ಅರಸೀಕೆರೆ: ತಾಲೂಕಿನ ಕನಸಿನ ಭಾರತ ಪತ್ರಿಕೆ ವರದಿಗಾರರು ಹಾಗೂ ಕರ್ನಾಟಕ ಪ್ರೆಸ್ ಕ್ಲಬ್ ಅರಸೀಕೆರೆ ತಾಲೂಕು ಕಾರ್ಯದರ್ಶಿಗಳಾದ ಪರ್ವಿಜ್ ಅಹಮದ್ ರವರ ಸಮಾಜ ಸೇವಾ ಕ್ಷೇತ್ರದಲ್ಲಿನ ಗಣನೀಯ ಸೇವೆಯನ್ನು ಗುರುತಿಸಿ ಕಲಾಭೂಮಿ ಪ್ರತಿಷ್ಠಾನ (ರಿ) ವತಿಯಿಂದ ಇದೇ ತಿಂಗಳ 29ನೇ ತಾರೀಖಿನಂದು ಬೆಂಗಳೂರಿನ ಕಲಾಗ್ರಾಮ ಸಾಂಸ್ಕೃತಿಕ ಸಮುಚ್ಚಯದಲ್ಲಿ ಕಲಾಭೂಮಿ ರಾಜ್ಯೋತ್ಸವ ಪ್ರಶಸ್ತಿ ನೀಡಿ ಗೌರವಿಸಲಾಗುತ್ತಿದೆ.
POST
ಹುಣಸೂರು ಟೌನ್ ಪೊಲೀಸರ ಕಾರ್ಯಾಚರಣೆ.ಮನೆಗಳವು ಆರೋಪಿ ಬಂಧನ.18 ಕಳವು ಪ್ರಕರಣ ಪತ್ತೆ.ನಗದು ಸೇರಿದಂತೆ 5.5 ಲಕ್ಷ ಮೌಲ್ಯದ ಪದಾರ್ಥಗಳು ವಶ.
ಹುಣಸೂರು ಟೌನ್ ಪೊಲೀಸರು ನಡೆಸಿದ ಯಶಸ್ವಿ ಕಾರ್ಯಾಚರಣೆಯಲ್ಲಿ ಮನೆಗಳವು ಆರೋಪಿ ಬಂಧನವಾಗಿದೆ.ಬಂಧಿತನಿಂದ 1.72 ಲಕ್ಷ ನಗದು ಸೇರಿದಂತೆ 5.5 ಲಕ್ಷ ಮೌಲ್ಯದ ಪದಾರ್ಥಗಳನ್ನ ವಶಪಡಿಸಿಕೊಳ್ಳಲಾಗಿದೆ.ಮೈಸೂರಿನ ಬೆಲವತ್ತ ಗ್ರಾಮದ ಸೈಯದ್ ಉಸ್ಮಾನ್(35) ಬಂಧಿತ ಆರೋಪಿ.ಹುಣಸೂರಿನ ಬಜಾರ್ ರಸ್ತೆ,ಜೆ.ಎಲ್.ಬಿ.ರಸ್ತೆ,ಹಳೇ ಸೇತುವೆ ರಸ್ತೆಯ ಮೆಡಿಕಲ್ ಶಾಪ್ ಗಳಲ್ಲಿ ಕನ್ನ ಕಳುವು ಪ್ರಕರಣಗಳು ನಡೆದಿತ್ತು.ಈ ಸಂಭಂಧ ಖದೀಮನ ಬಂಧನಕ್ಕೆ ಹುಣಸೂರು ಠಾಣೆ ಇನ್ಸ್ಪೆಕ್ಟರ್ ಸಂತೋಷ್ ಕಶ್ಯಪ್ ಜಾಲ ಬೀಸಿದ್ದರು.ಖತರ್ನಾಕ್ ಕಳ್ಳ ಪೊಲೀಸರು ಹಣೆದ ಜಾಲಕ್ಕೆ ಸಿಕ್ಕಿಬಿದ್ದಿದ್ದಾನೆ.ಹುಣಸೂರು,ಮೈಸೂರು,ಬೆಂಗಳೂರು,ರಾಮನಗರ,ಮಂಡ್ಯ,ನಂಜನಗೂಡು ಸೇರಿದಂತೆ ಇತರೆಡೆ ನಡೆದ 18 ಕನ್ನಕಳುವು ಪ್ರಕರಣಗಳು ಪತ್ತೆಯಾಗಿದೆ.ಬಂಧಿತನಿಂದ 1.72 ಲಕ್ಷ ನಗದು,10 ಗ್ರಾಂ ಚಿನ್ನಾಭರಣ,3 ದ್ವಿಚಕ್ರ ವಾಹನಗಳನ್ನ ವಶಪಡಿಸಿಕೊಳ್ಳಲಾಗಿದೆ. ಮೈಸೂರು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ವಿಷ್ಣುವರ್ಧನ್,ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿ ನಾಗೇಶ್ ರವರ ಮಾರ್ಗದರ್ಶನದಲ್ಲಿ ಡಿವೈಎಸ್ಪಿ ಗೋಪಾಲಕೃಷ್ಣ ಉಸ್ತುವಾರಿಯಲ್ಲಿ ಹುಣಸೂರು ಟೌನ್ ಪೊಲೀಸ್ ಠಾಣೆ ಆರಕ್ಷಕ ನಿರೀಕ್ಷಕರಾದ ಸಂತೋಷ್ ಕಶ್ಯಪ್,ಪಿಎಸ್ಸೈ ಗಳಾದ ನಾಗಯ್ಯ ಹಾಗೂ ಜಮೀರ್ ಅಹ್ಮದ್ ರವರ ನೇತೃತ್ವದಲ್ಲಿ ಸಿಬ್ಬಂದಿಗಳಾದ ಯೋಗೇಶ್,ಅರುಣ್,ರವೀಶ್,ಮಹೇಂದ್ತ,ದಿಲೀಪ್,ರವಿಕುಮಾರ್ ರವರು ಕಾರ್ಯಾಚರಣೆಯನ್ನ ಯಶಸ್ವಿಗೊಳಿಸಿದ್ದಾರೆ…
‘ಸಾಹಿತ್ಯದ ನವಿಲು’ ಹೆಚ್.ಎಸ್. ಪ್ರತಿಮಾ ಹಾಸನ್ ರವರ ‘ಪ್ರತಿಮಾವಲೋಕನ’ ಕೃತಿ ಪರಿಚಯ
‘ಸಾಹಿತ್ಯದ ನವಿಲು’ ಹೆಚ್.ಎಸ್. ಪ್ರತಿಮಾ ಹಾಸನ್ ರವರ ‘ಪ್ರತಿಮಾವಲೋಕನ’ ಕೃತಿ ಪರಿಚಯ
ಸಮಾಜದಲ್ಲಿ ಹೆಣ್ಣಿಗೆ ವಿಶೇಷವಾದ ಸ್ಥಾನವಿದೆ. ಆದರೆ ಕೆಲವೊಮ್ಮೆ ಅದು ಹೇಳುವುದಕ್ಕೆ ಸರಿ ಹೊರತು ಪ್ರಸ್ತುತದಲ್ಲಿ ಪೂರ್ಣ ಪ್ರಮಾಣದಲ್ಲಿ ಕಾರ್ಯರೂಪಕ್ಕೆ ಬಂದಿಲ್ಲ. ಇಂದು ಸಮಾಜ,ಸಾಹಿತ್ಯ, ಸಾಂಸ್ಕೃತಿಕ, ಶೈಕ್ಷಣಿಕ ಎಲ್ಲರಂಗದಲ್ಲೂ ಹೆಣ್ಣು ಮಕ್ಕಳು ಬಹಳಷ್ಟು ಕಷ್ಟಪಟ್ಟು ಸಾಧನೆಯ ದಾರಿಯಲ್ಲಿ ಅಡ್ಡಲಾಗಿ ಬಂದ ಸಮಸ್ಯೆಗಳನ್ನೆಲ್ಲ ಎದುರಿಸಿಕೊಂಡು ಹೋಗುತ್ತಿದ್ದಾರೆ. ಅಂಥವರಲ್ಲಿ ಹಾಸನ ನಗರದ ‘ಸಾಹಿತ್ಯದ ನವಿಲು’,’ಮಹಿಳಾ ಸಾಧಕಿ’,’ಬಹುಮುಖ ಪ್ರತಿಭೆ’,ಎಂದು ಹೆಸರು ಪಡೆದು ರಾಜ್ಯಾದಂತ ಹೆಸರಾಗಿರುವ ಶ್ರೀಮತಿ ಹೆಚ್.ಎಸ್.ಪ್ರತಿಮಾ ಹಾಸನ್ ರವರು ಸಾಹಿತ್ಯದಲ್ಲಿ ತಮ್ಮದೇ ಆದ ಹೆಜ್ಜೆ ಗುರುತು ಮೂಡಿಸುತ್ತಿದ್ದಾರೆ.
ಹೀಗಾಗಲೇ ರಾಜ್ಯ,ಹೊರ ರಾಜ್ಯ,ರಾಷ್ಟ್ರ,ಅಂತರರಾಷ್ಟ್ರ ಮಟ್ಟದಲ್ಲಿ ಹಲವಾರು ಪ್ರಶಸ್ತಿ ಪಡೆದು ನಮ್ಮ ಹಾಸನದ ‘ಹೆಮ್ಮೆಯ ಪುತ್ರಿ’ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
ಇವರು ಎಂಎ, ಬಿಎಡ್, ಮಾಡಿದ್ದು ಅತ್ಯುನ್ನತ ದರ್ಜೆಯಲ್ಲಿ ತನ್ನ ಪದವಿಯನ್ನು ಮುಗಿಸಿದ್ದು. ಅಂದಿನಿಂದಲೂ ಬಹಳ ಕ್ರಿಯಾಶೀಲರಾಗಿಯೇ ಕ್ರೀಡೆಗಳಲ್ಲಿ, ಪಾಠ ಪ್ರವಚನಗಳಲ್ಲಿ ಮುಂದಿದ್ದರು.
ಒಮ್ಮೆ ಸಮಾಜದ ಎದುರು ಅವರ ಕಾರ್ಯ ಅನಾವರಣವಾಗಬೇಕಾದರೆ ಬಹಳಷ್ಟು ಕಷ್ಟದ ಕಾರ್ಯವನ್ನು ಅರಿತು,ಕಲಿತು, ಕಲಿಸುವಂತೆ ಮಾಡುವುದು ನಿಜವಾದ ಸಾಧನೆಯ ಸರಿ.
ಸಾಹಿತ್ಯದ ಕ್ಷೇತ್ರದಲ್ಲಿ ‘ ಸಾಹಿತ್ಯದ ನವಿಲು’ ಎಂಬ ಬಿರುದನ್ನು ಪಡೆದು ದಿನನಿತ್ಯದ ಅಂಕಣಗಳಲ್ಲಿ ಪ್ರಸಿದ್ಧಿಯಾಗಿ ರಾಜ್ಯದ್ಯಂತ ಮನೆ ಮಾತಾಗಿರುವ ಶ್ರೀಮತಿ ಹೆಚ್.ಎಸ್.ಪ್ರತಿಮಾ ಹಾಸನ್ ರವರು ಕಥೆ,ಲೇಖನ,ವಿಮರ್ಶೆ,ಶಿಶುಗೀತೆ,ಮಕ್ಕಳ ಕಥೆ,ಕಾದಂಬರಿ,ಕವನ,ಸಾಧಕರ ಪರಿಚಯ, ಟಂಕಾ ,ಚುಟುಕು,ಮುಕ್ತಕ,ಭಾವಗೀತೆ,ಜಾನಪದ ಗೀತೆ ಹೀಗೆ ಹಲವಾರು ಪ್ರಕಾರಗಳಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಂಡು ಸಕ್ರಿಯವಾಗಿ ಸಾಹಿತ್ಯ ಸೇವೆಯನ್ನು ಮಾಡುತ್ತಿದ್ದಾರೆ . ಎಲ್ಲಡೆಯೂ ತಮ್ಮದೇ ಆದ ಅಭಿಮಾನ ಬಳಗವನ್ನು ಹೊಂದಿದ್ದಾರೆ.
ಹಲವಾರು ದಿಗ್ಗಜ ಸಾಹಿತಿಗಳ, ಹಿರಿಯ ಸಾಹಿತಿಗಳ, ಯುವ ಬರಹಗಾರರ ಪುಸ್ತಕಗಳನ್ನು ಪುಸ್ತಕ ಪರಿಚಯವನ್ನು ಮಾಡಿದ್ದು ಅದರಲ್ಲಿ 35ಪುಸ್ತಕ ಪರಿಚಯವನ್ನು ಮುಕ್ತಕಗಳಿಂದ ಪ್ರಾರಂಭಿಸಿ ಪುಸ್ತಕ ಪರಿಚಯಿಸಿದ್ದಾರೆ.ಎಲ್ಲ ಕೃತಿಗಳ ಪರಿಚಯವು ಪ್ರಸಿದ್ಧ ಪತ್ರಿಕೆಯಲ್ಲಿ ಪ್ರಕಟಗೊಂಡಿದೆ. ತಾವು ಬೆಳೆಯುವುದಲ್ಲದೆ ಹಲವಾರು ಪ್ರತಿಭಾವಂತ ಕವಿಗಳನ್ನು ಗುರುತಿಸಿ ಪ್ರೋತ್ಸಾಹ ನೀಡುತ್ತಾ ಅವರನ್ನು ಸಹ ಬಳಸುತ್ತಿದ್ದಾರೆ. ತಮ್ಮದೇ ಆದ ಸಂಸ್ಥೆಗಳಲ್ಲಿ ಅಂತವರಿಗೆ ವೇದಿಕೆಗಳನ್ನು ನೀಡಿ ಪ್ರೋತ್ಸಾಹಿಸುತ್ತಿದ್ದಾರೆ.
ಸೃಜನಾತ್ಮಕ ಸಾಹಿತ್ಯದಂತೆಯೇ ವಿಮರ್ಶ ಸಾಹಿತ್ಯದಲ್ಲಿ ಬಹುದೊಡ್ಡ ಸಾಧನೆ ಮಾಡಹೊರಟಿರುವ ಶ್ರೀಮತಿ ಹೆಚ್ ಎಸ್ ಪ್ರತಿಮಾ ಹಾಸನ್ ಅವರು ಹಾಸನದ ‘ಪ್ರತಿಮಾ ಸಾಮಾಜಿಕ ಸಾಂಸ್ಕೃತಿಕ ಅಭಿವೃದ್ಧಿ ಪ್ರತಿಷ್ಠಾನ’ದ ಸಂಸ್ಥಾಪಕ ಅಧ್ಯಕ್ಷರು. ಶಿಕ್ಷಕಿಯಾಗಿ, ಸಮಾಜ ಸೇವಕಿಯಾಗಿ,ಪತ್ರಕರ್ತೆಯಾಗಿ,ಗಾಯಕಿಯಾಗಿ,ಉತ್ತಮ ವಾಗ್ಮಿಯಾಗಿ ಹೀಗೆ ಹತ್ತು ಹಲವು ಕ್ಷೇತ್ರಗಳಲ್ಲಿ ತಮ್ಮದೇ ಆದ ಪಡಿಯಚ್ಚು ಮೂಡಿಸಿದ್ದಾರೆ.ಪಾದರಸದಂತೆ ಸದಾ ಕ್ರಿಯಾಶೀಲ ವ್ಯಕ್ತಿತ್ವ ಹೊಂದಿದ ಇವರು ಮಹಿಳಾ ಪರ ಹೋರಾಟಗಾರರು,ಕಾವೇರಿ ನದಿ ವಿವಾದ ಹೋರಾಟದಲ್ಲಿಯೂ ಭಾಗವಹಿಸಿದವರು.ಇವರ ಸಾಮಾಜಿಕ, ಶೈಕ್ಷಣಿಕ,ಸಾಹಿತ್ಯದ ಸೇವೆಗಾಗಿ ಗಡಿನಾಡು ಪ್ರದೇಶಗಳಲ್ಲಿ ‘ ಹೆಮ್ಮೆಯ ಕನ್ನಡತಿ ” ಗಡಿನಾಡ ಕನ್ನಡತಿ ‘ ಕನ್ನಡಪರ ಹೋರಾಟಗಾರ್ತಿ ಯಾಗಿ ರಾಷ್ಟ್ರೀಯ ಪ್ರಶಸ್ತಿಗಳು,ರಾಜ್ಯ ಪ್ರಶಸ್ತಿಗಳು,ಅಂತರರಾಜ್ಯ ಪ್ರಶಸ್ತಿಗಳು ಇವರನ್ನು ಅರಸಿ ಬಂದಿವೆ. ನಾನು ಕಂಡಂತೆ ಇವರು ಕಾರ್ಯದಲ್ಲಿ ನಮ್ಮಿಕ್ಕೆ ಇಟ್ಟು ಯಾವ ಪ್ರತಿ ಫಲ ಅಪೇಕ್ಷಿಸದೆ ಕಾರ್ಯದ ಮುಖಾಂತರ ತಮ್ಮ ಸ್ಥಾನಮಾನವನ್ನು ಉಳಿಸಿಕೊಂಡಿದ್ದಾರೆ. ಇವರಿಗೆ ಬೆನ್ನು ತಟ್ಟುವವರಿಗಿಂತ ಬೆನ್ನಿಗೆ ಇರಿದವರೆ ಹೆಚ್ಚು ಎಂಬುದು ಇವರ ಆತ್ಮೀಯ ಸ್ನೇಹಿತರಿಗೆ ತಿಳಿದಿದೆ. ಇವರು ಬಂದಂತಹ ಎಲ್ಲಾ ಪ್ರಶಸ್ತಿಗಳನ್ನು ಏನು ಪಡೆದಿಲ್ಲ. ಹಲವಾರು ಪರಿಸ್ಥಿತಿಗಳನ್ನು ತಿರಸ್ಕರಿಸಿದ್ದಾರೆ. ತಮ್ಮ ಪ್ರತಿಭೆಯ ಮೇಲೆ ಬಂದಂತಹ ಪ್ರಶಸ್ತಿಗಳನ್ನು ಪಡೆದಿರುವುದುಂಟು. ಎಷ್ಟು ಪ್ರಶಸ್ತಿಗಳನ್ನು ತಿರಸ್ಕಾರ ಮಾಡಿದ್ದಾರೆ. ತಮ್ಮ ನಿರೂಪಣಶೈಲಿ,ಪ್ರಾರ್ಥನೆ, ಕಾರ್ಯಕ್ರಮದ ಆಯೋಜನೆ, ಸಂಯೋಜನೆ, ಕಾರ್ಯಕ್ರಮದ ಅಧ್ಯಕ್ಷತೆ,ಮಖ್ಯ ಅತಿಥಿಯಾಗಿ
, ಬಹಳಷ್ಟು ಜನರ ಮನದಲ್ಲಿ ಇವರ ಕಾರ್ಯ ಉಳಿದಿದ್ದು ನಿಜಕ್ಕೂ ಇವರ ಕಾರ್ಯಕ್ಕೆ ಸಿಕ್ಕ ಫಲವದು.
ತಮ್ಮ ಕಾವ್ಯಾನುಭವ,ಪಾಠಪ್ರವಚನಗಳಿಂದ ಸಿದ್ಧಿಸಿಕೊಂಡು ಆಕರ್ಶಕವಾದ ಮಾತುಗಾರಿಕೆ ಶೈಲಿ ಇವೆಲ್ಲವೂ ಒಂದು ಹದವಾದ ಪಾಕದಲ್ಲಿ ಬೆರೆತು ಇಂದು ತಮ್ಮದೇ ವಿಮರ್ಶಾಲೇಖನಗಳ ಸಂಕಲನದ ರೂಪದಲ್ಲಿ ಪ್ರತಿಮಾವಲೋಕನ ಸಹೃದಯರ ಕರಗಳಲ್ಲಿ ರಾರಾಜಿಸಲು ಬಿಡುಗಡೆಗೆ ಸಿದ್ಧವಾಗಿದೆ
ಸೂಕ್ಷ್ಮ ಸಹೃದಯನೊಬ್ಬ ಒಂದು ಸಾಹಿತ್ಯ ಕೃತಿಯನ್ನು ಆಸ್ವಾದಿಸಿ,ಆಲೋಚಿಸಿ ಅದರ ಗುಣಾವಗುಣಗಳನ್ನು ವಿವೇಚಿಸಿ ಅದರ ಬೆಲೆಯನ್ನು ಕಟ್ಟುವ ಒಂದು ನಿಷ್ಪಕ್ಷಪಾತ ಪ್ರಯತ್ನವೇ ವಿಮರ್ಶೆ.ಅಂತಹ ಹಲವು ಕವಿಗಳ ಕೃತಿಗಳನ್ನು ಓದಿ ಪ್ರತಿಮಾ ಹಾಸನ್ ಅವರು ವಿಮರ್ಶಿಸಿ ಸಂಗ್ರಹಿಸಿದ್ದಾರೆ. ಅವರ ಕೃತಿಗಳ ಪರಿಚಯದೊಂದಿಗೆ ಅವರನ್ನು ಬಳಸುತ್ತಿದ್ದಾರೆ.
ವಿಮರ್ಶಕನಾದವನು ಪ್ರತಿಭಾವಂತ ಕವಿ ಸೃಷ್ಟಿಸಿದ ಸಾಹಿತ್ಯ ಕೃತಿಯ ಪರಿಶೀಲನೆಗೆ,ವಿವೇಚನೆಗೆ ಹೊರಡುವ ಕಾರಣ ಅವನಲ್ಲಿಯೂ ಪ್ರತಿಭೆ ಇರಬೇಕು.ಭಾರತೀಯ ಕಾವ್ಯ ಮೀಮಾಂಸೆಯಲ್ಲಿ ಆಸ್ವಾದನ ಕ್ರಿಯೆಯಲ್ಲಿ ಒಂದು ಪ್ರತಿಭಾ ವ್ಯಾಪಾರವೇ ಎಂದು ಪರಿಗಣಿತವಾಗಿದೆ.ಈ ಸಹೃದಯನ ಪ್ರತಿಭೆಯನ್ನು ರಾಜಶೇಖರ ಅಲಂಕಾರಿಕ ಭಾವಯತ್ರಿ ಎಂದು ಕರೆದಿರುವನು. ಹೆಚ್.ಎಸ್.ಪ್ರತಿಮಾ ಹಾಸನ್ ರವರು ಮುಕ್ತಕಗಳು,ಚುಟುಕುಗಳು,ಕವನಸಂಕಲನಗಳು,ಕಥೆಗಳು ಮುಂತಾದವುಗಳನ್ನು ರಚಿಸಿದವರು ಮತ್ತು ಹಲವು ವೇದಿಕೆಗಳಲ್ಲಿ ತಮ್ಮ ವಿದ್ವತ್ಪೂರ್ಣ ವಿಷಯ ಮಂಡಿಸಿದವರಾಗಿ ಸ್ವತಃ ಭಾವಯತ್ರಿ ಪ್ರತಿಭೆ ಹೊಂದಿರುವುದರಿಂದ ಇಲ್ಲಿನ ವಿಮರ್ಶೆಗಳಿಗೆ ನ್ಯಾಯ ದೊರೆತಿದೆ.
ಈಗಾಗಲೇ ಸಾಹಿತ್ಯ ಲೋಕಕ್ಕೆ ‘ಪಂಚಮುಕ್ತ ಕಮಾಲೆ’,’ ಮನದಾಳದ ಪ್ರತಿಬಿಂಬ’, ಅಂತರಾಳದ ಪ್ರತಿರವ’, ‘-ಪ್ರತಿಬೋಧ’, ‘ ನೀಲ ಪ್ರತಿಮಾನ ಮಂಜು’, ‘ಭಾವನೆಗಳ ಪ್ರತಿರೂಪ ‘ ‘ ಪ್ರತಿಮಾಂತರಂಗ ‘( ಸಮಗ್ರ ಸಂಕಲನ ), ‘ಪ್ರತಿ ಕಾವ್ಯ ‘, ‘ ಬಣ್ಣದ ಪ್ರತಿ ಡಬ್ಬಿ’ ಪ್ರಸ್ತುತ ‘ ಪ್ರತಿಮಾವಲೋಕನ’ ( ಕೃತಿ ವಿಮರ್ಶನಾಲೋಕದಲ್ಲಿ ಒಂದು ಪಯಣ) ಕೃತಿಯು ಬಿಡುಗಡೆಗೆ ಸಿದ್ಧವಾಗಿದೆ. ಓದುಗರ ಕೈಸರಲಿದೆ.
ಟಿ ಎಸ್ ಎಲಿಯಟ್ ಹೇಳುವಂತೆ “ಕಾಲದಿಂದ ಕಾಲಕ್ಕೆ ವಿಮರ್ಶಕನೊಬ್ಬ ಉದಯಿಸಿ ಹಿಂದಿನ ಸಾಹಿತ್ಯವನ್ನು ಪರಿಶೀಲಿಸಿ, ಕವಿಗಳನ್ನು, ಕೃತಿಗಳನ್ನು ಒಂದು ಹೊಸ ಕ್ರಮದಲ್ಲಿ ನೆಲೆಗೊಳಿಸುವುದು ಅಗತ್ಯವಾಗಿದೆ” ಹೆಚ್.ಎಸ್.ಪ್ರತಿಮಾ ಹಾಸನ್ ಅವರು ಹಲವಾರು ಸಾಹಿತಿಗಳ ಕೃತಿಗಳನ್ನು ವಿಮರ್ಶಿಸಿದ್ದಾರೆ.’ ಇವರ ‘ಪ್ರತಿಮಾವಲೋಕನ'( ಕೃತಿ ವಿಮರ್ಶನಾ ಲೋಕದಲ್ಲೊಂದು ಪಯಣ) ಈ ಕೃತಿಯಲ್ಲಿರುವ ಎಲ್ಲಾ ಕೃತಿ ಪರಿಚಯವನ್ನು ಮುಕ್ತಕದಿಂದ ಪ್ರಾರಂಭಿಸಿದ್ದಾರೆ.
ಈ ಕೃತಿಯ ಬೆನ್ನುಡಿಯನ್ನು ಟಿ.ಸತೀಶ್ ಜವರೇಗೌಡ ರವರು ಬರೆದು ಬೆನ್ನು ತಟ್ಟುವ ಕೆಲಸವನ್ನು ಮಾಡಿ ಪ್ರೋತ್ಸಾಹಿಸಿದ್ದಾರೆ. ಮುನ್ನುಡಿಯನ್ನು ಗೊರೂರು ಅನಂತರಾಜುರವರು ಬಹಳ ಅರ್ಥಪೂರ್ಣವಾಗಿ ಬರೆದಿದ್ದಾರೆ. ಕೃತಿಯು ಒಟ್ಟು 228 ಪುಟಗಳನ್ನು ಒಳಗೊಂಡಿದ್ದು. ಬೆಲೆಯೂ 276 ಆಗಿದ್ದು. ಅರ್ಪಣೆಯನ್ನು ಸಾಹಿತ್ಯ ಕ್ಷೇತ್ರದಲ್ಲಿ ಸಹಕಾರ ಮತ್ತು ಪ್ರೋತ್ಸಾಹ ನೀಡುತ್ತಿರುವಂತಹ ತನ್ನ ತಂದೆ ದಿವಂಗತ ಶ್ರೀ ಸುರೇಶ್ ರವರಿಗೂ, ತಾಯಿ ಶ್ರೀಮತಿ ನೀಲಮ್ಮ ಸುರೇಶ್ ರವರಿಗೂ, ಸಹೋದರರಾದ ಹೆಚ್.ಎಸ್.ಮಂಜುನಾಥ್ ( ಆರೋಗ್ಯ ನಿರಕ್ಷಣಾಧಿಕಾರಿ )ರವರಿಗೂ ವಿಶೇಷವಾಗಿ ಅರ್ಪಿಸಿದ್ದಾರೆ.
ಹಲವಾರು ದಿಗ್ಗಜರು ಶುಭನುಡಿಯನ್ನು ಬರೆದು ಆಶೀರ್ವದಿಸಿದ್ದಾರೆ. ಅಶ್ವಕ್ ಶಾಹಿ ಕನ್ನಡಿಗ ಕವಿಗಳು ಬೆಂಗಳೂರು ‘ ಸಾಹಿತ್ಯ ಲೋಕದ ತಾರೆಯ ಬಗ್ಗೆ’ ಎಂಬ ಶೀರ್ಷಿಕೆ ಅಡಿಯಲ್ಲಿ ಲೇಖಕಿಯ ಬಗ್ಗೆ ಪರಿಚಯ ಮಾಡಿದ್ದಾರೆ 35 ಕೃತಿಗಳ ವಿಮರ್ಶನಾ ಲೇಖನದ ನಂತರ ಲೇಖಕಿಯ ಪೂರ್ಣ ಪರಿಚಯವನ್ನು ಮುತ್ತುಸ್ವಾಮಿ ರವರು ಮಾಡಿದ್ದಾರೆ.
35 ತೃತೀಯ ಪರಿಚಯದಲ್ಲಿ ಮೊದಲನೆಯದು
ನಾರಾಯಣ ಸ್ವಾಮಿರವರ ‘ಅಂತರಂಗದದ್ಯಾನ’ದಲ್ಲಿ
ಗಜಲ್ ಗಳನ್ನು ಹಲವಾರು ಓದುಗರಿಗೆ ನೀಡಿ ಅದರ ಅಭಿಪ್ರಾಯವನ್ನು ವಿಭಿನ್ನವಾಗಿಯೇ ಕೃತಿಯ ವಿಮರ್ಶೆಯನ್ನು ಮಾಡಿರುವುದು ಇವರ ಹೊಸತನದ ಹಾಗೂ ವಿಶೇಷತೆಯನ್ನು , ವಿಭಿನ್ನತೆಯನ್ನು ಹೇಳುತ್ತದೆ. ಪ್ರತಿಯೊಂದು ವಿಮರ್ಶೆಯಲ್ಲೂ ಸಹ ಮೊದಲೊಂದು ಮುಕ್ತ ಕವನ ರಚಿಸಿ ತೃತೀಯ ಪರಿಚಯ ಮಾಡಿರುವುದು ಓದುಗರಿಗೆ ಆಸಕ್ತಿಯನ್ನು ಮೂಡಿಸುತ್ತದೆ. ಆನಂತರದಲ್ಲಿ ರಮೇಶ್ ಗುಬ್ಬಿ ರವರ ‘ಗುಬ್ಬಿಯ ಕಲರವ’ ಚುಟುಕು ಸಂಕಲನದಲ್ಲಿ ಚುಟುಕಗಳ ವಿವರಣೆ ಬಹಳ ಸೊಗಸಾಗಿ ನೀಡಿದ್ದಾರೆ. ಹಿರಿಯ ಸಾಹಿತಿಯಾದ ಗೊರೂರು ಅನಂತರಾಜು ಅವರ ಕಥೆಗೆ ವಸ್ತುವಾದಳು ಹುಡುಗಿ,ಸ ರಾ ಸುಳಕೂಡೆ ಅವರ ಕೇಳಿದಂತೆ ಹೇಳಿದಂತೆ ,ಡಿ ಎಸ್ ದಿನೇಶ ಅವರ ಒನ್ ಟಿ, ಸಿ ವಾಯ್ ಮೆಣಸಿನಕಾಯಿ ಅವರ ಕಾಲಚಕ್ರ ಮತ್ತಿತರ ಕಥೆಗಳು,ಗೀತಾ ವಿ ಆರ್ ಅವರ ಸೌಂದರ್ಯ ಗೀತ, ಮಾಲತಿ ಮೇಲ್ಕೋಟೆ ಅವರ ಹರಿವ ನದಿ, ಭೀಮೇಶ ತಳವಾರ ಅವರ ಕಣ್ಣೊಳಗಿನ ಕವಲುಗಳು,ಎಂ ಗೀತಾ ತಿಪ್ಪೇಸ್ವಾಮಿ ಅವರ ಭಾವಲಹರಿ ಮತ್ತು ಚುಟುಕು ಸಂಕಲನ, ಕವನಸಂಕಲನ, ಕಥಾಸಂಕಲನಗಳು ಹನಿಗವನ ಹೀಗೆ ಎಲ್ಲ ಪ್ರಕಾರದ ಸಾಹಿತ್ಯ ಕೃತಿಗಳನ್ನು ವಿಮರ್ಶಿಸಿ ವ್ಯಾಖ್ಯಾನ ನೀಡಿದ ವಿಮರ್ಶಾಲೇಖನ ಸಂಗ್ರಹ ಇದಾಗಿದೆ.
ವಿಮರ್ಶೆಯಿಂದ ಕವಿಗೆ, ಕಾವ್ಯಕ್ಕೆ,ಸಹೃದಯ ಸಮಾಜಕ್ಕೆ ಹಲವು ಪ್ರಯೋಜನಗಳಿವೆ.ಕವಿಯ ಕೃತಿಯ ಕಡೆಗೆ ಸಹೃದಯರ ಗಮನ ಹರಿದು ಕವಿಯ ಕೀರ್ತಿ ಹೆಚ್ಚಬಹುದು,ಕವಿಗೆ ತನ್ನ ಕಾವ್ಯದ ಬೆಲೆ ತಿಳಿಯಬಹುದು,ತನ್ನ ಮುಂದಿನ ಕೃತಿಗಳಲ್ಲಿ ಹಿಂದಿನ ಕೃತಿಗಳಲ್ಲಿನಲ್ಲಿ ಅಳವಡಿಸಿಕೊಳ್ಳಲಾಗದ ವಿಚಾರಗಳನ್ನು ತಿದ್ದಿಕೊಳ್ಳಲು ಸಹಾಯವಾಗಬಹುದು ಹೀಗೆ ಹಲವು ರೀತಿಯಲ್ಲಿ ಮಾರ್ಗದರ್ಶನ ವಾಗುವುದು.ಆದ್ದರಿಂದ ಪ್ರತಿಮಾ ಹಾಸನ್ ರವರ ಕಾರ್ಯ ಶ್ಲಾಘನೀಯ. ಪ್ರತಿಮಾ ಹಾಸನ್ ಅವರಿಂದ ಇನ್ನಷ್ಟು ಇಂಥಹ ಮೌಲ್ಯಯುತ ಕೃತಿಗಳು ಸಾರಸ್ವತ ಲೋಕಕ್ಕೆ ಬರಲಿ ,ಸಹೃದಯರ ಹೃದಯ ತಣಿಯಲಿ ಎಂದು ಆಶಿಸುತ್ತ ಶುಭ ಹಾರೈಸುವೆನು.
ಶ್ರೀಮತಿ ಹೆಚ್.ಎಸ್.ರಾಧಾ.ಶಿಕ್ಷಕಿ.ಹಾಸನ
ಮಹಾರಾಷ್ಟ್ರ ವಿಧಾನಸಭಾ ಚುನಾವಣೆಗೆ ಹೊರಟ 400 ಗೃಹ ರಕ್ಷಕರು
ಉತ್ತರ ಕನ್ನಡ ಜಿಲ್ಲೆಯಿಂದ ಒಟ್ಟು 400 ಗೃಹ ರಕ್ಷಕರು ಮಹಾರಾಷ್ಟ್ರ ವಿಧಾನಸಭಾ ಚುನಾವಣೆಗೆ ಜಿಲ್ಲಾ ಕಮಾಂಡೆಂಟ್ ರಾದ ಡಾ.ಸಂಜು ನಾಯಕ ರ ನೇತೃತ್ವದಲ್ಲಿ ಹೊರಟಿದೆ.
ಕೊಲ್ಹಾಪುರ ಜಿಲ್ಲೆಗೆ ನಮ್ಮ ಉತ್ತರ ಕನ್ನಡ ಜಿಲ್ಲೆಯ ಗೃಹ ರಕ್ಷಕರನ್ನು ನಿಯೋಜನೆ ಮಾಡಲಾಗಿದೆ . ಉತ್ತರ ಕನ್ನಡ
ಜಿಲ್ಲೆಯ ಇತಿಹಾಸದಲ್ಲಿ ಇದೇ ಮೊದಲ ಸಲ 50 ಮಹಿಳಾ ಗೃಹ ರಕ್ಷಕರನ್ನು ಹೊರ ರಾಜ್ಯದ ಚುನಾವಣೆಗೆ ನಿಯೋಜನೆ ಮಾಡಲಾಗಿದೆ. ಕಮಾಂಡೆಂಟ್ ಡಾ. ಸಂಜು ನಾಯಕ ರು ವೈಯಕ್ತಿಕವಾಗಿ ಮುತುವರ್ಜಿ ವಹಿಸಿ ರಾಜ್ಯದ ಹಿರಿಯ ಅಧಿಕಾರಿಗಳ ಮನವೊಲಿಸಿ ಮಹಿಳಾ ಗೃಹ ರಕ್ಷಕೀಯರಿಗೆ ಹೊರ ರಾಜ್ಯದ ಚುನಾವಣೆಯಲ್ಲಿ ಭಾಗವಹಿಸಲು ಅನುಮತಿ ಪಡೆದಿದ್ದಾರೆ.16 ನವೆಂಬರ್ ನಿಂದಾ 21 ರವರೆಗೆ ಒಟ್ಟು 6 ದಿನ ಚುನಾವಣಾ ಬಂದೋಬಸ್ತ್ ಕರ್ತವ್ಯಕ್ಕೆ ಜಿಲ್ಲೆಯ ಗೃಹ ರಕ್ಷಕರು ಹೊರಟಿದ್ದಾರೆ.
ಒಂದು ದಿನಕ್ಕೆ ಅಂದಾಜು 1080 ರುಪಾಯಿ ಲೆಕ್ಕದಲ್ಲಿ ಪ್ರತಿ ಗೃಹ ರಕ್ಷಕರಿಗೆ ಕರ್ತವ್ಯ ಭತ್ಯೆ ಮಹಾರಾಷ್ಟ್ರ ಸರಕಾರ ನೀಡಲಿದೆ.ಜಿಲ್ಲೆಯ ಒಟ್ಟು 14 ಘಟಕದಿಂದ 400 ಗೃಹ ರಕ್ಷಕರು ಮಹಾರಾಷ್ಟ್ರ ವಿಧಾನಸಭಾ ಚುನಾವಣೆ ಕರ್ತವ್ಯಕ್ಕೆ ತೆರಳಿದ್ದಾರೆ. ಶ್ರೀಮತಿ ಡಾ.ದೀಪಾಲಿ ಕಾಳೆ, ಡೆಪ್ಯುಟಿ ಕಮಿಷನರ್ ಆಫ್ ಪೊಲೀಸ್, ಸೊಲ್ಲಾಪುರ ಸಿಟಿ ಇವರ ಅಧೀನದಲ್ಲಿ 6 ದಿನ ಮಹಾರಾಷ್ಟ್ರ ಚುನಾವಣೆ ಕರ್ತವ್ಯ ಮಾಡಲಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯಿಂದ 350 ಪುರುಷ ಗೃಹ ರಕ್ಷಕರು ಮತ್ತು 50 ಮಹಿಳಾ ಗೃಹ ರಕ್ಷಕರನ್ನು ಚುನಾವಣೆಗೆ ನಿಯೋಜನೆ ಮಾಡಲಾಗಿದೆ.
ಜಿಲ್ಲೆಯ ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ಮಹಿಳಾ ಗೃಹ ರಕ್ಷರಿಗೆ ಹೊರ ರಾಜ್ಯದ ಚುನಾವಣಾ ಕರ್ತವ್ಯದಲ್ಲಿ ಭಾಗವಹಿಸಲು ಕಮಾಂಡೆಂಟ್ ಡಾ.ಸಂಜು ನಾಯಕ ಮುತುವರ್ಜಿ ವಹಿಸಿಕೊಂಡು ಅವಕಾಶ ನೀಡಿದ್ದಾರೆ. ಶ್ರೀ. ಎಂ. ರಾಜಕುಮಾರ, ಐಪಿಎಸ್ ಪೊಲೀಸ ಕಮಿಷನರ್ ಸೊಲ್ಲಾಪುರ ಸಿಟಿ ಇವರ ಅಧೀನದಲ್ಲಿ 6 ದಿನ ಮಹಾರಾಷ್ಟ್ರ ಚುನಾವಣೆ ಕರ್ತವ್ಯ ಮಾಡಲಿದ್ದಾರೆ.
ಕನಕ ಜಯಂತಿ ಕಾರ್ಯಕ್ರಮಕ್ಕೆ ಪಿಡಿಒ ತಿಲಕ್ ರಾಜ್ ಗೈರು ಹಾಜರಿ
ಸಾಲಿಗ್ರಾಮ ಗ್ರಾಮ ಪಂಚಾಯಿತಿ. ಸಾಲಿಗ್ರಾಮ ಗ್ರಾಮ ಪಂಚಾಯತಿಯಲ್ಲಿ ಇಂದು ಕನಕ ಜಯಂತಿ ಇದ್ದರೂ ಕೂಡ ಪಿಡಿಒ ತಿಲಕ್ ರಾಜ್ ಅವರು ಗೈರು ಹಾಜರಾಗಿದ್ದಾರೆ ಆದರೆ ಇದೊಂದು ಕಾರ್ಯಕ್ರಮ ಅಲ್ಲ ಯಾವುದೇ ಕಾರ್ಯಕ್ರಮ ಆದರೂ ಬರೋದಿಲ್ಲ ಆದರೆ ಇಂದು ಗ್ರಾಮ ಪಂಚಾಯಿತಿ ಅಧ್ಯಕ್ಷರು ಫಾತಿಮಾ ಒನ್ನಿಸಾ.ಉಪಾಧ್ಯಕ್ಷರು ಶಶಿಕಲಾ ಶಿವರಾಜ್. ಸದಸ್ಯರುಗಳು ಮಾತ್ರ ಕನಕ ಜಯಂತಿಯನ್ನು ಆಚರಣೆ ಮಾಡಿದರು. ಆದರೆ ತಾಲೂಕು ಪಂಚಾಯಿತಿ ಇಒ ಅವರಿಗೂ ಪಿಡಿಒ ಅವರು ಗೈರು ಹಾಜರಾಗಿರುವ ಬಗ್ಗೆ ಮಾಹಿತಿ ಇರುವುದಿಲ್ಲ. ಎಂದು ತಿಳಿಸಿದ್ದಾರೆ. ಎಸ್ಆರ್ ಪ್ರಕಾಶ್. ಸುಧಾ ರೇವಣ್ಣ. ಹರೀಶ್. ಲೋಕೇಶ್. ಶಕೀಲ್. ಗ್ರಾಮ ಪಂಚಾಯಿತಿ ಸಿಬ್ಬಂದಿಗಳು ಉಪಸ್ಥಿತರಿದ್ದರು
ಕರಾವಳಿ ಕರ್ನಾಟಕದಲ್ಲಿ ಕನ್ನಡದ ಕಲರವ. ಕರ್ನಾಟಕ ರಣಧೀರರ ವೇದಿಕೆಯ ಝೇಂಕಾರ . ಉತ್ತರ ಕನ್ನಡ ಜಿಲ್ಲಾ ಘಟಕ ಉದ್ಘಾಟನೆ ನೆರವೇರಿಸಿದ ಸಂಸ್ಥಾಪಕ ರಾಜ್ಯಾಧ್ಯಕ್ಷ ಕೆ ಆರ್ ಶಂಕರ್ ಗೌಡ್ರು..
ಅಂಕೋಲಾ : ಕರಾವಳಿ ಕರ್ನಾಟಕ ಭಾಗದ ಉತ್ತರ ಕನ್ನಡ ಜಿಲ್ಲೆಯ ಅಂಕೋಲಾ ಪಟ್ಟಣದ ಕುಂಬಾರಕೇರಿಯಲ್ಲಿ ಭಾನುವಾರ ನಡೆದ ಕರ್ನಾಟಕ ರಣಧೀರರ ವೇದಿಕೆಯ ನೂತನ ಜಿಲ್ಲಾ ಘಟಕ ಉದ್ಘಾಟನೆಯನ್ನು ಸಂಘಟನೆಯ ಸಂಸ್ಥಾಪಕ ರಾಜ್ಯಾಧ್ಯಕ್ಷರಾದ ಕೆ ಆರ್ ಶಂಕರ್ ಗೌಡ್ರು ನೆರವೇರಿಸಿದರು..
ನೂತನ ಜಿಲ್ಲಾ ಘಟಕವನ್ನ ದೀಪ ಬೆಳಗುವುದರ ಮೂಲಕ ಉದ್ಘಾಟಿಸಿ ಉತ್ತರ ಕನ್ನಡ ಜಿಲ್ಲೆಯ ನೂತನ ಜಿಲ್ಲಾ ಅಧ್ಯಕ್ಷರನ್ನಾಗಿ ಸೂರಜ್ ಪಾಂಡುರಂಗ ನಾಯ್ಕ ರವರನ್ನು ನೇಮಕ ಮಾಡಿ ಆದೇಶಿಸಲಾಗಿದೆ..
ನೂತನ ಜಿಲ್ಲಾ ಘಟಕದ ಜಿಲ್ಲಾ ಉಪಾಧ್ಯಕ್ಷರಾಗಿ ಕಿರಣ ಚಂದ್ರಹಾಸ ಗಾಂವಕರ ಮತ್ತು ಜಿಲ್ಲಾ ಮಹಿಳಾ ಘಟಕದ ಅಧ್ಯಕ್ಷೆಯಾಗಿ ಸುಪ್ರಿಯಾ ವಿಷ್ಣು ನಾಯ್ಕ , ಹಾಗೂ ಇನ್ನಿತರ ಜಿಲ್ಲಾ ಸಮಿತಿ ಸದಸ್ಯರನ್ನು ನೇಮಕ ಮಾಡಿ ಆದೇಶ ಪತ್ರ ಮತ್ತು ಗುರುತಿನ ಚೀಟಿ ನೀಡಿ ಅಧಿಕಾರ ವಹಿಸಿದರು..
ಕನ್ನಡಿಗರಿಗೆ ಉದ್ಯೋಗ ನೀಡಿ ನಿರುದ್ಯೋಗ ಸಮಸ್ಯೆಗೆ ಮುಕ್ತಿ ನೀಡಿ..
ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ಎಲ್ಲ ವಲಯಗಳಲ್ಲಿ ಕನ್ನಡಿಗರಿಗೆ ಉದ್ಯೋಗ ನೀಡಿ ನಿರುದ್ಯೋಗ ಸಮಸ್ಯೆ ಬಗೆಹರಿಸಬೇಕು.ಭಾಷೆಯ ತಾರತಮ್ಯ ನೀತಿಯನ್ನ ಸರ್ಕಾರ ಬಿಡಬೇಕು,ದ್ವಿಭಾಷಾ ನೀತಿ ಜಾರಿಗೆ ತರಬೇಕು.ರಸ್ತೆ ಸುಂಕ ವಸೂಲಾತಿ ಕೇಂದ್ರ (ಟೋಲ್ ಪ್ಲಾಜಾ) ಗಳನ್ನ ತೆರವು ಮಾಡಬೇಕು ಕಾರಣ ಲಕ್ಷಂತರ ರೂಪಾಯಿಗಳ ತೆರಿಗೆ ಕಟ್ಟಿದ್ದೇವೆ. ಜಾತಿ ಮತ್ತು ಧರ್ಮಗಳ ತಾರತಮ್ಯ ತೊಲಗಿ ಸಹಬಾಳ್ವೆ ಸಮಾನತೆಯನ್ನು ಒಪ್ಪಿಕೊಳ್ಳುವ ಸಮಾಜವನ್ನ ನಿರ್ಮಾಣ ಮಾಡಿವು ನಿಟ್ಟಿನಲ್ಲಿ ಹೋರಾಟಗಳು ನಡೆಬೇಕಿದೆ ಹಾಗೂ ಉತ್ತರ ಕನ್ನಡ ಜಿಲ್ಲೆಯ ಸಮಗ್ರ ಅಭಿವೃದ್ಧಿಗೆ ಸರ್ಕಾರ ಒತ್ತು ನೀಡಬೇಕು ಎಂದು ಸಂಸ್ಥಾಪಕ ರಾಜ್ಯಾಧ್ಯಕ್ಷರಾದ ಕೆ ಆರ್ ಶಂಕರ್ ಗೌಡ್ರು ತಿಳಿಸಿದರು.
ನೂತನವಾಗಿ ಆಯ್ಕೆಯಾದ ಸೂರಜ್ ಪಾಂಡುರಂಗ ನಾಯಕರವರು ಇದೇ ಸಂದರ್ಭದಲ್ಲಿ ಮಾತನಾಡಿ ಮುಂದಿನ ದಿನಗಳಲ್ಲಿ ಉತ್ತರ ಕನ್ನಡ ಜಿಲ್ಲಾ ಭಾಗದಲ್ಲಿ ಹನ್ನೊಂದು ತಾಲ್ಲೂಕುಗಳನ್ನೊಳಗೊಂಡಂತೆ ಜಿಲ್ಲಾ ಘಟಕವನ್ನು ಬಲಿಷ್ಠವಾಗಿ ಸಂಘಟಿಸುವುದರ ಜೊತೆಗೆ ನೊಂದವರ ಧ್ವನಿಯಾಗಿ ಬಡವರ ಬೆಂಬಲಿಗರಾಗಿ ಭ್ರಷ್ಟರನ್ನು ಮಟ್ಟ ಹಾಕುವ ನಿಟ್ಟಿನಲ್ಲಿ ದೊಡ್ಡ ಮಟ್ಟಕ್ಕೆ ಹೋರಾಟ ಮಾಡುವ ಕೆಲಸವನ್ನು ನಾವು ಮಾಡುತ್ತೇವೆ ಎಂದು ಹೇಳಿದರು.
ಈ ಸಂದರ್ಭದಲ್ಲಿ ಕರ್ನಾಟಕ ರಣಧೀರರ ವೇದಿಕೆಯ ರಾಜ್ಯ ಸಾಮಾಜಿಕ ಜಾಲತಾಣ ಘಟಕದ ಅಧ್ಯಕ್ಷ ಭೈರವ, ಪ್ರಧಾನ ಕಾರ್ಯದರ್ಶಿ ಮಹೇಶ್ ಜಿ ಗೌಡ,ಕರಾವಳಿ ಕರ್ನಾಟಕ ಅಧ್ಯಕ್ಷ ಕುಮಾರ್ ನಾಯ್ಕ, ನೆಲಮಂಗಲ ತಾಲ್ಲೂಕು ಘಟಕದ ಅಧ್ಯಕ್ಷ ಮೂರ್ತಿ,ಕೊರಟಗೆರೆ ತಾಲ್ಲೂಕು ಘಟಕದ ಅಧ್ಯಕ್ಷ ಮಂಜುಸ್ವಾಮಿ ಎಂ ಎನ್, ನೆಲಮಂಗಲ ಜಂಟಿ ಕಾರ್ಯದರ್ಶಿ ರಮೇಶ್, ಉತ್ತರ ಕನ್ನಡ ಜಿಲ್ಲೆಯ ಜಿಲ್ಲಾ ಸಮಿತಿ ಸದಸ್ಯ ರಾದ ಐಶ್ವರ್ಯ, ವಿವೇಕ್ ,ಹರೀಶ್,ರಘುನಾಥ್, ದಿಲೀಪ್,ಮಹೇಶ್. ಸುಭಾಶ. ಉದಯ. ರವಿ. ಇತರರು ಹಾಜರಿದ್ದರು
ಸಿದ್ದರಾಮೇಶ್ವರ ಸರ್ಕಾರಿ ಅರೆ ಸರಕಾರಿ ನೌಕರರ ಸಂಘ ರಿ ಕಲಬುರಗಿ ವತಿಯಿಂದ ಪ್ರತಿಭ ಪುರಸ್ಕಾರ: ಡಾ ಶರಣಪ್ಪ ಬಿ ಗುಂಡಗುರ್ತಿ
ಕಾಳಗಿ: ಕಲಬುರಗಿ ಜಿಲ್ಲೆಯ ಭೋವಿ( ವಡ್ಡರ ) ಸಮಾಜದ ಪ್ರತಿಭಾವಂತ ವಿದ್ಯಾರ್ಥಿಗಳಿಂದ ಅರ್ಜಿ ಆಹ್ವಾನಿಸಲಾಗಿದೆ.ಪ್ರತಿಭಾ ಪುರಸ್ಕಾರ ಸಮಾರಂಭವನ್ನು ದಿನಾಂಕ 25-12-2024 ರಂದು ಮಾಡಲು ನಿರ್ಧರಿಸಲಾಗಿದೆ ಸಿದ್ದರಾಮೇಶ್ವರ ಸರಕಾರಿ ಅರೆ ಸರ್ಕಾರಿ ನೌಕರರ ಸಂಘದ ಜಿಲ್ಲಾ ಅಧ್ಯಕ್ಷ ಡಾ ಶರಣಪ್ಪ ಬಿ ಗುಂಡಗುರ್ತಿ ತಿಳಿಸಿದರು 2023-24 ನೇ ಸಾಲಿನ ಎಸ್ ಎಸ್ ಎಲ್ ಸಿ ಮತ್ತು ಪಿಯುಸಿ ಪ್ರಥಮ ಬಾರಿಗೆ ಶೇಕಡಾ 75% ರಷ್ಟು ಹಾಗೂ 2022-23 ಮತ್ತು 2023-24 ನೇ ಸಾಲಿನ ಸ್ನಾತಕ,ಸ್ನಾತಕೋತ್ತರ, ಡಿಪ್ಲೋಮಾ ಹಾಗೂ ವೃತ್ತಿಪರ ಕೋರ್ಸ್ ಗಳ ಎಲ್ಲಾ ಸೆಮಿಸ್ಟರ್ ಗಳು ಸೇರಿ ಶೇಕಡಾ 65% ರಷ್ಟು ಅಂಕಗಳನ್ನು ಪಡೆದಿರುವ ಪ್ರತಿಭಾವಂತ ಭೋವಿ ವಡ್ಡರ ಸಮಾಜದ ವಿದ್ಯಾರ್ಥಿಗಳಿಂದ ಅರ್ಜಿಯನ್ನು ಆಹ್ವಾನಸಲಾಗಿದೆ.. ಅರ್ಹ ಅಭ್ಯರ್ಥಿಗಳು ತಮ್ಮ ತಮ್ಮ ಶಾಲಾ/ ಕಾಲೇಜಿನ ಮುಖ್ಯಸ್ಥರಿಂದ ದೃಢಿಕೃತ ಅಂಕಪಟ್ಟಿ, ಜಾತಿ ಪ್ರಮಾಣ ಪತ್ರ, ಆಧಾರ್ ಕಾರ್ಡ್ ಹಾಗೂ ಇತ್ತೀಚಿನ ಎರಡು ಭಾವಚಿತ್ರಗಳನ್ನು ಈ ಕೆಳಕಂಡ ವಿಳಾಸಕ್ಕೆ ಖುದ್ದಾಗಿ ಸಲ್ಲಿಸತಕ್ಕದ್ದು ಶ್ರೀನಿವಾಸ್ ಜಾಧವ್. ಜಿಲ್ಲಾ ಸಮಾಜ ಕಲ್ಯಾಣ ಇಲಾಖೆ ಮಿನಿ ವಿಧಾನಸೌಧ ಎದುರುಗಡೆ ಕಲಬುರ್ಗಿ. ಮತ್ತು ಶ್ರೀಶೈಲ್ ಜಾಧವ್, ಜಿಲ್ಲಾ ತೋಟಗಾರಿಕೆ ಇಲಾಖೆ ರಾಜಪುರ ರಸ್ತೆ ಕಲ್ಬುರ್ಗಿ ಅರ್ಜಿಗಳನ್ನು ಸಲ್ಲಿಸುವ ಕೊನೆಯ ದಿನಾಂಕ 10-12-2024. ಕೊನೆಯ ದಿನಾಂಕವಾಗಿದೆ ಎಂದು ತಿಳಿಸಿದರು ಹೆಚ್ಚಿನ ಮಾಹಿತಿಗಾಗಿ 9741733156,9900171030,7619389217 ಸಂಪರ್ಕಿಸತಕ್ಕದ್ದು ಶ್ರೀ ಸಿದ್ದರಾಮೇಶ್ವರ ಸರ್ಕಾರಿ, ಅರೆ ಸರಕಾರಿ ಮತ್ತು ನಿವೃತ್ತ ನೌಕರರ ಸಂಘ( ರಿ ) ಕಲಬುರಗಿ ಈ ಸಂದರ್ಭದಲ್ಲಿ ಹಿರಿಯ ಸಲಹೆಗಾರರಾದ,ಸಿದ್ರಾಮ್ ದಂಡುಗುಲ್ಕರ್, ಅಮರಯ್ಯ ಕುಮಸಿ,
ನಾಗೇಂದ್ರಪ್ಪ ಪೋಲಕಪಲ್ಲಿ ,ತಿಮ್ಮಯ್ಯ ಒಡೆಯರಾಜ,ರಾಜು ಒಡೆಯರಾಜ, ಸಾವಿತ್ರಿ ಒಡೆಯರಾಜ, ಅನೀಲಕುಮಾರ ಒಡೆಯರಾಜ ಇತರರು ಇದ್ದರು
ಕಡಮೆ ಶಾಲೆಯಲ್ಲಿ ನಡೆದ ಕನಕದಾಸ ಜಯಂತಿ
ಕುಮಟಾ : ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಹೊಸ್ಕೇರಿ ಕಡಮೆಯಲ್ಲಿ ಸಡಗರ ಸಂಭ್ರಮದಿಂದ ಕನಕದಾಸ ಜಯಂತಿ ಆಚರಣೆ ನಡೆಯಿತು. ಶಿಕ್ಷಕರು ಹಾಗೂ ವಿದ್ಯಾರ್ಥಿಗಳು ಕನಕದಾಸರ ಭಾವಚಿತ್ರಕ್ಕೆ ಪುಷ್ಪ ನಮನ ಸಲ್ಲಿಸುವ ಮೂಲಕ ಕನಕದಾಸ ಜಯಂತಿಗೆ ಚಾಲನೆ ನೀಡಿದರು.
ಶಿಕ್ಷಕ ಆನಂದ ನಾಯ್ಕ ಮಾತನಾಡಿ “ದಾಸ ಸಾಹಿತ್ಯಕ್ಕೆ ಅತ್ಯುತ್ತಮ ಕೊಡುಗೆ ನೀಡಿದ ತತ್ವಜ್ಞಾನಿ ಕನಕದಾಸರು, ನಾವೆಲ್ಲಾ ದೇವರ ಮಕ್ಕಳು. ಜಾತಿ,ಮತ,ಪಂಥ ಎಂಬ ಭೇದ ಭಾವ ಮರೆತು ನಾವೆಲ್ಲರೂ ಮನುಷ್ಯರು ಎಂಬ ಸಂದೇಶ ನೀಡಿದ್ದು ಇದಕ್ಕೆ ಕನಕನ ಕಿಂಡಿಯೇ ಜೀವಂತ ಸಾಕ್ಷಿ.. ಎಂದರು.
ಮುಖ್ಯಾಧ್ಯಾಪಕರಾದ ಉಮಾ ಜಿ ನಾಯ್ಕ ಮಾತನಾಡಿ “ಕನಕದಾಸರ ತತ್ವಗಳನ್ನು ವಿದ್ಯಾರ್ಥಿಗಳಾದ ನೀವು ಜೀವನದಲ್ಲಿ ಅಳವಡಿಸಿಕೊಂಡು ನಿಮ್ಮ ಕೈಲಾದಷ್ಟು ಸಮಾಜಕ್ಕೆ ಒಳ್ಳೆಯ ಕೊಡುಗೆಗಳನ್ನು ನೀಡಿ” ಎಂದರು. ಕಾರ್ಯಕ್ರಮದಲ್ಲಿ ಶಿಕ್ಷಕರಾದ ಲತಾ ಗೌಡ, ರಾಜೀವ ಗಾಂವಕರ, ದೇವಯಾನಿ ನಾಯಕ, ನಯನಾ ಜಿ.ಪಿ, ವೈಶಾಲಿ ನಾಯಕ, ನಾಗರತ್ನ ಗೌಡ, ಸವಿತಾ ಗೌಡ ಉಪಸ್ಥಿತರಿದ್ದರು.
ವಿದ್ಯಾರ್ಥಿಗಳಿಂದ ಭಾಷಣ, ಗಾಯನ, ವಾಚಕ ವಾಚನ, ನಡೆಯಿತು. ಪಲ್ಲವಿ ಸಂಗಡಿಗರ ಪ್ರಾರ್ಥನೆಯೊಂದಿಗೆ ಕಾರ್ಯಕ್ರಮ ಆರಂಭವಾಯಿತು. ವಿದ್ಯಾರ್ಥಿನಿ ದೀಕ್ಷಾ ರಮೇಶ ಗೌಡ ಸರ್ವರನ್ನು ಸ್ವಾಗತಿಸಿದಳು. ವಿದ್ಯಾರ್ಥಿನಿ ಲಕ್ಷ್ಮೀ ಗೌಡ ಕಾರ್ಯಕ್ರಮ ನಿರೂಪಿಸಿದಳು. ವಿದ್ಯಾರ್ಥಿನಿ ಖುಷಿ ಗೌಡ ವಂದಿಸಿದಳು. ಸಿಹಿ ವಿತರಣೆಯೊಂದಿಗೆ ಕಾರ್ಯಕ್ರಮ ಸಂಪನ್ನಗೊಂಡಿತು.
ವಕ್ಪ ಬೋರ್ಡ್ ವಿರುದ್ಧ ಸಿಡಿದೆದ್ದ ಸಿದ್ದಲಿಂಗ ಪೂಜಾರಿ
ಜೇವರ್ಗಿ ತಾಲೂಕಿನ ಸುತ್ತ ಮುತ್ತಲಿನ ಹಳ್ಳಿಯ ರೈತರ ಪಹಣಿಯಲ್ಲಿ ಕಾಲಂ ನಂಬರ್ ೧೧ರಲ್ಲಿ ವಕ್ಪ ಎಂದು ಬಂದಿರುವ ಕಾರಣ ತಾಲೂಕಿನ ರೈತರು ಆತಂಕ ಪಡುವಂತಾಗಿದೆ ಇದನ್ನು ಕೂಡಲೆ ರದ್ದುಗೊಳಿಸಬೇಕು ಎಂದು ಆಗ್ರಹಿಸಿ ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ರೈತ ಸೇನೆಯ ತಾಲೂಕ ಅಧ್ಯಕ್ಷರಾದ ಸಿದ್ದಲಿಂಗ ಪೂಜಾರಿ ಎಚ್ ಹಾಲಗಡ್ಲಾ ಅವರು ಸರಕಾರದ ಅವಜ್ಞಾನಿಕ ನೀತಿಯಿಂದ ರಾಜ್ಯದ ರೈತರು ಸಂಕಷ್ಟ ಪಡುವಂತಾಗಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು ಈ ಸಂದರ್ಭದಲ್ಲಿ ನೂರಾರು ರೈತ ಪರ ಹೋರಾಟಗಾರರೊಂದಿಗೆ ಜೇವರ್ಗಿ ತಾಲೂಕಿನ ರಾಜ್ಯ ರಸ್ತೆ ಹೆದ್ದಾರಿಯನ್ನು ತಡೆದು ಪ್ರತಿಭಟನೆ ನಡೆಸಿದರು ಹಾಗು ಈ ಸಂದರ್ಭದಲ್ಲಿ ಜೆವರ್ಗಿ ತಾಲೂಕಿನ ಮಾಜಿ ಶಾಸಕರಾದ ದೊಡ್ಡಪ ಗೌಡ ಎಸ್ ಪಾಟೀಲ್ ನರಬೋಳ್ ಅವರು ರೈತಪರ ಹೋರಾಟಕ್ಕೆ ಬೆಂಬಲ ನೀಡಿ ಸರ್ಕಾರದ ವಿರುದ್ಧ ಕಿಡಿಕಾರಿದರು.ವಕ್ಪ ಹೆಸರಿನಲ್ಲಿ ರೈತರ ಜಮೀನುಗಳನ್ನು ಕಬಳಿಸುವ ಹುನ್ನಾರ ಇ ಸರ್ಕಾರ ನಡೆಸಿದೆ ಅದೇ ರೀತಿಯಾಗಿ ಈಗಾಗಲೇ ರಾಜ್ಯದಲ್ಲಿ ಅತಿವೃಷ್ಟಿ ಹಾಗೂ ಅನಾವೃಷ್ಟಿಯ ಹೊಡೆತದಿಂದ ರೈತರು ಸಾಲಬಾದೆಯಿಂದ ಆತ್ಮಹತ್ಯೆ ಮಾಡಿಕೊಳ್ಳುತ್ತಿದ್ದಾರೆ ಇಂತಹ ಸಂಕಷ್ಟದ ಸಮಯದಲ್ಲಿ ರೈತರ ಜೀವದ ಜೊತೆ ತುಘುಲಕ್ ಸರಕಾರ ವಕ್ಪ ಹೆಸರಿನಲ್ಲಿ ರಾಜ್ಯದ ರೈತರ ಜೊತೆ ಚೆಲ್ಲಾಟವಾಡುತ್ತಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು ಮುಂದೆ ಬರುವಂತ ದಿನಗಳಲ್ಲಿ ರೈತರು ಈ ಸರ್ಕಾರಕ್ಕೆ ಬುದ್ಧಿ ಕಲಿಸಲಿದ್ದಾರೆ ಎಂದು ಸರ್ಕಾರದ ವಿರುದ್ಧ ಅಕ್ರೋಶ ವ್ಯಕ್ತಪಡಿಸಿದರು ಅದೇ ರೀತಿಯಾಗಿ ಜೆವರ್ಗಿ ತಾಲೂಕಿನ ಭಾರತೀಯ ಜನತಾ ಪಕ್ಷದ ಯುವ ಮುಖಂಡರಾದ ನಿಂಗಣ್ಣ ರದ್ದೇವಾಡಗಿ ಅವರು ಭಾಗವಹಿಸಿ ರೈತ ಪರ ಹೋರಾಟಕ್ಕೆ ಬೆಂಬಲ ಸೂಚಿಸಿ ಮಾತನಾಡಿದರು ಸರಕಾರದ ಅವಜ್ಞಾನಿಕ ನೀತಿಯಿಂದ ರೈತರ ಪಹಣಿಯಲ್ಲಿ ವಕ್ಪ ಎಂದು ಬಂದಿರುವುದರಿಂದ ಸಹಕಾರಿ ಬ್ಯಾಂಕುಗಳಲ್ಲಿ ಹಾಗೂ ಸರ್ಕಾರಿ ಬ್ಯಾಂಕುಗಳಲ್ಲಿ ರೈತರಿಗೆ ಸಾಲ ಸೌಲಭ್ಯ ಕೊಡಲು ಅಧಿಕಾರಿಗಳು ಹಿಂದೇಟು ಹಾಕುತ್ತಿದ್ದಾರೆ ಕೂಡಲೆ ಇದಕ್ಕೆ ಸಂಬಂಧಪಟ್ಟ ಅಧಿಕಾರಿಗಳು ಹಾಗೂ ಸರ್ಕಾರದ ಎಡವಟ್ಟಿನಿಂದ ಆದ ವಕ್ಪ ಎನ್ನುವ ಹೆಸರನ್ನು ಕೂಡಲೇ ತೆಗೆದು ಹಾಕಬೇಕೆಂದು ಈ ಸಂದರ್ಭದಲ್ಲಿ ಆಗ್ರಹಿಸಿದರು ಅದೇ ರೀತಿಯಾಗಿ ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ರೈತ ಸೇನೆಯ ತಾಲೂಕ ಅಧ್ಯಕ್ಷರಾದ ಸಿದ್ದಲಿಂಗ ಪೂಜಾರಿ ಎಚ್ ಹಾಲಗಡ್ಲಾ ಅವರ ಸಮ್ಮುಖದಲ್ಲಿ ತಾಲೂಕ ದಂಡಾಧಿಕಾರಿಗಳ ಮುಖಾಂತರ ರಾಜ್ಯದ ಮುಖ್ಯಮಂತ್ರಿಗಳಿಗೆ ಮನವಿ ಪತ್ರವನ್ನು ಸಲ್ಲಿಸಿದರು
ಬಿಳವಾರ ಗ್ರಾಮದಲ್ಲಿ ಭಕ್ತ ಕನಕದಾಸರ ಜಯಂತಿಯನ್ನು ಅದ್ದೂರಿಯಾಗಿ ಆಚರಿಸಿದ ಗ್ರಾಮಸ್ಥರು.
ಬಿಳವಾರ ಗ್ರಾಮದಲ್ಲಿ 537ನೆಯ ಭಕ್ತ ಕನಕದಾಸರ ಜಯಂತಿಯನ್ನು ಗ್ರಾಮಸ್ಥರ ಸಮ್ಮುಖದಲ್ಲಿ ಅದ್ದೂರಿಯಾಗಿ ನಡೆಯಿತು ಈ ಸಂದರ್ಭದಲ್ಲಿ ಬಾಜಿ ಭಜಂತ್ರಿ ಡೊಳ್ಳಿನ ಮೇಳದವರೊಂದಿಗೆ ಗ್ರಾಮದ ಸಮಸ್ತ ಗ್ರಾಮಸ್ಥರು ಭಾಗವಹಿಸಿದ್ದರು ಈ ಸಂದರ್ಭದಲ್ಲಿ ಶರಣು ಪೂಜಾರಿ ದೊಡ್ಮನಿ ಹಾಗೂ ಮಲ್ಲಪ್ಪ ಪೂಜಾರಿ ಅಂಗಡಿ ಮಲ್ಲಪ್ಪ ಪೂಜಾರಿ ದೊಡ್ಡಮನಿ ಹಾಗೂ ಶರಣು ಪೂಜಾರಿ ಅಂಗಡಿ ಮತ್ತು ಈರಪ್ಪ ಪೂಜಾರಿ ಹಿರೇ ಕುರುಬರ ಹಾಗೂ ಸಂತೋಷ್ ಪೂಜಾರಿ ಮಲ್ಲಬಾದಿ ದೇವೇಂದ್ರ ಪೂಜಾರಿ ಮಲ್ಲಾಬಾದಿ ಅವರು ಭಾಗವಹಿಸಿದರು ಈ ಸಂದರ್ಭದಲ್ಲಿ ಭಕ್ತ ಕನಕದಾಸರ ಭಾವಚಿತ್ರಕ್ಕೆ ಪೂಜಿ ಸಲ್ಲಿಸಿ ಪುಷ್ಪಾರ್ಚನೆ ಸಲ್ಲಿಸಿ ಧ್ವಜಾರೋಹಣ ಕಾರ್ಯಕ್ರಮವನ್ನು ಶರಣು ಪೂಜಾರಿ ದೊಡ್ಮನಿ ಜಟ್ಟೆಪ್ಪ ಪೂಜಾರಿ ದೊಡ್ಡಮನಿ ಮಲ್ಲಪ್ಪ ಪೂಜಾರಿ ಅಂಗಡಿ ಹಾಗೂ ಗ್ರಾಮ ಪಂಚಾಯತ್ ಅಭಿವೃದ್ಧಿ ಅಧಿಕಾರಿಗಳು ನೇರವೆರಿಸಿದರು. ಈ ಸಂದರ್ಭದಲ್ಲಿ ಶರಣಗೌಡ ಪೊಲೀಸ್ ಪಾಟೀಲ್ ಮಲ್ಲಾಭಾದ ಹಾಗೂ ಮಾಜಿ ತಾಲೂಕು ಪಂಚಾಯತ್ ಸದಸ್ಯರಾದ ಗೊಲ್ಲಾಳಪ್ಪ ಮ್ಯಾಗೇರಿ ಅವರು ಭಾಗವಹಿಸಿದ್ದರು ಅದೇ ರೀತಿಯಾಗಿ ತಾಲೂಕು ಪಂಚಾಯತ್ ಮಾಜಿ ಸದಸ್ಯರಾದ ಶೇಖಪ್ಪ ತಳಗೇರಿ ಅವರು ಭಾಗವಹಿಸಿದ್ದರು ಹಾಗೂ ಗ್ರಾಮ ಪಂಚಾಯತ್ ಅಧ್ಯಕ್ಷರಾದ ಗೊಲ್ಲಾಳಪ್ಪ ಅವರು ಭಾಗವಹಿಸಿದ್ದರು ಹಾಗೂ ಗ್ರಾಮ ಪಂಚಾಯತ ಮಾಜಿ ಅಧ್ಯಕ್ಷರ ಪ್ರತಿನಿಧಿಯಾದ ಹಣಮಂತ ದಂಡಗುಲ್ಕರ ಮತ್ತು ಗ್ರಾಮ ಪಂಚಾಯತ್ ಸದಸ್ಯರು ವಿಜಯ್ ಕುಮಾರ್ ರಾಥೋಡ್ ಅವರು ಭಾಗವಹಿಸಿದ್ದರು. ಅದೇ ರೀತಿಯಾಗಿ ಜಟ್ಟೆಪ್ಪ ಪೂಜಾರಿ ಜಮಖಂಡಿ ಅವರು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು ಎಂದು ಶ್ರೀಶೈಲ್ ಮ್ಯಾಗೇರಿ ಅವರು ಪತ್ರಿಕಾ ಪ್ರಕಟಣೆಗೆ ತಿಳಿಸಿದರು
