ ಸ್ವಾಗತಿಸಿ ಪ್ರಾಸ್ತಾವಿಕ ಮಾತುಗಳನ್ನಾಡಿದರು. ಮಾಜಿ ಸೈನಿಕರ ಸಂಘದ ಕಾರ್ಯದರ್ಶಿ, ರೋಟರಿ ಸದಸ್ಯ ಗಣೇಶ ಎಲ್. ನಾಯ್ಕ ಮಿರ್ಜಾನ್ ವಂದಿಸಿದರು.
POST
ಸಚಿವರ ಹೇಳಿಕೆಗೆ ಜೆಡಿಎಸ್ ಘಟಕದಿಂದ ಖಂಡನೆ
ಸಚಿವರ ಹೇಳಿಕೆಗೆ ಜೆಡಿಎಸ್ ಘಟಕದಿಂದ ಖಂಡನೆ
ಕುಮಟಾ: ‘ಕೇಂದ್ರ ಸಚಿವ ಹಾಗೂ ಮಾಜಿ ಮುಖ್ಯಮಂತ್ರಿ ಕುಮಾರಸ್ವಾಮಿ ಅವರ ಬಗ್ಗೆ
ಅವಹೇಳನಕಾರಿ ಪದ ಬಳಕೆ ಮಾಡಿರುವ ಸಚಿವ ಜಮೀರ್ ಅಹಮದ್ ಖಾನ್
ಅವರ ಹೇಳಿಕೆಗೆ ಕುಮಟಾ-ಹೊನ್ನಾವರ ವಿಧಾನಸಭಾ ಕ್ಷೇತ್ರದ ಜೆಡಿಎಸ್ ಘಟಕ ತೀವ್ರವಾಗಿ ಖಂಡಿಸಿದೆ.
ಈ ಕುರಿತು ಮಂಗಳವಾರ ಕುಮಟಾ ಜೆಡಿಎಸ್ ಘಟಕದ ತಾಲೂಕಾಧ್ಯಕ್ಷ ಸಿ.ಜಿ.ಹೆಗಡೆ ಪತ್ರಿಕಾ ಪ್ರಕಟಣೆ ನೀಡಿ, ಚನ್ನಪಟ್ಟಣ ಉಪ ಚುನಾವಣೆ ಪ್ರಚಾರ ಸಂದರ್ಭದಲ್ಲಿ ನಮ್ಮ ನಾಯಕರ ಬಗ್ಗೆ ಕಾಂಗ್ರೆಸ್ ಸಚಿವ ಜಮೀರ ಅವರು ವರ್ಣಭೇದ ನೀತಿ ತೋರುವ ರೀತಿ ಹೇಳಿಕೆ ಕೊಟ್ಟಿರುವುದು ಸರಿಯಲ್ಲ. ಅವರ ಈ ಹೇಳಿಕೆಯಿಂದ ಕುಮಟಾ-ಹೊನ್ನಾವರ ವಿಧಾನ ಸಭಾ ಕ್ಷೇತ್ರದ ಪಕ್ಷದ ಕಾರ್ಯಕರ್ತರು ಹಾಗೂ ಅಭಿಮಾನಿಗಳಿಗೆ ಬೇಸರ ತಂದಿದೆ. ಕೇಂದ್ರ ಸಚಿವ ಎಚ್.ಡಿ. ಕುಮಾರಸ್ವಾಮಿಯವರು ಬಡವರ ಬಂಧು ಹುಟ್ಟಿನಿಂದ ರೈತರು, ಹೊಲ-ತೋಟಗಳಲ್ಲಿ ಕೆಲಸ ಮಾಡುವ ಶ್ರಮ ಜೀವಿಗಳು. ಬೆವರು ಸುರಿಸಿ ದುಡಿಯುವ ರೈತರಲ್ಲಿ ಕುಮಾರಸ್ವಾಮಿ ಅವರೂ ಒಬ್ಬರಾಗಿದ್ದಾರೆ. ಈ ಕಾರಣದಿಂದಲೆ ಅವರ ಮೈಬಣ್ಣ ಕಪ್ಪಗಿದೆ. ಹೀಗಿರುವಾಗ ರೈತರ ಮಕ್ಕಳಿಗೆ ಹೀನಾಯ ಹೇಳಿಕೆ ಕೊಡುವ ಸಚಿವ ಜಮೀರ್ ಒಬ್ಬ ಹೊರದೇಶದ ಸಂಜಾತನೇ ಎನ್ನುವ ಸಂಶಯ ಜನತೆಗೆ ಹಾಗೂ ಕಾರ್ಯಕರ್ತರಿಗೆ ಮೂಡಿದೆ. ಆದ್ದರಿಂದ ಇಂತಹ ಬಾಲಿಶತನದ ಹೇಳಿಕೆ ನೀಡಿರುವುದನ್ನು ಕುಮಟಾ-ಹೊನ್ನಾವರ ವಿಧಾನಸಭಾ ಜೆ.ಡಿ.ಎಸ್ ಪಧಾಧಿಕಾರಿಗಳು ಹಾಗೂ ಅಭಿಮಾನಿಗಳು ಖಂಡಿಸುತ್ತೇವೆ. ಜಮೀರ್ ಅವರು ತಮ್ಮ ಮಿತಿಯನ್ನು ಅರಿತು ಮಾತನಾಡಬೇಕು. ಸಿಎಂ ಸಿದ್ದರಾಮಯ್ಯ ಅವರು ತಮ್ಮ ಸಚಿವರನ್ನ ಹಿಡಿತದಲ್ಲಿಟ್ಟುಕೊಳ್ಳಬೇಕು. ಈ ರೀತಿಯಾಗದಂತೆ ಗಮನ ಹರಿಸಿ, ತಮ್ಮ ಸಚಿವರ ಬಾಯಿ ಹರಿಬಿಡದಂತೆ ಎಚ್ಚರ ವಹಿಸಬೇಕು ಎಂದು ಆಗ್ರಹಿಸಿದರು. ಈ ಸಂದರ್ಭದಲ್ಲಿ ಜೆಡಿಎಸ್ ಹೊನ್ನಾವರ ತಾಲೂಕಾಧ್ಯಕ್ಷ ಟಿ.ಟಿ.ನಾಯ್ಕ, ಪ್ರಧಾನ ಕಾರ್ಯದರ್ಶಿ ದತ್ತ ಪಟಗಾರ, ಪ್ರಮುಖರಾದ ಚಿನ್ನು ಅಂಬಿಗ, ಯಶವಂತ ಗೌಡ, ನಾರಾಯಣ ಗೌಡ ಕಲ್ಲಬ್ಬೆ, ಈಶ್ವರ ಗೌಡ ಹಟ್ಟಿಕೇರಿ, ಚಂದ್ರಕಾಂತ ಪಾಲೇಕರ, ಮಂಜು ನಾಯ್ಕ, ರಾಘು ನಾಯ್ಕ ಸೇರಿದಂತೆ ಜೆಡಿಎಸ್ ಸದಸ್ಯರು ಜಮೀರ್ ಹೇಳಿಕೆಗೆ ಖಂಡನೆ ವ್ಯಕಪಡಿಸಿದರು.
ಡಾ.ಮಲ್ಲಿಕಾರ್ಜುನ ಬಿ ಹಡಪದ ಸುಗೂರ ಎನ್ ಗೇ ನೆಹರು ಸ್ಮೃತಿ ಸನ್ಮಾನ ಪ್ರಶಸ್ತಿ
ನವೆಂಬರ್ 14 ರಂದು ಡಾ.ಮಲ್ಲಿಕಾರ್ಜುನ ಬಿ ಹಡಪದ ಸುಗೂರ ಎನ್ ಗೇ ನೆಹರು ಸ್ಮೃತಿ ಸನ್ಮಾನ ಹೆಸರಿನಲ್ಲಿ ಪ್ರಶಸ್ತಿ.
ಹಡಪದ ಸಮಾಜದ ನಿಸ್ವಾರ್ಥಿಯ ಸೇವಕ ಮಲ್ಲಿಕಾರ್ಜುನ ಬಿ.ಹಡಪದ ಸುಗೂರ ಎನ್ ಗೇ ನೆಹರು ಸ್ಮೃತಿ ಸಮ್ಮಾನ್ ಕಲಬುರಗಿ ಜಿಲ್ಲೆಯ ಚಿತ್ತಾಪುರ ತಾಲೂಕಿನ ಸುಗೂರ ಎನ್ ಗ್ರಾಮದ ಈ ಹಡಪದ ಅಪ್ಪಣ್ಣ (ಕ್ಷೌರಿಕ) ಸಮಾಜದ ನಿಸ್ವಾರ್ಥಿಯ ಸಮಾಜ ಸೇವಕನಿಗೆ ಸಮಾಜದ ಸೇವೆಯಲ್ಲಿ ಉತ್ತರ ಪ್ರದೇಶದ ಲಕ್ನೋ ದ ದಿ ಫೇರ್ ವಿಷನ್ ಫೌಂಡೇಷನ್ ವತಿಯಿಂದ 2024 ನೇ ಸಾಲಿನಲ್ಲಿ ಭಾರತ ದೇಶದ ಮೊದಲ ಪ್ರಧಾನ ಮಂತ್ರಿ ಹಾಗೂ ‘ಶ್ರೀ ಜವಾಹರ್ ಲಾಲ್ ನೆಹರು ಜೀ ಅವರ ಜನ್ಮ ದಿನದಂದು ವನ್ನು ಮಕ್ಕಳ ದಿನಾಚರಣೆಯ ಅಂಗವಾಗಿ ಅವರ ಹೆಸರಲ್ಲಿ ‘ ನೆಹರು ಸ್ಮೃತಿ ಸಮ್ಮಾನ್” ಪ್ರಶಸ್ತಿಯ ಸರ್ಟಿಫಿಕೇಟ್ ನೀಡಿ ಗೌರವಿಸಲಾಯಿತು. ಸಾಮಾಜಿಕ ಕ್ಷೇತ್ರದಲ್ಲಿ ಸಾಕಷ್ಟು ಸಾಧನೆ ಮಾಡಿದ್ದಾರೆ.ಅಲ್ಲದೆ ಸಾಮಾಜಿಕ ಕಳಕಳಿ ಹೊಂದಿರುವ ಅವರು ಕನ್ನಡ,ನೆಲ,ಜಲ ರಕ್ಷಣೆಗೆ ಕೈಜೋಡಿಸಿದ್ದಾರೆ.ಅವರ ಈ ಸಾಧನೆ ಗಮನಿಸಿ ಮತ್ತು ‘ ಕಷ್ಟಗಳು ಮೆಟ್ಟಿ ನಿಂತರೆ ಸಾಧನೆ ಸುಲಭ ಸಾಧ್ಯ ಡಾ.ಎಂ ಬಿ.ಹಡಪದ ಸುಗೂರ ಎನ್ ಅಭಿಪ್ರಾಯದ ಮಾತು
ಸಾಮಾಜಿಕ ಜೀವನದಲ್ಲಾಗಲಿ ಅಥವಾ ಬೇರೆ ಯಾವುದೇ ಕ್ಷೇತ್ರದಲ್ಲಾಗಲಿ ಹೊಸ ಕಾರ್ಯಕ್ರಮಗಳು ಮಾಡುವಾಗ ಸಾವಿರ ಕಷ್ಟಗಳು ಬರುತ್ತವೆ ಅವುಗಳನ್ನು ಮೆಟ್ಟಿ ನಿಂತರೆ ಮಾತ್ರ ಸಾಧನೆ ಸುಲಭ ಸಾಧ್ಯ ಎಂದು. ಡಾ.ಮಲ್ಲಿಕಾರ್ಜುನ ಬಿ.ಹಡಪದ. ಸುಗೂರ ಎನ್ ಹೇಳಿದರು.
ಉತ್ತರ ಪ್ರದೇಶದ ಲಕ್ನೋ ದ ದಿ ಫೇರ್ ವಿಷನ್ ಫೌಂಡೇಷನ್ ವತಿಯಿಂದ ‘ಭಾರತ ದೇಶದ ಮೊದಲ ಸ್ವತಂತ್ರ ಭಾರತದ ಮೊದಲ ಪ್ರಧಾನಿ ಭಾರತ ರತ್ನ ದಿ. ಶ್ರೀ ಪಂಡಿತ್ ಜವಾಹರ ಲಾಲ್ ನೆಹರು ಅವರ ಜನ್ಮದಿನದಂದು ಅವರಿಗೆ ವಿನಮ್ರ ಗೌರವಗಳನ್ನು ಅರ್ಪಿಸುತ್ತಾ ಎಲ್ಲರಿಗೂ ‘ಮಕ್ಕಳ ದಿನಾಚರಣೆ’ಯ ಶುಭಾಶಯಗಳು
ಅಪ್ರತಿಮ ರಾಜಕಾರಣಿ ಭಾರತ ರತ್ನ ಮಾಜಿ ಪ್ರಧಾನಿ ಸನ್ಮಾನ್ಯ. ದಿ. ಶ್ರೀ ಪಂಡಿತ. ಜವಾಹರ ಲಾಲ್ ನೆಹರು ಜಿ ಅವರ ನವೆಂಬರ್ 14ರಂದು ಅವರ ಹುಟ್ಟು ಹಬ್ಬದ (ಜಯಂತಿ) ಯ ನಿಮಿತ್ತವಾಗಿ ಅವರ ಹೆಸರಿನಲ್ಲಿ ಮಕ್ಕಳ ದಿನಾಚರಣೆಯ ಆಚರಣೆ ಹೆಸರಿನಲ್ಲಿ ನಮಗೇ ಸಮಾಜದ ಸೇವೆಯಲ್ಲಿ
2024 ನೇ ಸಾಲಿನಲ್ಲಿ
‘ನೆಹರು ಸ್ಮೃತಿ ಸಮ್ಮಾನ್ ಪ್ರಶಸ್ತಿ. ಸರ್ಟಿಫಿಕೇಟ್
ಕರ್ನಾಟಕ ರಾಜ್ಯದ ಕಲಬುರಗಿ ಜಿಲ್ಲೆಯ ಚಿತ್ತಾಪುರ ತಾಲೂಕಿನ ಸುಗೂರ ಎನ್ ಗ್ರಾಮದ ಡಾ.ಮಲ್ಲಿಕಾರ್ಜುನ ಬಿ ಹಡಪದ ಸುಗೂರ ಎನ್ ಅವರಿಗೇ ‘ ಕ್ಷೌರಿಕ ವೃತ್ತಿಯ ಸಮಾಜದ ಸೇವೆಯನ್ನು ಗುರುತಿಸಿ. ಈ ಸರ್ಟಿಫಿಕೇಟ್ ನೀಡಿದೆ.
ಡಾ.ಮಲ್ಲಿಕಾರ್ಜುನ ಬಿ.ಹಡಪದ ಸುಗೂರ ಎನ್ ಅವರು ತುಂಬಾ ಬಡವರಿಗೆ ಸೇವೆ ಸಲ್ಲಿಸಿದ್ದಾರೆ. ಅವರು ಬಡತನ ಜೀವನದಲ್ಲಿ ಹುಟ್ಟಿ. ಹಡಪದ ಅಪ್ಪಣ್ಣ (ಕ್ಷೌರಿಕ) ಸಮಾಜದ ವತಿಯಿಂದ ಸಮಾಜದ ಸಂಘಟನೆಯ ಜತೆಗೂಡಿ ಈ ರೀತಿಯ ಸಮಾಜದ ಸೇವೆ ಸಲ್ಲಿಸುತ್ತಿದ್ದಾರೆ. ಅನಾಥರಿಗೆ.ಅಂಧರಿಗೆ. ನಿರ್ಗತಿಕರಿಗೆ.ಕಟ್ಟಡ್ ಕಾರ್ಮಿಕರಿಗೆ.ಅಂಗವಿಕಲರಿಗೆ.ಸಾಧು-ಸಂತರಿಗೆ. ಮೂಕರಿಗೆ. ಹಿರಿಯ ವೃದ್ದರಿಗೆ. ಅನಾಥ ಶಾಲಾ ಮಕ್ಕಳಿಗೆ. ಮತ್ತು ಶಾಲೆಯ ಸಣ್ಣ ಮಕ್ಕಳಿಗೆ, ಕುರುಡರಿಗೆ ಕಾರ್ಮಿಕರಿಗೆ. ಸೇರಿದಂತೆ ಇಲ್ಲಿಯವರೆಗೊ ಒಟ್ಟು 14 ಕಡೆಯಲ್ಲೂ ಸೇರಿ ಅನಾಥಶ್ರಾಮ .ವೃದ್ದಾಶ್ರಮ . ನಿರ್ಗತಿಕರ ಕೇಂದ್ರ. ಶಾಲೆಗಳು ಸೇರಿದಂತೆ ಒಟ್ಟು 1465 ಕ್ಕೊ ಹೆಚ್ಚು ಅನಾಥ ಜನತೆಗೆ ಅನೇಕ ಶರಣರ ಪೂಜ್ಯರ ಹುಟ್ಟು ಹಬ್ಬದ ಸಂದರ್ಭದಲ್ಲಿ ನಾಲವಾರ ಶ್ರೀಗಳ ಮತ್ತು ಚಿತ್ತಾಪುರದ ಕಂಬಳೇಶ್ವರ ಮಠದ ಶ್ರೀಗಳ, ಮುಗಳಖೋಡ ಜಿಡಗಾ ಶ್ರೀಗಳ ಹಾಗೂ ಸುಗೂರ ಎನ್ ಪೂಜ್ಯರ ಮತ್ತು ಸುಗೂರ ಕೆ ಶ್ರೀಗಳ, ಹುಟ್ಟು ಹಬ್ಬದ ನಿಮಿತ್ತವಾಗಿ ಮತ್ತು ಹಡಪದ ಅಪ್ಪಣ್ಣ ಸಮಾಜದ ಪ್ರಪ್ರಥಮ ಪೀಠಾಧಿಪತಿಗಳಾದ ಲಿಂ, ಬಸವಪ್ರೀಯ ಸ್ವಾಮೀಜಿಗಳ ಪುಣ್ಯಸ್ಮರಣೆ ಕಾರ್ಯಕ್ರಮ ದಲ್ಲಿ ಮತ್ತು ಕ್ಷೌರಿಕ ದಿನಾಚರಣೆಯ ಅಂಗವಾಗಿ ಈ (ಉಚಿತವಾಗಿ ) ಹೇರ್ ಕಟಿಂಗ್ ಮಾಡಿರುವ ಈ ಹಡಪದ ಸಮಾಜದ ಸೇವಕ ಡಾ. ಮಲ್ಲಿಕಾರ್ಜುನ ಬಿ.ಹಡಪದ ಸುಗೂರ ಎನ್.ಅವರು ಸಮಾಜದ ಸಂಘಟನೆಯ ಜೊತೆ ಜೊತೆಯಲ್ಲಿ ಈ ರೀತಿಯ ವಿಭಿನ್ನ ಸೇವೆ ಮಾಡುತ್ತಿದ್ದಾರೆ. ಅವರ ನಿಸ್ವಾರ್ಥ ಸೇವೆಗೆ ಅನೇಕ ರಾಜ್ಯ ಮಟ್ಟದ ಮತ್ತು ರಾಷ್ಟ್ರ ಮಟ್ಟದ ಪ್ರಶಸ್ತಿ ಗಳ ಜೊತೆಗೆ ಈ ಪ್ರಶಸ್ತಿ ಯೂ ಸೇರಿದೆ. ನಮ್ಮ ಜೊತೆಯಲ್ಲಿ ನಮ್ಮ ಸಮಾಜದ ಜನತೆಯ ಸಹಕಾರದಿಂದ ಈ ಉಚಿತ ಕ್ಷೌರ ಸೇವೆಯನ್ನು ಸಾಧಿಸಲು ನಮಗೇ ಈ ಕ್ಷೌರಿಕ ವೃತ್ತಿಯಲ್ಲಿಯೇ ಈ ರೀತಿಯ ಸಾಧನೆ ಮಾಡಲು ನಮಗೆ ಅನೇಕರು ಸಹಕರಿಸಿದರು.
ಇದೇ ಕರ್ನಾಟಕ ರಾಜ್ಯದ ಕಲಬುರಗಿ ಜಿಲ್ಲೆಯ ಚಿತ್ತಾಪೂರ ತಾಲೂಕಿನ ಸುಗೂರ ಎನ್ ಗ್ರಾಮದಲ್ಲಿ ಹುಟ್ಟಿದ ಈ ಅಪರೂಪದ ಸಮಾಜದ ಸೇವಕ ಡಾ.ಮಲ್ಲಿಕಾರ್ಜುನ ಬಿ.ಹಡಪದ ಸುಗೂರ ಎನ್ ಅವರು ಬಡತನ ಜೀವನದಲ್ಲಿ ಹುಟ್ಟಿ ಬಡವರ ಸೇವೆ ಮಾಡುತ್ತಾ ಸಮಾಜದ ಸೇವೆಯಲ್ಲಿ ತೊಡಗಿದ್ದಾರೆ. ಅವರ ಈ ರೀತಿಯ ಅನಾಥರಿಗೆ ಸೇರಿದಂತೆ ಒಟ್ಟು 1465 ಕ್ಕೊ ಹೆಚ್ಚು ಜನತೆಗೆ ಉಚಿತ ಕ್ಷೌರ ಸೇವೆ ಮಾಡುತ್ತಾ ಬಡತನದಲ್ಲಿ ಅವರು ತಮ್ಮ ಕ್ಷೌರಿಕ ವೃತ್ತಿಯಲ್ಲಿಯೇ ಜೀವನ ಸಾಗಿಸುತ್ತಾ ಬಂದಿದ್ದು.ಅನೇಕ ಸಮುದಾಯಕ್ಕೆ ಮಾದರಿಯಾಗಿ. ಈ ರೀತಿಯ ಸಮಾಜದ ಸೇವೆಯನ್ನು ಸಲ್ಲಿಸುತ್ತಿದ್ದಾರೆ ಅವರನ್ನು ಈ ಕ್ಷೌರಿಕ ಸೇವೆಯಲ್ಲಿ ಗುರುತಿಸಿ ಅನೇಕರು ಸಹ ಹರ್ಷ ವ್ಯಕ್ತಪಡಿಸಿದ್ದಾರೆ. ಮತ್ತು ಈ ಸಮಾಜದ ಸೇವಕ ಮಲ್ಲಿಕಾರ್ಜುನ ಬಿ.ಹಡಪದ ಸುಗೂರ ಎನ್ ಗೇ ಅನೇಕ ಸಮುದಾಯದ ಹಾಗೂ ಹಡಪದ ಅಪ್ಪಣ್ಣ (ಕ್ಷೌರಿಕ) ಸಮಾಜದ ಮುಖಂಡರು.ಆತ್ಮೀಯರು ಹಾಗೂ ಶ್ರೀಗಳು ಸೇರಿದಂತೆ ಅನೇಕರು ಶುಭಹಾರೈಸಿದ್ದಾರೆ.
ಕಡಣಿಯಲ್ಲಿ ವಿಶ್ವ ಮಧುಮೇಹ ಜನ ಜಾಗೃತಿ ಜಾಥಾ
ಆಲಮೇಲ ತಾಲೂಕಿನ ಕಡಣಿ ಗ್ರಾಮದ ಊರಿನ ಪ್ರಮುಖ ಬೀದಿಗಳ ಮುಖಾಂತರ ವಿಶ್ವ ಮಧುಮೇಹ (ಸಕ್ಕರೆ ) ಕಾಯಿಲೆ ಜನ ಜಾಗೃತಿ ಕಾರ್ಯಕ್ರಮ ನಡೆಸಲಾಯಿತು.
ಕರ್ನಾಟಕ ಸರ್ಕಾರ ಮತ್ತು ಜಿಲ್ಲಾ ಆಡಳಿತ ವಿಜಯಪುರ ಜಿಲ್ಲಾ ಆರೋಗ್ಯ ಇಲಾಖೆ ಸಯುಕ್ತ ಆಶ್ರಯದ ಅಡಿಯಲ್ಲಿ
ಎಲ್ಲರೂ ವೇಗದ ಜೀವನ ಬೆನ್ನು ಹತ್ತಿ ತಮ್ಮ ಆರೋಗ್ಯ ಕೆಡಿಸಿಕೊಳ್ಳುತ್ತಿದ್ದಾರೆ ಮನುಷ್ಯ ಆರೋಗ್ಯವಂತನಾಗಿದ್ದರೆ ಮಾತ್ರ ಬದುಕು ನೆಮ್ಮದಿಯಿಂದ ಇರುತ್ತದೆ. ಜೀವನ ಶೈಲಿ ಬದಲಿಸಿ ಅಸಂಕ್ರಾಮಿಕ ರೋಗದಿಂದ ದೂರವಿರಬಹುದು ಎಂದು ಆರೋಗ್ಯ ದಿಂದಿರಲು ಸಾಧ್ಯ.
ಶ್ರೀ ಪರಮಾನಂದ ಭೋಗಲಿಂಗೇಶ್ವರ ಪ್ರೌಢಶಾಲೆ ವಿದ್ಯಾರ್ಥಿ- ವಿದ್ಯಾರ್ಥಿನಿಯರಿಂದ ಜಾಗೃತಿ ಮೂಡಿಸಲಾಯಿತು, ರಾಷ್ಟ್ರೀಯ ಸಂಕ್ರಾಮಿಕ ರೋಗಗಳ ತಡೆಗಟ್ಟುವಿಕೆ ಮತ್ತು ನಿಯಂತ್ರಣ ಕಾರ್ಯಕ್ರಮ ಅಡಿಯಲ್ಲಿ ಪ್ರತಿ ಕುಟುಂಬದಲ್ಲಿ ಅನೇಕರಿಗೆ ಸಕ್ಕರೆ ಕಾಯಿಲೆಯಿಂದ ಬಳಲುತ್ತಿದ್ದಾರೆ .
ಸರಿಯಾದ ಸಮಯಕ್ಕೆ ಊಟ. ನಿದ್ರೆ. ಆಹಾರದಲ್ಲಿ ಬದಲಾವಣೆ ಇಲ್ಲದೆ ಕಾರಣಕ್ಕೆ ಈ ಮಧುಮೇಹ( ಸಕ್ಕರೆ) ಕಾಯಿಲೆ ಎಂಬ ರೋಗಗಳನ್ನು ಹರಡುತ್ತವೆ.
ಪ್ರಾಚಾರ್ಯರಾದ ರಮೇಶ ಎಸ್ ಗಂಗನಳ್ಳಿ.
ಆಲಮೇಲ ಆರೋಗ್ಯ ಇಲಾಖೆ ಅಧಿಕಾರಿಗಳಾದ ಡಾಕ್ಟರ್ ವರುಣ್ ಪಾಟೀಲ ಬಸಮ್ಮ ಗೌಡರ.ಮಾರ್ತಂಡ ವಗ್ಗೆ. ಮಲ್ಲಿಕಾರ್ಜುನ ಪೂಜಾರಿ.ಶಿವಾನಂದ ಹೊಸಮನಿ.ಸಂದೇಶ ಜೋಗುರ. ಪ್ರಶಾಂತ ಶಹಾಪುರ.
ವರದಿ. ಉಮೇಶ ಕಟಬರ
ಮಕ್ಕಳು ದೇಶದ ನಿಜವಾದ ಸಂಪತ್ತು
ಆಲಮೇಲ್ ಸಮೀಪದ ಕಡಣಿ ಶ್ರವಣೀ ಪಬ್ಲಿಕ್ ಸ್ಕೂಲ್ ನಲ್ಲಿ ಮಕ್ಕಳ ದಿನಾಚರಣೆ ದೇಶದ ನಿಜವಾದ ಸಂಪತ್ತು ಮಕ್ಕಳು ಎಂದು ಶಾಲೆಯ ಮುಖ್ಯೋಪಾಧ್ಯವರಾದ ಶರಣಯ್ಯ ಹಿರೇಮಠ ಹೇಳಿದರು. ಮಕ್ಕಳು ಸಂಸ್ಕಾರಯುತ ಬೆಳವಾಣಿಗೆಯಲ್ಲಿ ಪಾಲಕರ ಪಾತ್ರ ಹಿರಿದು ಪಾಲಕರು ಮಕ್ಕಳ ಬೆಳವಣಿಗೆಯ ಕಡೆಗೆ ವಿಶೇಷ ಕಾಳಜಿ ವಹಿಸಬೇಕು ಸಮಾಜ ಮಕ್ಕಳ ಭಾವನೆ.ಹಕ್ಕುಗಳಿಗೆ ಧಕ್ಕೆ ಬರದಂತೆ ನೋಡಿಕೊಳ್ಳಬೇಕು. ಮಕ್ಕಳ ಈ ದೇಶದ ಭವಿಷ್ಯ ಮತ್ತು ಆಸ್ತಿ ಎಂದು ಮಾಜಿ ಪ್ರಧಾನಿ ಜವಹಾರಲಾಲ್ ನೆಹರು ಹೇಳುತ್ತಿದ್ದರು ಹೀಗಾಗಿ ಪೋಷಕರು ತಮ್ಮ ಮಕ್ಕಳಿಗಾಗಿ ಆಸ್ತಿ ಮಾಡುವ ಬದಲು ಅವರನ್ನೇ ರಾಷ್ಟ್ರದ ಆಸ್ತಿಯನ್ನಾಗಿ ರೂಪಿಸಬೇಕು. ಮಕ್ಕಳು ದೇಶದ ಬೆನ್ನೆಲುಬು ಅವರನ್ನು ಆದರ್ಶಪ್ರಾಯಾನ್ನಾಗಿಸುವುದು ಪಾಲಕರ ಹಾಗೂ ಶಿಕ್ಷಕರ ಮಹತ್ವದ ಜವಾಬ್ದರವಾಗಿದೆ. ವಿದ್ಯಾರ್ಥಿಗಳಾದ ದ್ರುವ ಕಟಬರ. ರಾಣಿ ಹಿಟ್ನಳ್ಳಿ. ಸುಪ್ರೀತಾ ಕ್ಷತ್ರಿ. ಐಶು ಕ್ಷತ್ರಿ. ಈ ಕಾರ್ಯಕ್ರಮದಲ್ಲಿ ಶಿಕ್ಷಕಿಯರ ಸಿಬ್ಬಂದಿ ಕೂಡ ಹಾಜರಿದ್ದರು
ವರದಿ. ಉಮೇಶ್ ಕಟಬರ
ಕಡಮೆ ಶಾಲೆಯಲ್ಲಿ ನಡೆದ ಸಂಭ್ರಮದ ಮಕ್ಕಳ ದಿನಾಚರಣೆ
ಕುಮಟಾ: ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕಡಮೆಯಲ್ಲಿ ನೆಹರುರವರಿಗೆ ಪುಷ್ಪ ನಮನ ಸಲ್ಲಿಸಿ ವಿದ್ಯಾರ್ಥಿಗಳೇ ಕಾರ್ಯಕ್ರಮದ ಅಧ್ಯಕ್ಷರಾಗಿ, ಉಪಾಧ್ಯಕ್ಷರಾಗಿ, ಅತಿಥಿಗಳಾಗಿ, ಕಾರ್ಯ ನಿರ್ವಹಿಸಿದ್ದು ಸಂಪೂರ್ಣ ಕಾರ್ಯಕ್ರಮದ ಸಂಯೋಜನೆಯನ್ನು ವಿದ್ಯಾರ್ಥಿಗಳೇ ನೆರವೇರಿಸಿದ್ದು ಮಕ್ಕಳ ದಿನಾಚರಣೆಯ ಸಂಭ್ರಮವನ್ನು ಹೆಚ್ಚಿಸಿದೆ. ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿದ ವಿದ್ಯಾರ್ಥಿನಿ ದೀಕ್ಷಾ ರಮೇಶ ಗೌಡ ರವರು “ಮಕ್ಕಳ ಹಕ್ಕುಗಳು, ಆರೋಗ್ಯ, ಶಿಕ್ಷಣದ ಬಗ್ಗೆ ಜಾಗೃತಿ ಮೂಡಿಸುವುದೇ ಮಕ್ಕಳ ದಿನಾಚರಣೆಯ ಮುಖ್ಯ ಉದ್ದೇಶವಾಗಿದೆ” ಎಂದಳು. ವಿದ್ಯಾರ್ಥಿ ವಿಘ್ನೇಶ್ ಗೌಡ ಮಾತನಾಡಿ “ಮಕ್ಕಳ ಅಕ್ಕರೆಯ ಚಾಚಾ ನೆಹರೂರವರ ಜನ್ಮದಿನವನ್ನು ಮಕ್ಕಳ ದಿನಾಚರಣೆಯಾಗಿ ಆಚರಿಸುತ್ತಿರುವುದು ವಿದ್ಯಾರ್ಥಿಗಳಾದ ನಮ್ಮೆಲ್ಲರ ಸೌಭಾಗ್ಯ” ಎಂದನು.
ಮುಖ್ಯ ಅತಿಥಿಯಾಗಿ ಮಾತನಾಡಿದ ಖುಷಿ “ನೆಹರೂರವರ ಆದರ್ಶ ಚಿಂತನೆಯನ್ನು ನಮ್ಮ ಜೀವನದಲ್ಲಿ ಅಳವಡಿಸಿಕೊಂಡು ಸಂಸ್ಕಾರಯುತ ಪ್ರಜೆಗಳಾಗೋಣ” ಎಂದಳು.
ನಂತರ ಮಕ್ಕಳಿಗಾಗಿ ಏರ್ಪಡಿಸಿದ್ದ ರಂಗೋಲಿ, ಗಾಳಿಪಟ, ಗೋಣಿಚೀಲ ಓಟ ವಿವಿಧ ಸ್ಪರ್ಧಾ ವಿಜೇತರಿಗೆ ಉಮಾ.ಜಿ. ನಾಯ್ಕ, ಲತಾ ಗೌಡ, ರಾಜೀವ ಗಾಂವಕರ, ಆನಂದ ನಾಯ್ಕ, ಬಹುಮಾನದ ಪ್ರಾಯೋಜಕತ್ವ ವಹಿಸಿದ್ದು ಬಹುಮಾನ ವಿತರಿಸಿ ಮಕ್ಕಳ ಪಾಲ್ಗೊಳ್ಳುವಿಕೆ ಬಗ್ಗೆ ಸಂತಸ ವ್ಯಕ್ತಪಡಿಸಿದರು. ಕಾರ್ಯಕ್ರಮದಲ್ಲಿ ಶಿಕ್ಷಕರಾದ ದೇವಯಾನಿ ನಾಯಕ, ನಯನಾ ಜಿ.ಪಿ, ವೈಶಾಲಿ ನಾಯಕ,ನಾಗರತ್ನ ಗೌಡ, ಸವಿತಾ ಗೌಡ, ಉಪಸ್ಥಿತರಿದ್ದರು.
ವಿದ್ಯಾರ್ಥಿನಿ ಲೇಖಶ್ರೀ ಮಕ್ಕಳ ಹಕ್ಕುಗಳ ವಾಚನ ಮಾಡಿದರು. ಕಾರ್ಯಕ್ರಮ ವಿದ್ಯಾರ್ಥಿನಿ ನೇತ್ರಾವತಿ ಸಂಗಡಿಗರ ಪ್ರಾರ್ಥನೆಯೊಂದಿಗೆ ಆರಂಭವಾಯಿತು. ವಿದ್ಯಾರ್ಥಿನಿ ಪಲ್ಲವಿ ಸರ್ವರನ್ನು ಸ್ವಾಗತಿಸಿದಳು. ವಿದ್ಯಾರ್ಥಿನಿ ಲಕ್ಷ್ಮೀ ಕಾರ್ಯಕ್ರಮವನ್ನು ನಿರೂಪಿಸಿದರು. ವಿದ್ಯಾರ್ಥಿನಿ ಶ್ರಾವ್ಯ ವಂದಿಸಿದರು. ವಿದ್ಯಾರ್ಥಿಗಳಿಗೆ ಸಿಹಿ ವಿತರಿಸಲಾಯಿತು.
