ಕೆ.ಆರ್.ನಗರ: ಪಟ್ಟಣದ ಪುರಸಭೆ ಬಯಲು ಮಂದಿರದಲ್ಲಿ ಕೇಂದ್ರದ ಸಚಿವರು ಹಾಗೂ ಮಾಜಿ ಮುಖ್ಯಮಂತ್ರಿ ಹೆಚ್.ಡಿ.ಕುಮಾರಸ್ವಾಮಿ ಅವರಿಗೆ ಜಾ.ದಳದಿಂದ ಆಯೋಜಿಸಿದ್ದ ಅಭಿಮಾನದ ಅಭಿನಂದನಾ ಸಮಾರಂಭಕ್ಕೆ ಕೆ.ಆರ್.ನಗರ ಮತ್ತು ಸಾಲಿಗ್ರಾಮ ತಾಲ್ಲೂಕುಗಳ ಜನರು ಅಪಾರ ಸಂಖ್ಯೆಯಲ್ಲಿ ಆಗಮಿಸಿ ಯಶಸ್ವಿಗೊಳಿಸಿದ್ದಾರೆ. ಇದಕ್ಕಾಗಿ ಅವರಿಗೆ ಮನಃಪೂರ್ವಕವಾಗಿ ಧನ್ಯವಾದಗಳನ್ನು ತಿಳಿಸುತ್ತೇನೆ ಎಂದು ಮಾಜಿ ಸಚಿವ ಸಾ.ರಾ.ಮಹೇಶ್ ತಿಳಿಸಿದ್ದಾರೆ. ಸಮಾರಂಭ ಯಶಸ್ವಿಯಾಗಲು ಜಾ.ದಳ ಮತ್ತು ಬಿಜೆಪಿ ಮೈತ್ರಿ ಪಕ್ಷದ ಮುಖಂಡರು, ಕಾರ್ಯಕರ್ತರು ಶ್ರಮಿಸಿದ್ದಾರೆ. ಎಲ್ಲರಿಗೂ ಅಭಿನಂದನೆಗಳು ಎಂದಿದ್ದಾರೆ.
POST
ಕರ್ಪೂರಳ್ಳಿ ಗ್ರಾಮ ಪಂಚಾಯಿತಿಯಲ್ಲಿ ಉಪಾಧ್ಯಕ್ಷರ ಚುನಾವಣೆ ನಡೆಯಿತು
ಸಾಲಿಗ್ರಾಮ ತಾಲೂಕು ಕರ್ಪೂರಳ್ಳಿ ಗ್ರಾಮ ಪಂಚಾಯಿತಿಯಲ್ಲಿ ಉಪಾಧ್ಯಕ್ಷರ ಚುನಾವಣೆ ನಡೆಯಿತು. ಕರ್ಪೂರಳ್ಳಿ ಗ್ರಾಮ ಪಂಚಾಯಿತಿ ಉಪಾಧ್ಯಕ್ಷರಾಗಿ ಕಾಂಗ್ರೆಸ್ ಬೆಂಬಲಿತ ಅಭ್ಯರ್ಥಿ ರಂಗಸ್ವಾಮಿಯವರು ಆಯ್ಕೆಯಾಗಿದ್ದಾರೆ ಎಂದು ಚುನಾವಣಾ ಅಧಿಕಾರಿಯಾದ ವಿನುತ್ ಅವರು ಪ್ರಕಟ ಮಾಡಿದ. ಗ್ರಾಮ ಪಂಚಾಯತಿ ಪಿಡಿಒ ಪ್ರತಾಪ್. ಬಸವರಾಜಪುರ ನಾಗಣ್ಣ. ಗ್ರಾಮ ಪಂಚಾಯತಿ ಸದಸ್ಯರಾದ ಮುಂಡೂರು ಸಂತೋಷ್. ಗೋಬಿ ಶಂಕರ. ಸೇರಿದಂತೆ ಕಾಂಗ್ರೆಸ್ ಮುಖಂಡರು ಗ್ರಾಮ ಪಂಚಾಯತಿ ಸದಸ್ಯರು ಉಪಸ್ಥಿತರಿದ್ದರು.
ಕನ್ನಿಹಳ್ಳಿ ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ76ನೇ ಗಣರಾಜ್ಯೋತ್ಸವ ಆಚರಣೆ
ವಿಜಯನಗರ ಜಿಲ್ಲೆ ಹಗರಿಬೊಮ್ಮನಹಳ್ಳಿ ತಾಲೂಕಿನ ಕನ್ನಿಹಳ್ಳಿ ಗ್ರಾಮದಲ್ಲಿ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ನಡೆದ 76ನೇ ಗಣರಾಜ್ಯೋತ್ಸವನ್ನ ಶಾಲಾ ಮಕ್ಕಳು ಹಾಗೂ ಶಾಲೆಯ ಮುಖ್ಯ ಗುರುಗಳು ಆಗಿರ್ತಕ್ಕಂತ ಕೊಟ್ರೇಶ್ .ಮಾರುತಿ . ಬಸಮ್ಮ .ಶ್ವೇತಾ .ಸುನೀತಾ. ಶಿಕ್ಷಕರು ತುಂಬಾ ಚೆನ್ನಾಗಿ ಆಚರಣೆ ಮಾಡಿದರು ಈ ಸಂದರ್ಭದಲ್ಲಿ SDMC ಯ ಅಧ್ಯಕ್ಷರು ಹಾಗೂ ಉಪಾಧ್ಯಕ್ಷರು ಮತ್ತು ಸದಸ್ಯರುಗಳು ಹಾಗೂ ಗ್ರಾಮ ಪಂಚಾಯಿತಿ ಅಧ್ಯಕ್ಷರು ಉಪಾಧ್ಯಕ್ಷರು ಸದಸ್ಯರು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು ಧ್ವಜಾರೋಹಣ ವನ್ನು SDMC ಅಧ್ಯಕ್ಷರು ನೇರವೇರಿಸಿದರು ಧ್ವಜಾರೋಹಣ ಕಾರ್ಯಕ್ರಮ ಮುಗಿದ ನಂತರ ಶಾಲಾ ಮಕ್ಕಳಿಂದ ಸಾಂಸ್ಕೃತಿಕ ಕಾರ್ಯಕ್ರಮ ವನ್ನ ಆಯೋಜಿಸಿದ್ದರು ಈ ಸಂದರ್ಭದಲ್ಲಿ ಶಾಲಾ ಮಕ್ಕಳು ಸಾಂಸ್ಕೃತಿಕ ಕಾರ್ಯಕ್ರಮದಲ್ಲಿ ನಮ್ಮ ದೇಶದ ಸಂಸ್ಕೃತಿ ಎನ್ನು ಎತ್ತಿ ಹಿಡಿಯುವುದರ ಮೂಲಕ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಿದರು
ವರದಿ: ನಾಗರಾಜ್
ಹಿರೇಗುತ್ತಿ ಶ್ರೀ ಬ್ರಹ್ಮಜಟಕ ಯುವಕ ಸಂಘದ ಗಣರಾಜ್ಯೋತ್ಸವ ಧ್ವಜಾರೋಹಣ
ಕುಮಟಾ: ಹಿರೇಗುತ್ತಿ ಶ್ರೀ ಬ್ರಹ್ಮಜಟಕ ಯುವಕ ಸಂಘದ ಅಧ್ಯಕ್ಷರಾದ ಕಿಟ್ಟು ನಾಯಕ ೭೬ನೇ ಗಣರಾಜ್ಯೋತ್ಸವದ ಧ್ವಜಾರೋಹಣ ನೆರವೇರಿಸಿದರು.ಯುವಕ ಸಂಘದ ಉಪಾಧ್ಯಕ್ಷರಾದ ಆಕಾಶ ನಾಯಕ, ಕಾರ್ಯದರ್ಶಿ ಪ್ರೀತಮ್ ಗಾಂವಕರ, ಪದಾಧಿಕಾರಿಗಳಾದ ಶ್ರೀಕಾಂತ ನಾಯಕ, ಕಾಂತಾ ಗಾಂವಕರ, ಪ್ರೇಮಾನಂದ ಗಾಂವಕರ, ಉಮೇಶ ಗಾಂವಕರ, ಸಂತೋಷ ಗಾಂವಕರ, ಸುಭಾಸ ನಾಯಕ, ರಾಮು ಕೆಂಚನ್, ವಿನಾಯಕ (ಪಾಪು) ನಾಯಕ, ಸಂತೋಷ ನಾಯಕ ಆನಂದು.ಬಿ.ನಾಯಕ, ಬೊಮ್ಮಯ್ಯ ಬೊಮ್ಮನ್, ಹರೀಶ.ಬಿ.ನಾಯಕ, ಶಿವಪ್ರಸಾದ ನಾಯಕ, ಅಶೋಕ ನಾಯಕ, ವೆಂಕಟರಾಯ ನಾಯಕ, ಶಿವಾನಂದ ನಾಯಕ, ಉದ್ದಂಡ ಗಾಂವಕರ, ನಾಗರಾಜ ನಾಯಕ, ಶಕ್ತಿ ನಾಯಕ, ಸಂಭ್ರಮ ನಾಯಕ, ಸಣ್ಣಪ್ಪ ನಾಯಕ, ರಾಜು ನಾಯಕ, ಸುಬ್ರಹ್ಮಣ್ಯ ನಾಯಕ, ಯುವಕ ಸಂಘದ ಎಲ್ಲಾ ಪದಾಧಿಕಾರಿಗಳು, ಊರಿನ ಹಿರಿಯರು ಹಾಜರಿದ್ದರು. ನಂತರ ಎಲ್ಲರಿಗೂ ಸಿಹಿ ವಿತರಿಸಲಾಯಿ
ಮಿತ್ರ ಅಕಾಡೆಮಿ ಶಾಲೆಗೆ ದ್ವಿತೀಯ ಪ್ರಶಸ್ತಿ
ಬೆಂಗಳೂರಿನ ಫೀಲ್ಡ್ ಮಾರ್ಷಲ್ ಮಾಣೆಕ್ ಷಾ ಪೆರೇಡ್ ಮೈದಾನದಲ್ಲಿ ನಡೆದ ಗಣರಾಜ್ಯೋತ್ಸವ ಸಮಾರಂಭದ ಕಾರ್ಯಕ್ರಮದಲ್ಲಿ ಬೆಂಗಳೂರು ಅರಕೆರೆ ಮಿತ್ರ ಅಕಾಡೆಮಿ ಶಾಲೆಗೆ ೩ನೇ ತಂಡದ ಪಥ ಸಂಚಲನದಲ್ಲಿ ದ್ವಿತೀಯ ಪ್ರಶಸ್ತಿ ಬಂದಿದ್ದು ಈ ಕಾರ್ಯಕ್ರಮದ ಕೇಂದ್ರ ಬಿಂದುವಾದ ಗೌರವಾನ್ವಿತ ರಾಜ್ಯಪಾಲರಾದ ಥಾವರ್ ಚಂದ್ ಗೆಹ್ಲೋಟ್ ಅವರ ಅಮೃತ ಹಸ್ತದಿಂದ ಬಹುಮಾನವನ್ನು ವಿತರಣೆ ಮಾಡಲಾಯಿತು.

76ನೇ ಗಣರಾಜ್ಯೋತ್ಸವದ ಕಾರ್ಯಕ್ರಮದಲ್ಲಿ ರಾಜ್ಯದ ವಿವಿಧ ಶಾಲಾ ಮಕ್ಕಳು ಮತ್ತು ನಾಡಿನ ಗಣ್ಯರು ಹಿರಿಯರು ಭಾಗಿಯಾಗಿದ್ದು ಈ ಕಾರ್ಯಕ್ರಮದಲ್ಲಿ ರಾಜ್ಯದ ಹಲವಾರು ಗೌರವಾನ್ವಿತ ವ್ಯಕ್ತಿಗಳು ಭಾಗಿಯಾಗಿ ದೇಶದ ಗಣ್ಯ ವಿಚಾರಗಳನ್ನು ವಾಸ್ತವಿಕವಾಗಿ ಮಾತನಾಡಲಾಯಿತು. ಇದೇ ಸಂದರ್ಭದಲ್ಲಿ ಮಕ್ಕಳ ವಿಭಾಗದಲ್ಲಿ ೩ನೇ ತಂಡದ ಪಥ ಸಂಚಲನದಲ್ಲಿ ಭಾಗವಹಿಸಿದ್ದಕ್ಕಾಗಿ ಮಿತ್ರ ಅಕಾಡೆಮಿ ಶಾಲೆಗೆ ದ್ವಿತೀಯ ಬಹುಮಾನ ಬಂದಿರುವುದು ಶಾಲಾ ಮುಖ್ಯಸ್ಥರಿಗೆ ಹಾಗೂ ಎಲ್ಲಾ ಸಿಬ್ಬಂದಿವರ್ಗದವರಿಗೆೆ ಅತ್ಯಂತ ಸಂತಸದ ಸಂಗತಿಯಾಗಿದೆ.

ಲಿಟಲ್ ಫ್ಲವರ್ ಪಬ್ಲಿಕ್ ಶಾಲೆಗೆ ದ್ವಿತೀಯ ಪ್ರಶಸ್ತಿ
ಬೆಂಗಳೂರಿನ ಫೀಲ್ಡ್ ಮಾರ್ಷಲ್ ಮಾಣೆಕ್ ಷಾ ಪೆರೇಡ್ ಮೈದಾನದಲ್ಲಿ ನಡೆದ ಗಣರಾಜ್ಯೋತ್ಸವ ಸಮಾರಂಭದ ಕಾರ್ಯಕ್ರಮದಲ್ಲಿ ಬೆಂಗಳೂರು ಬನಶಂಕರಿ ಮೂರನೇ ಹಂತದಲ್ಲಿರುವ ಲಿಟಲ್ ಫ್ಲವರ್ ಪಬ್ಲಿಕ್ ಶಾಲೆಗೆ ಪಥ ಸಂಚಲನದಲ್ಲಿ ದ್ವಿತೀಯ ಪ್ರಶಸ್ತಿ ಬಂದಿದ್ದು ಈ ಕಾರ್ಯಕ್ರಮದ ಕೇಂದ್ರ ಬಿಂದುವಾದ ಗೌರವಾನ್ವಿತ ರಾಜ್ಯಪಾಲರಾದ ಥಾವರ್ ಚಂದ್ ಗೆಹ್ಲೋಟ್ ಅವರ ಅಮೃತ ಹಸ್ತದಿಂದ ಬಹುಮಾನವನ್ನು ವಿತರಣೆ ಮಾಡಲಾಯಿತು.

೭೬ನೇ ಗಣರಾಜ್ಯೋತ್ಸವದ ಕಾರ್ಯಕ್ರಮದಲ್ಲಿ ರಾಜ್ಯದ ವಿವಿಧ ಶಾಲಾ ಮಕ್ಕಳು ಮತ್ತು ನಾಡಿನ ಗಣ್ಯರು ಹಿರಿಯರು ಭಾಗಿಯಾಗಿದ್ದು ಈ ಕಾರ್ಯಕ್ರಮದಲ್ಲಿ ರಾಜ್ಯದ ಹಲವಾರು ಗೌರವಾನ್ವಿತ ವ್ಯಕ್ತಿಗಳು ಭಾಗಿಯಾಗಿ ದೇಶದ ಗಣ್ಯ ವಿಚಾರಗಳನ್ನು ವಾಸ್ತವಿಕವಾಗಿ ಮಾತನಾಡಲಾಯಿತು. ಇದೇ ಸಂದರ್ಭದಲ್ಲಿ ಮಕ್ಕಳ ವಿಭಾಗದಲ್ಲಿ ಪಥ ಸಂಚಲನದಲ್ಲಿ ಭಾಗವಹಿಸಿದ್ದಕ್ಕಾಗಿ ಲಿಟಲ್ ಫ್ಲವರ್ ಪಬ್ಲಿಕ್ ಶಾಲೆಗೆ ದ್ವಿತೀಯ ಬಹುಮಾನ ಬಂದಿರುವುದು ಶಾಲಾ ಮುಖ್ಯಸ್ಥರಿಗೆ ಹಾಗೂ ಎಲ್ಲಾ ಸಿಬ್ಬಂದಿವರ್ಗದವರಿಗೆೆ ಅತ್ಯಂತ ಸಂತಸದ ಸಂಗತಿಯಾಗಿದೆ

ರಾಷ್ಟ್ರ ಗಣ ರಾಜ್ಯೋತ್ಸವ ಪಥ ಸಂಚಲನಕ್ಕೆ ಕೆ ಬೇವಿನಹಳ್ಳಿ ಗ್ರಾಮದ ಪಲ್ಲವಿ. ಡಿ. ಯು. ಆಯ್ಕೆ .
ಜನವರಿ 26 ರಂದು ನವದೆಹಲಿಯ ಕರ್ತವ್ಯ ಪಥ್ ನಲ್ಲಿ ನಡೆಯಲಿರುವ ರಾಷ್ಟ್ರ ಗಣರಾಜ್ಯೋತ್ಸವ ಪಥ ಸಂಚಲನಕ್ಕೆ ಹರಿಹರ ತಾಲ್ಲೂಕು ಕೆ. ಬೇವಿನಹಳ್ಳಿ ಗ್ರಾಮದ ಡಿ. ಕೆ.ಉಮೇಶ್ ಇವರ ಪುತ್ರಿ ಕು. ಪಲ್ಲವಿ. ಡಿ. ಯು. ಇವರು ದಾವಣಗೆರೆ ನಗರದ ಬಿ. ಎಸ್ .ಚನ್ನಬಸಪ್ಪ ಪ್ರಥಮ ದರ್ಜೆ ಕಾಲೇಜಿನಲ್ಲಿ ದ್ವಿತೀಯ ಬಿ. ಕಾಂ. ಓದುತ್ತಿದ್ದು ಇವರು ಎನ್.ಎಸ್.ಎಸ್. ಘಟಕದಿಂದ ಆಯ್ಕೆ ಆಗಿರುತ್ತಾರೆ, ಇವರಿಗೆ ತಂದೆ – ತಾಯಿ, ಬಂಧು ಮಿತ್ರರು, ಸಂಬಂಧಿಗಳು ಹಾಗೂ ಕೆ .ಬೇವಿನಹಳ್ಳಿ ಸಮಸ್ತ ಊರಿನ ಗ್ರಾಮಸ್ಥರು ಶುಭ ಕೋರಿರುತ್ತಾರೆ.
ವರದಿ:- ವಿನಾಯಕ ಜಿ ಎಮ್. ಹರಿಹರ.
ಹಾಲು ಉತ್ಪಾದಕರ ಸಹಕಾರ ಸಂಘದ ನೂತನ ಕಟ್ಟಡವನ್ನು ಮೈಮೂಲ್ ನಿರ್ದೇಶಕ ಎ. ಟಿ ಸೋಮಶೇಖರ್ ಉದ್ಘಾಟಿಸಿದರು
ಚುಂಚನಕಟ್ಟೆ ಸಮೀಪದ ಚಿಬುಕಹಳ್ಳಿ ಹಾಲು ಉತ್ಪಾದಕರ ಸಹಕಾರ ಸಂಘದ ನೂತನ ಕಟ್ಟಡವನ್ನು ಮೈಮೂಲ್ ನಿರ್ದೇಶಕ ಎ. ಟಿ ಸೋಮಶೇಖರ್ ಉದ್ಘಾಟಿಸಿ ಮಾತನಾಡಿದ ಅವರು. ಗ್ರಾಮೀಣ ಭಾಗದಲ್ಲಿ ಹೈನುಗಾರಿಕೆ ಜನರ ಆರ್ಥಿಕ ಪ್ರಗತಿಯ ಮುಖ್ಯ ಕಸುಬಾಗಿದ್ದು ಪ್ರತಿಯೊಬ್ಬ ಉತ್ಪಾದಕರು ರಾಸುಗಳಿಗೆ ಸಮತೋಲನ ಆಹಾರ ನೀಡುವುದರಿಂದ ಗುಣಮಟ್ಟದ ಹಾಲು ಪಡೆಯಲು ಸಾಧ್ಯ. ಗುಣಮಟ್ಟದಿಂದ ಕೂಡಿದ ಹಾಲು ಪೂರೈಕೆಯಿಂದ ಹೆಚ್ಚು ಲಾಭ ಪಡೆದು ಜೀವನ ಮಟ್ಟವನ್ನು ಸುಧಾರಿಸಿಕೊಳ್ಳುವುದರ ಜತೆಗೆ ಸಂಘದ ಅಭಿವೃದ್ಧಿಗೆ ಸಹಕರಿಸಬೇಕು ಎಂದು ಹೇಳಿದರು.
ಗ್ರಾಮೀಣ ಜನರ ಜೀವನ ಮಟ್ಟವನ್ನು ಅಭಿವೃದ್ಧಿಪಡಿಸುವಲ್ಲಿ ಹೈನುಗಾರಿಕೆ ಪ್ರಮುಖ ಉದ್ಯೋಗವಾಗಿದೆ. ಉತ್ತಮ ದರ್ಜೆಯ ಹಾಲು ಪೂರೈಕೆ ಮಾಡಿದಷ್ಟು ಹೆಚ್ಚು ಲಾಭವನ್ನು ಉತ್ಪಾದಕರು ಪಡೆಯುತ್ತಾರೆ. ಪೌಷ್ಟಿಕ ಆಹಾರವನ್ನು ರಾಸುಗಳಿಗೆ ನೀಡಿ ಗುಣಮಟ್ಟದ ಹಾಲನ್ನು ಪೂರೈಕೆ ಮಾಡಬೇಕು. ಅಲ್ಲದೆ ವಿಮೆ, ಲಸಿಕೆ ಹಾಕಿಸುವ ಮೂಲಕ ರಾಸುಗಳ ಅರೋಗ್ಯ ಕಾಪಾಡ ಬೇಕು ಎಂದ. ಅವರು. ಸಂಘಗಳು ಹೈನುಗಾರರ ಮೇಲೆ ಅವಲಂಬಿತವಾಗಿವೆ ಮೈಮೂಲ್ ನಿಂದ ಸಿಗುವ ಸಹಾಯಧನ ಹಾಗೂ ಸವಲತ್ತುಗಳನ್ನು ಪಡೆದುಕೊಂಡು ಆರ್ಥಿಕವಾಗಿ ಸದೃಢರಾಗಬೇಕು ಎಂದು ಹೇಳಿದರು.
ಈ ಸಂದರ್ಭದಲ್ಲಿ ತಾಲೂಕು ಧರ್ಮಸ್ಥಳ ಸಂಘದ ಯೋಜನಾಧಿಕಾರಿ ಉಮೇಶ್ ಪೂಜಾರಿ, ಗ್ರಾ.ಪಂ.ಮಾಜಿ ಅಧ್ಯಕ್ಷ ಬಾಲ ಮನೋಹರ್, ಜಿಲ್ಲಾ ಮೈಮುಲ್ ವ್ಯವಸ್ಥಾಪಕ ಕರಿಬಸವರಾಜು, ತಾಲೂಕು ಸಹಾಯಕ ವ್ಯವಸ್ಥಾಪಕ ಪ್ರವೀಣ್ ಪತ್ತರ್ ಅಭಿಲಾಶ್, ಸಂತೋಷ, ಚಿಬುಕಹಳ್ಳಿ ಬಸವರಾಜು, ಮಹದೇವ, ಗಿರಿಜಮ್ಮ, ಸಂಘದ ಅಧ್ಯಕ್ಷ ಸಿ. ಟಿ ಪಾಪಣ್ಣ, ಉಪಾಧ್ಯಕ್ಷೆ ನೇತ್ರಾವತಿ, ಸದಸ್ಯರಾದ ಜವರಯ್ಯ, ರಾಮೇಗೌಡ, ರಾಜಪ್ಪ, ಪುಟ್ಟೇಗೌಡ, ಸೋಮೇಗೌಡ, ಶೇಷಾ ಕುಮಾರ್, ರವೀಶ, ಸೋಮಶೇಖರ್, ಪ್ರಸನ್ನ, ಮಹಾದೇವಮ್ಮ, ಕಾರ್ಯದರ್ಶಿ ಲೋಕೇಶ್, ಹಾಲು ಪರೀಕ್ಷಕ ಮಂಜೇಶ್, ಸಹಾಯಕ ಜಗದೀಶ್ ಸೇರಿದಂತೆ ಮತ್ತಿತರರು ಇದ್ದರು.
ಗಣರಾಜ್ಯೋತ್ಸವದ ಹಿನ್ನಲೆ ಹಾಗೂ ನಮ್ಮ ದೇಶದ ಸಂವಿಧಾನದ ಮಹತ್ವ
ಗಣರಾಜ್ಯೋತ್ಸವದ ಹಿನ್ನಲೆಯನ್ನು ಹಾಗೂ ನಮ್ಮ ದೇಶದ ಸಂವಿಧಾನದ ಮಹತ್ವವನ್ನು ಪ್ರತಿಯೊಬ್ಬರು ಅರಿತುಕೊಳ್ಳಬೇಕಿದೆ ಡಾ ದಿವ್ಯಾ ಹಾಗೂ ಡಾ. ರಾಮಕೃಷ್ಣ( ಬಿ) ಅಭಿಮತ
76 ನೇ ಗಣರಾಜ್ಯೋತ್ಸವ ದಿನದ ಪ್ರಯುಕ್ತ ಎಲ್ಲರಿಗೂ ಗಣರಾಜ್ಯೋತ್ಸವ ಶುಭಾಶಯಗಳು
ನಮ್ಮ ದೇಶ, ನಮ್ಮ ಹೆಮ್ಮೆ, ಭಾರತ ದೇಶ, ವಿವಿಧತೆಯಲ್ಲಿ ಏಕತೆಯನ್ನು, ಸರ್ವ ಧರ್ಮಗಳಿಂದ ಕೂಡಿದ, ಹಲವು ಸಂಸ್ಕೃತಿಗಳಿಂದ ಕೂಡಿದ, ವಿಶ್ವದ ಬಹುದೊಡ್ಡ ಪ್ರಜಾಪ್ರಭುತ್ವ ರಾಷ್ಟ್ರ. ಈ ಹಿನ್ನೆಲೆಯಲ್ಲಿ ಈ ರಾಷ್ಟ್ರದ ಮೂಲಭೂತ ಶಾಸನವೇ ಸಂವಿಧಾನ.
ಭಾರತಕ್ಕೆ ಸಂವಿದಾನ ಜಾರಿಗೆ ಬಂದ ದಿನವನ್ನು ನಾವು ಗಣರಾಜ್ಯೋತ್ಸವ ದಿನ ಎಂದು ಆಚರಣೆ ಮಾಡುತ್ತಿದ್ದೇವೆ. ಹಾಗಾದರೆ ಜಾರಿಯಾದ ಇತಿಹಾಸವನ್ನು ತಿಳಿದುಕೊಳ್ಳಬೇಕಾದದ್ದು ಅವಶ್ಯ ಅಲ್ಲವೇ? ಪ್ರಪಂಚದ ಎಲ್ಲಾ ರಾಷ್ಟ್ರಗಳಿಗೂ ತನ್ನದೇ ಆದ ಸಂವಿಧಾನ ಇದೆ ಅದರಂತೆ ನಮ್ಮ ದೇಶದ ಸಂವಿಧಾನವು ವಿಶಿಷ್ಟ ಹಾಗೂ ವಿಶೇಷತೆಗಳಿಂದ ಕೂಡಿದ್ದಾಗಿದೆ.
ಭಾರತದ ರಾಜಕೀಯ ಭವಿಷ್ಯವನ್ನು ನಿರ್ಧರಿಸುವ ಏಕೈಕ ತಿರ್ಪುದಾರ ಬ್ರಿಟನ್ ಎಂಬುವದು ಅಂಗ್ಲರ ಅಹಂಕಾರವಾಗಿತ್ತು ಇದಕ್ಕೆ ಸೈಮನ್ ಕಮಿಷನ ಆಯೋಗವೆ ಸಾಕ್ಷಿ (1927-30). ಬ್ರಿಟನ್ ಸರ್ಕಾರದ ವಕೀಲರಾದ ಸರ್ ಜಾನ್ ಸೈಮನ ಅವರ ಅಧ್ಯಕ್ಷತೆಯಲ್ಲಿ ನವಂಬರ್ 8, 1927 ರಂದು ಆಯೋಗ ನೇಮಿಸಿತು. ಈ ಆಯೋಗದಲ್ಲಿ 7 ಜನ ಸದಸ್ಯರಿದ್ದು ಅವರೆಲ್ಲ ಬಿಳಿಯರೇ (ಬ್ರಿಟಿಷರೇ) ಆಗಿದ್ದರು. ಈ ಸಮಿತಿ ಫೆಬ್ರವರಿ 28, ರಂದು 1930 ಕ್ಕೆ ವರದಿ ಸಲ್ಲಿಸಿತು .
01.) ಪ್ರಾಂತಗಳಲ್ಲಿ ದ್ವಿ ಸರ್ಕಾರ ರದ್ದು ಪಡಿಸಿ ಜವಾಬ್ದಾರಿ ಸರ್ಕಾರ ಸ್ಥಾಪಿಸುವುದು.
02.) 10 ವರ್ಷಗಳ ನಂತರ ಸಂವಿಧಾನ ಸುಧಾರಣೆಗೆ ಮತ್ತೊಂದು ಆಯೋಗ ನೇಮಿಸುವುದು.
ಈ ಸಮಿತಿya ವರದಿಗಳು ಯಾವ ಪಕ್ಷಕ್ಕೂ ತೃಪ್ತಿಯಾಗಲಿಲ್ಲ. ಭಾರತದ ರಾಜ್ಯ ಕಾರ್ಯದರ್ಶಿಯವರಾದ ಬರ್ಕನ ಮುಂದೆ ಮುಖ್ಯವಾಗಿ, ಲಾಹೋರ್ ಕಾಂಗ್ರೆಸ್ ಅಧಿವೇಶನ 1929 ಪೂರ್ಣ ಸ್ವರಾಜ್ಯ ಘೋಷಣೆ, 1929 ರಲ್ಲಿ ಕಾಂಗ್ರೆಸ್ಸಿನ ವಾರ್ಷಿಕ ಅಧಿವೇಶನವು, ಜವಾಹರಲಾಲ್ ನೆಹರು ಅವರ ಅಧ್ಯಕ್ಷತೆಯಲ್ಲಿ ಡಿಸೆಂಬರ್ 31, ರಂದು ರಾತ್ರಿ ರಾವಿ ನದಿಯ ದಂಡೆಯಲ್ಲಿ ತ್ರಿವರ್ಣ ರಾಷ್ಟ್ರ ಧ್ವಜವನ್ನು ಹಾರಿಸಿದ ನೆಹರು ಪೂರ್ಣ ಸ್ವರಾಜ್ಯ ಘೋಷಣೆ ಹೊರಡಿಸಿ ಅದೇ ಕಾಂಗ್ರೆಸ್ಸಿನ ದ್ಯೇಯ ವೆಂದು ಸಾರಿದರು .
ಅದರಂತೆ ಜನವರಿ 26, 1930 ರಂದು ಭಾರತದಾದ್ಯಂತ ಸ್ವಾತಂತ್ರ ದಿನವಾಗಿ ಆಚರಿಸಲಾಯಿತು.ಈ ಕಾರಣಕ್ಕಾಗಿ ಭಾರತದ ಗಣರಾಜ್ಯ ದಿನವನ್ನಾಗಿ ಜನವರಿ 26 ನ್ನು ಇಂದಿಗೂ ಆಚರಿಸಲಾಗುತ್ತದೆ.
1935 ರ ಕಾಯಿದೆ: ಈ ಕಾಯಿದೆ ಭಾರತ ಸಂವಿಧಾನ ಬೆಳವಣಿಗೆಯಲ್ಲಿ ಒಂದು ಮೈಲಿಗಲ್ಲು. ಕೇಂದ್ರದಲ್ಲಿ ಭಾರತೀಯ ಮಂತ್ರಿಗಳಿಗೆ ಆಡಳಿತದಲ್ಲಿ ಭಾಗವಹಿಸುವ ಅಧಿಕಾರ ಕೊಟ್ಟಿತು ಹಾಗೂ ಜವಾಬ್ದಾರಿ ಸರ್ಕಾರ ಸ್ಥಾಪಿಸುವ ಮೂಲಕ ಸ್ವರಾಜ್ಯದ ಬಾಗಿಲನ್ನು ತೆರೆಯಿತು.
1936 ರಲ್ಲಿ ಕಾಂಗ್ರೆಸ್ ತನ್ನ ಅಧಿವೇಶನದಲ್ಲಿ ಸಂವಿಧಾನ ರಚನೆಗೆ ಒತ್ತಾಯಿಸಿತು.
1939 ರಲ್ಲಿ ಕಾಂಗ್ರೆಸ್ ಕಾರ್ಯಕಾರಿ ಸಮಿತಿಯು ಗೊತ್ತುವಳಿಯನ್ನು ಅಂಗೀಕರಿಸಿತು, ಇದರಲ್ಲಿ ನಾವು ಸಂವಿಧಾನ ಸಭೆ ಹೊಂದಲಿದ್ದು ಪ್ರಜಾಸತ್ತಾತ್ಮಕವಾಗಿ ರಚಿತವಾಗಬೇಕೆಂದು ಬಯಸಿದ್ದೇವೆ ಎಂದು ಹೇಳಿತು.
1942 ರಲ್ಲಿ ಸರ್ ಸ್ಟಾಪೋರ್ಡ ಕ್ರಿಪ್ಸ್ ನೇತೃತ್ವದಲ್ಲಿ ಬ್ರಿಟನ್ ಪ್ರಧಾನಿ ಚರ್ಚಿಲ್ ಒಂದು ನಿಯೋಗವನ್ನು ಕಳುಹಿಸಿದರು. ಈ ನಿಯೋಗವು 1942 ಮಾರ್ಚ್ 22 ರಿಂದ ಏಪ್ರಿಲ್ 12 ರ ವರೆಗೆ ಭಾರತದ ಸರ್ವ ಪಕ್ಷಗಳೊಡನೆ ಚರ್ಚಿಸಿ ಈ ಕೆಳಗಿನಂತೆ ವರದಿ ನೀಡಿತು.
ಎರಡನೇ ಮಹಾಯುದ್ಧದ ನಂತರ ಹೊಸ ಸಂವಿಧಾನ ರಚಿಸಲು ಸಂವಿಧಾನ ಸಭೆ ರಚನೆಗೆ ಒಪ್ಪಿಗೆ ನೀಡುವುದಾಗಿ ಹೇಳಿತು ಇದು ಭಾರತೀಯರ ಪಾಲಿಗೆ ಸಂವಿಧಾನ ರಚನೆಗೆ ಆಶಾಕಿರಣವಾಯಿತು.
ಮುಂದೆ 1945 ರಲ್ಲಿ ಬ್ರಿಟನ್ ಪ್ರಧಾನಿ ಕ್ಲಮೆಂಟ್ ಆಟ್ಟೆ ಅವರು ಬ್ರಿಟನ್ನಿನ ಸಂಸತ್ತಿನ ಸಾಮಾನ್ಯ ಸಭೆಯಲ್ಲಿ ಭಾರತ ತನ್ನದೇ ಆದ ಸಂವಿಧಾನ ರಚಿಸಿಕೊಳ್ಳಬಹುದಾಗಿದೆ ಎಂದು ಘೋಷಿಸಿದರು ಜೊತೆಗೆ ಕ್ಯಾಬಿನೆಟ್ ಮಿಷನ್ ಎನ್ನುವ ಆಯೋಗ ಮಾರ್ಚ್ 24, 1946 ರಂದು ದೆಹಲಿಗೆ ಬಂದಿತು. ಲಾರ್ಡ್ ಪೆಥಿಕ್ ವಾರೆನ್ಸ, ಸರ್ ಸ್ಟಾಫೋರ್ಡ್ ಕ್ರಿಪ್ಸ್, ಎ ವಿ ಅಲೆಕ್ಸಾಂಡರ್ ಸದಸ್ಯರು ಆಗಿದ್ದರು. ಕ್ಯಾಬಿನೆಟ್ ಮಿಷನ್ ಸಹ ಸಂವಿಧಾನ ರಚನಾ ಸಭೆಗೆ ಸಂಬಧಿಸಿದಂತೆ ಚರ್ಚಿಸಿತು. ಅದರ ಸಲಹೆಗೆ ಅನುಗುಣವಾಗಿ 1946 ರಲ್ಲಿ ಸಂವಿಧಾನ ಚುನಾವಣಾ ನಡೆಯಿತು. ಮುಂದೆ ಅಗಸ್ಟ್ 15, 1947 ಭಾರತ- ಪಾಕಿಸ್ತಾನ ಸ್ವಾತಂತ್ರ್ಯ ಮತ್ತು ವಿಭಜನೆಗೊಂಡಿತು. ಅದರಂತೆ ಸಂವಿಧಾನ ರಚನಾ ಸಭೆಯ ರಚನೆ ಅಯಿತು. ಡಿಸೆಂಬರ್ 9, 1946 ರಂದು ಸಂವಿಧಾನ ರಚನಾ ಸಭೆಯ ಮೊದಲ ಅಧಿವೇಶನ ನಡೆಯಿತು. ತಾತ್ಕಾಲಿಕವಾಗಿ ಡಾ.ಸಚ್ಚಿದಾನಂದ ಸಿನ್ಹಾ ಅವರು ಸಭೆಯ ಅಧ್ಯಕ್ಷರಾಗಿದ್ದರು.
ಡಿಸೆಂಬರ್ 11, 1949 ರಂದು ಡಾ. ರಾಜೇಂದ್ರ ಪ್ರಸಾದ್ ರವರನ್ನು ರಚನಾ ಸಮಿತಿಯ ಅಧ್ಯಕ್ಷರಾಗಿ ನೇಮಿಸಲಾಯಿತು.
ಡಾ. ಬಿ ಆರ್ ಅಂಬೇಡ್ಕರ ರವರು ಕರಡು ರಚನಾ ಸಮಿತಿಯ ಅದ್ಯಕ್ಷರಾದರು ಹೀಗೆ ಒಟ್ಟು 387 ಸದಸ್ಯರಿದ್ದರು.
ಭಾರತ ಸಂವಿಧಾನ ರಚನಾ ಸಭೆಯ ಸದಸ್ಯರುಗಳೆಂದರೆ ಡಾ. ರಾಜೇಂದ್ರ ಪ್ರಸಾದ್ (ಅಧ್ಯಕ್ಷರು), ಟಿ.ಟಿ. ಕೃಷ್ಣಚಾರಿ ಹಾಗೂ ಎಚ್.ಸಿ. ಮುಖರ್ಜಿ (ಉಪಾಧ್ಯಕ್ಷರುಗಳು), ಹಾಗೂ ಜವಾಹರಲಾಲ್ ನೆಹರೂ, ವಲ್ಲಭಾಯಿ ಪಟೇಲ್, ಆಚಾರ್ಯ ಕೃಪಲಾನಿ, ಅಬ್ದುಲ್ ಕಲಂ ಆಜಾದ್, ಪಟ್ಟಾಭಿ ಸೀತಾರಾಮಯ್ಯ, ಕೆಂ.ಎಂ ಮುನ್ಸಿ, ಡಾ. ಮೆಥಾಯ್, ಸರ್ದಾರ್ ಹುಕುಮ ಸಿಂಗ್, ಇಸ್ಮಾಯಿಲ್ ಖಾನ್, ಕೆ.ಟಿ.ಪಾ, ಎಚ್.ವಿ.ರಾಮನ್, ಕೃಷ್ಣಸ್ವಾಮಿ ಅಯ್ಯಾಂಗರ್, ಕೆ. ಸಂತಾನಂ, ಮಹಾರಾಜ ಪ್ರಸಾದ ಮುಖರ್ಜಿ, ಎಚ್.ಎನ್.ಕುಂಜ್ರು, ಗೋಪಾಲಸ್ವಾಮಿ ಅಯ್ಯಾಂಗರ್, ಫ್ರಾಂಕ್ ಅಂಥೋನಿ, ಶ್ರೀಮತಿ ಹಂಸಮೆಹತಾ, ಶ್ರೀಮತಿ ವಿಜಯಲಕ್ಷ್ಮಿ ಪಂಡಿತ್, ಶ್ರೀಮತಿ ಸರೋಜನಿ ನಾಯ್ಡು, ಶ್ರೀಮತಿ ಅಮೃತ್ಕೌರ್, ಶ್ರೀಮತಿ ಸುಚೇತನ ಕೃಪಲಾನಿ, ಇವರೇ ಮೊದಲಾದವರಾಗಿದ್ದಾರೆ. ಸಂವಿಧಾನ ರಚನಾ ಸಭೆಯಲ್ಲಿ ಕ್ರಮಬದ್ಧವಾಗಿ ಹಾಗೂ ದಕ್ಷತೆಯಿಂದ ಕಾರ್ಯನಿರ್ವಹಿಸಲು ಸುಮಾರು 22 ಸಮಿತಿಗಳನ್ನು ರಚಿಸಲಾಯಿತು.
ಡಾ. ಬಿ ಆರ್ ಅಂಬೇಡ್ಕರ ರವರ ನೇತೃತ್ವದಲ್ಲಿ ಎಲ್ಲರೂ ಸೇರಿಕೊಂಡು 2 ವರ್ಷ 11 ತಿಂಗಳು ಹಾಗೂ 18 ದಿನಗಳು ಅಂದರೆ ಸರಿಸುಮಾರು 3 ವರ್ಷಗಳಲ್ಲಿ ಸಂವಿಧಾನವನ್ನು ರಚಿಸಿ ಅದನ್ನು ನವೆಂಬರ್ 26,1949 ರಂದು ಅಂಗೀಕರಿಸಲಾಯಿತು, ಮುಂದೆ ಜನವರಿ 26, 1950 ರಂದು ಜಾರಿಗೆ ಬಂದಿತು.
ಅಂದಿನಿಂದ ಇಲ್ಲಿಯವರೆಗೆ ಜನವರಿ 26 ನ್ನು ಭಾರತದ ಗಣರಾಜ್ಯ ದಿನವನ್ನು ಆಚರಿಸಲಾಗುತ್ತಿದೆ.
ಸಹಾಯಕ
ಪ್ರಾಧ್ಯಾಪಕರು
ಡಾ ದಿವ್ಯ ಕೆ ವಾಡಿ ಮತ್ತು ಡಾ. ರಾಮಕೃಷ್ಣ ಬಿ ಇತಿಹಾಸ ವಿಭಾಗ ಮತ್ತು ಅರ್ಥಶಾಸ್ತ್ರ ವಿಭಾಗ ಹೈದ್ರಾಬಾದ್ ಕರ್ನಾಟಕ ಶಿಕ್ಷಣ ಸಂಸ್ಥೆ ಶ್ರೀಮತಿ ಚಿನ್ನಮ್ಮ ಬಸಪ್ಪ ಪಾಟೀಲ್ ಕಲಾ ಮತ್ತು ವಾಣಿಜ್ಯ ಪದವಿ ಮಹಾವಿದ್ಯಾಲಯ ತಾ ಚಿಂಚೋಳಿ
ಜಿ ಕಲ್ಬುರ್ಗಿ
ನರಸಾಪುರ ಕಟ್ಟಿ ಬಸವೇಶ್ವರ ದೇವಸ್ಥಾನಕ್ಕೆ 1,50,000 ಧರ್ಮಸ್ಥಳ ಸಂಘದಿಂದ ದೇಣಿಗೆ
ಬೆಳಗಾವಿ ಜಿಲ್ಲಾ ರಾಮದುರ್ಗ ತಾಲೂಕಿನ ನರಸಾಪುರ ಗ್ರಾಮದ ಕಟ್ಟಿ ಬಸವೇಶ್ವರ ದೇವಸ್ಥಾನಕ್ಕೆ, ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಸಂಘದಿಂದ ದೇವಸ್ಥಾನ ಜೀರ್ಣೋದ್ಧಾರಕ್ಕಾಗಿ ಒಂದು ಲಕ್ಷದ 50,000 ಸಾವಿರ ರೂಪಾಯಿ ಚೆಕ್ ನ್ನು ಪೂಜ್ಯಶ್ರೀ ಸ್ವಾಮೀಜಿಯವರು ಹಾಗೂ ಪ್ರದೀಪ್ ಪಟ್ಟಣ ರವರು ಮತ್ತು ಧರ್ಮಸ್ಥಳ ಸಂಘದ ಜಿಲ್ಲಾ ನಿರ್ದೇಶಕರಾದ ಅಲೋಕ್ ಕುಮಾರ್ ಸಹಭಾಗಿತ್ವದಲ್ಲಿ, ನರಸಾಪುರ ಗ್ರಾಮದ ಕಟ್ಟೆ ಬಸವೇಶ್ವರ ದೇವಸ್ಥಾನದ ಜೀರ್ಣೋದ್ಧಾರಕ್ಕಾಗಿ ಗ್ರಾಮದ ಗುರು ಹಿರಿಯರಿಗೆ 1,50,000 ಚೆಕ್ಕನ್ನು ಹಸ್ತಾಂತರ ಮಾಡಲಾಯಿತು, ರಾಮದುರ್ಗ ತಾಲೂಕಿನ ಶ್ರೀ ಪ್ರದೀಪ್ ಅಣ್ಣಾ ಪಟ್ಟಣ. ಅವರು ಮಾತನಾಡಿ ಧರ್ಮಸ್ಥಳ ಸಂಘವು ನಿಜವಾಗಿ ಗ್ರಾಮೀಣ ಅಭಿವೃದ್ಧಿ ಮಾಡುತ್ತದೆ ನಮ್ಮ ಹಳ್ಳಿಗಳಿಗೆ ಇ ಸಂಘದ ವರಿಂದ ಅನುಕೂಲ ಕರವಾಗಿದೆ ಎಂದರು,
ಪೂಜ್ಯ ಶ್ರೀ ಗಳು ಮಾತನಾಡಿ ನಮ್ಮ ಗ್ರಾಮೀಣ ರೈತರು ಹಾಗೂ ರೈತ ಮಹಿಳೆಯರು ಬ್ಯಾಂಕಿಗೆ ಸಾಲ ಹೇಳಲು ಹೋದರೆ ಸರಿಯಾಗಿ ಸಾಲ ಕೊಡುವುದಿಲ್ಲ ಸಾಲ ತೆಗೆದುಕೊಳ್ಳಬೇಕಾದರೆ ವರ್ಷವೇ ಗತಿಸಿ ಹೋಗುತ್ತದೆ, ಆದರೆ ಧರ್ಮಸ್ಥಳ ಸಂಘದವರು ನೇರವಾಗಿ ಗ್ರಾಮೀಣ ಜನರಿಗೆಲ್ಲ ಅನುಕೂಲ ವಾಗುವಂತೆ ಸಾಲ ಕೊಟ್ಟು ಸಾಲವನ್ನು ಸರಳ ರೀತಿಯಲ್ಲಿ ಮರುಪಾವತಿ ಮಾಡಿಕೊಳ್ಳುತ್ತಾರೆ, ಮತ್ತು ಗ್ರಾಮೀಣ ದೇವಸ್ಥಾನಕ್ಕೆ ಜೀರ್ಣೋದ್ಧಾರಕ್ಕಾಗಿ ದೇಣಿಗಿಯೂ ಸಹ ಕೊಡುತ್ತಾರೆ, ನಮ್ಮ ಗ್ರಾಮದಲ್ಲಿ ಧರ್ಮಸ್ಥಳ ಸಂಘವನ್ನು ಸರಿಯಾಗಿ ಬೆಳೆಸಿ ನಡೆಸಿಕೊಂಡು ಹೋದರೆ ನಮಗೆ ಹಣದ ಅಡಚಣೆ ಬರುವುದಿಲ್ಲ, ನಮ್ಮ ಹೂಲಮನೆ ಕೆಲಸಗಳ ನಡೆಯುತ್ತವೆ ಇದು ನಮ್ಮ ಪುಣ್ಯ , ಆ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಸಂಘದ ಯೋಜನೆಯ ಮಂಜುನಾಥ ದೇವರಿಗೆ ಮತ್ತು ವೀರೇಂದ್ರ ಹೆಗಡೆಯವರನ್ನು ಇಲ್ಲಿ ನಾವು ಸ್ಮರಿಸೋಣ ಎಂದರು ,
ವರದಿ ರಾಮಚಂದ್ರ ಹ ಕುಕಡಿ ರಾಮದುರ್ಗ
