ಹುಣಸಗಿ : ಹುಣಸಗಿ ತಾಲೂಕಿನ ಯಡಹಳ್ಳಿ ಗ್ರಾಮದ ಶ್ರೀ ಜಗದ್ಗುರು ರೇವಣಸಿದ್ದೇಶ್ವರ ಪಬ್ಲಿಕ್ ಶಾಲೆ, ಒಂದು ದಶಕದ ಹಿಂದೆ ತಲೆಯತ್ತಿದ ಈ ಶಾಲೆ ಬಡವರು ಮತ್ತು ಕಾರ್ಮಿಕರು, ಕೃಷಿಕರ ಮಕ್ಕಳ ಪಾಲಿಗೆ ಅಕ್ಷರದ ಅಕ್ಷಯ ಪಾತ್ರೆ ಪ್ರತಿವರ್ಷವೂ ಒಂದಿಲ್ಲಾ ಒಂದು ದಾಖಲೆ ಮಾಡುತ್ತಲೆ ಬರುತ್ತಿದೆ, ನೋಡೋದಿಕ್ಕೆ ಕುಟೀರ ಗುರುಕುಲದಂತೆ ಕಂಡರು ಸಂಸ್ಕಾರ ಸಂಸ್ಕೃತಿಯ ತೊಟ್ಟಿಲಂತಿದೆ, ಇದರ ಸಂಸ್ಥಾಪಕ ನಿರ್ಮಾಕರಾದ ಶ್ರೀ ದೀಪಕ ಮ್ಯಾಗೇರಿ ಮತ್ತು ಶ್ರೀಮತಿ ಮ್ಯಾಗೇರಿಯವರು ಹಗಲಿರಳು ಮಕ್ಕಳ ಅಕ್ಷರಭಿವೃದ್ಧಿಗಾಗಿ ಶ್ರಮಿಸುತ್ತಲೇಯಿದ್ದಾರೆ, ಸಹಶಿಕ್ಷಕರ ಅಚ್ಚುಮೆಚ್ಚಿನ ದೀಪಕ ಮ್ಯಾಗೇರಿ ನೂರಾರು ಮಕ್ಕಳಿಗೆ ನಗು ನಗುತ್ತಲೆ ಮಾತನಾಡಿಸುತ್ತಾ ಮಕ್ಕಳ ಮನದಲ್ಲಿ ಮನೆಮಾಡಿದ ಭಯವನ್ನು ಹೋಗಲಾಡಿಸಿ, ಸ್ಪರ್ಧಾತ್ಮಕ ಪರಿಕ್ಷೆಗಳಿಗೆ ಸ್ಪರ್ಧೆಯೊಡ್ಡುವ ರೀತಿಯಲ್ಲಿ ತರಬೇತಿ ನೀಡುವ ಮೂಲಕ ಇಂದು ಯಾದಗಿರಿ ಜಿಲ್ಲೆಯ ಹುಣಸಗಿ ತಾಲ್ಲೂಕಿನಲ್ಲಿ ಬಡವರ ಪಾಲಿನ ಆಶಾಕಿರಣದಂತಾಗಿದೆ, ಈ ವರ್ಷವೂ ಅಂದರೆ 2025 ರ ವಸತಿ ಶಾಲೆಗಳಿಗೆ ಸ್ಪರ್ಧಾತ್ಮಕ ಪರೀಕ್ಷೆಯಲ್ಲಿ ನವೋದಯ ವಸತಿ ಶಾಲೆಗೆ ಆಯ್ಕೆಯಾಗುವಂತೆ ತರಬೇತಿ ನೀಡಿ ಪಾಲಕರ ಪಾಲಿಗೆ ಕೈಗೆಟಕುವ ನಕ್ಷತ್ರದಂತೆ ಹೊಳೆಯುತ್ತಿದೆ, ಈ ವರ್ಷ ಭೀಮಾಶಂಕರ ತಂದೆ :ನಿಂಗಪ್ಪ ದೊಡ್ಡಮನಿ (ಯಡಹಳ್ಳಿ )2025 ನೇ ಸಾಲಿನ ಪರೀಕ್ಷೆಯಲ್ಲಿ ಅತಿ ಹೆಚ್ಚು ಅಂಕ ಗಳಿಸಿ ನವೋದಯ ಶಾಲೆಗೆ ಆಯ್ಕೆಯಾಗಿರೋದು ಶ್ಲಾಘನೀಯ, ವಿದ್ಯಾರ್ಥಿಯ ಈ ಸಾಧನೆಗೆ ಶಾಲೆಯ ಮುಖ್ಯ ಗುರುಗಳು ಹಾಗೂ ಸಿಬ್ಬಂದಿ ವರ್ಗ ಪಾಲಕರು ಹಾಗೂ ಊರಿನ ಗ್ರಾಮಸ್ಥರು ಹರ್ಷ ವ್ಯಕ್ತಪಡಿಸಿದ್ದಾರೆ.
ಯಾದಗಿರಿ ಜಿಲ್ಲೆಯಲ್ಲಿ ಅತಿ ಹೆಚ್ಚು ನವೋದಯ ಮೊರಾರ್ಜಿ ವಿವಿಧ ವಸತಿ ಶಾಲೆಗಳಿಗೆ ವಿದ್ಯಾರ್ಥಿಗಳನ್ನು ಆಯ್ಕೆಯಾಗುವಂತೆ ತಯಾರು ಮಾಡಿದ ಕೀರ್ತಿ ಶ್ರೀ ರೇವಣಸಿದ್ದೇಶ್ವರ ಶಾಲೆಗೆ ಸಲ್ಲುತ್ತದೆ, ಹೀಗೆ ದೀಪಕ ಮ್ಯಾಗೇರಿಯವರ ಸಾಮಾಜಿಕ ಮತ್ತು ಶೈಕ್ಷಣಿಕ ಸೇವೆ ಮುಂದುವರೆಯಲಿ, ಸಮಾಜದಲ್ಲಿ ಶಿಕ್ಷಣದಿಂದ ವಂಚಿತರಾದವರನ್ನ ಕರೆತಂದು ಶಿಕ್ಷಣ ನೀಡುವಂತ ಶಕ್ತಿ ಭಗವಂತನೀಡಲಿ ಅಂತ ನಮ್ಮ ಪತ್ರಿಕಾವತಿಯಿಂದ ಶುಭ ಹಾರೈಸುತ್ತೇವೆ.
POST
ಜಂಟಿ ಸ್ಥಳ ಪರಿಶೀಲನೆ ವೇಳೆ ಅಗತ್ಯ ಮಾಹಿತಿ ನೀಡಿರಿ ಎಂದು. ಶಿವಮೊಗ್ಗ ತಾಸಿಲ್ದಾರ್ ರಾಜೀವ್ ತಿಳಿಸುತ್ತಾರೆ.
ಶಿವಮೊಗ್ಗ. ಏಪ್ರಿಲ್ 3 ಶಾವತಿ ಮುಳುಗಡೆ ಸಂತ್ರಸ್ಥರ ಪುನರ್ವಸತಿಗೆಂದು ಅರಣ್ಯ ಜಮೀನು. ಡಿ ರಿಜರ್ವ್ ಸಂಬಂಧ ಜಂಟಿ ಪರಿಶೀಲನೆಗೆ ಬಂದ ವೇಳೆ ನಿಯೋಜಿತ ಸಿಬ್ಬಂದಿಗಳಿಗೆ ಅಗತ್ಯ ಮಾಹಿತಿ ದಾಖಲೆ ಒದಗಿಸುವಂತೆ ಶಿವಮೊಗ್ಗ ತಹಸಿಲ್ದಾರ್ ರಾಜೀವ್ ವಿ ಎಸ್ ತಿಳಿಸಿದ್ದಾರೆ.
ಮಾನ್ಯ ಜಿಲ್ಲಾಧಿಕಾರಿಗಳ ಪತ್ರದ ಅನ್ವಯ ಶರಾವತಿ ಸಂತ್ರಸ್ತರ ಪುನರ್ ವಸತಿಗೆಂದು ಅರಣ್ಯ ಜಮೀನು ಬಿಡುಗಡೆಗಾಗಿ ಅನುಮತಿ ಕೋರಿ ಕೇಂದ್ರ ಸರ್ಕಾರ ಮತ್ತು ಮಾನ್ಯ ಸರ್ವೋಚ್ಚ ನ್ಯಾಯಾಲಯದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಜಿಲ್ಲೆಯಲ್ಲಿ ಜಂಟಿ ಸರ್ವೆ ವರದಿಗೆ ಸೂಚಿಸಿದ್ದು. ಈ ಪೈಕಿ ಶಿವಮೊಗ್ಗ ತಾಲೂಕಿನ ಕೆಳಕಂಡ ಗ್ರಾಮ ಹಾಗೂ ಸರ್ವೆ ನಂಬರುಗಳು ಒಳಗೊಂಡಿರುತ್ತವೆ.
ಚೋರಡಿ ಸರ್ವೆ ನಂಬರ್ 117. ಕೋಣೆ ಹೊಸೂರು 23. 22 ತಪ್ಪುರು 45. 44 ಮತ್ತು 19 ಕುಂಸಿ201 ಸಿಂಗನಹಳ್ಳಿ 61 ಕೊರಗಿ 30 ಶಾಂತಿಕೆರೆ 1 ಒಡೇರ ಕೊಪ್ಪ1 ಶೆಟ್ಟಿಕೆರೆ 1 ಮಂಜರಿ ಕೊಪ್ಪ 26.27 28.37.7 ಅನುಪಿನ ಕಟ್ಟೆ 127 ಹನುಮಂತಪುರ 6 ಸೂಡುರು 16 ದೊಡ್ಡ ಮತ್ತಿಲಿ 16 ಆಡಿನ ಕೊಟ್ಟಿಗೆ 17 ಕೂಡಿ 31.32. 33.34 ತಾವರೆಕೊಪ್ಪ 24ಪುರ ದಾಳು 1 ಮಲ್ಲೇಶಂಕರ ಎಸ್ಎಫ್ 1 ಶೆಟ್ಟಿಹಳ್ಳಿ 24 ಚಿತ್ರ ಶೆಟ್ಟಿ ಹಳ್ಳಿ 1.7.8.24.8 ಈ ಗ್ರಾಮಗಳ ಗ್ರಾಮಗಳ ಬಾಪ್ತು ಶರಾವತಿ ಪುನರ್ ವಸತಿ ಸೌಲಭ್ಯ ಕಲ್ಪಿಸುವ ಕುರಿತು ಅರಣ್ಯ ಭೂಮಿಯನ್ನು ಡಿ ರಿಸರ್ವ್ ಮಾಡುವ ಪ್ರಸ್ತಾವನೆಗೆ ಸಂಬಂಧಿಸಿದಂತೆ ರಾಜಸ್ವ ನಿರೀಕ್ಷಕರ ನೇತೃತ್ವದಲ್ಲಿ ಗ್ರಾಮ ಆಡಳಿತ ಅಧಿಕಾರಿಗಳು ಭೂ ಮಾಲೀಕರುಗಳು ಅರಣ್ಯ ಅಧಿಕಾರಿಗಳನ್ನು ಒಳಗೊಂಡ ತಂಡವು ಜಂಟಿ ಸ್ಥಳ ಪರಿಶೀಲನ ಕಾರ್ಯಕ್ರಮವನ್ನು ನಡೆಸುವುದು.
ಈ ವೇಳೆ ಪ್ರಸ್ತಾವನೆಯಲ್ಲಿನ ದಾಖಲೆ ಸ್ಕೆಚ್ ಜಿಪಿಎಸ್ ದತ್ತಾಂಶಗಳನ್ನು ಆದರಿಸಿ ಪ್ರಸ್ತಾಪಿತ ಬ್ಲಾಕ್ ಹಾಗೂ ಸರ್ವೇ ನಂಬರ್ನಲ್ಲಿರುವ ಬ್ಲಾಕ್ ಗಡಿ ಹಾಗೂ ವಿಸ್ತೀರ್ಣವನ್ನು ಭೂಮಾಪಕರುಗಳು ಮೋಜಿಣಿ ಮಾಡಿ ಜಿಪಿಎಸ್ ದತ್ತಾಂಶಗಳನ್ನು ಸಂಗ್ರಹಿಸಿ ನಂತರ ಬ್ಲಾಕ್ ಗಡಿಯ ಒಳಗಿರುವ ಪ್ರದೇಶದಲ್ಲಿನ ಭೂ ಅನುಭೋಗದಾರರು/ ಅಥವಾ ಇವರ ಪರವಾಗಿ ವಾರ ಸುದಾರರು ರಾಜಸ್ವ ನಿರೀಕ್ಷಕರು ಹಾಗೂ ಗ್ರಾಮ ಆಡಳಿತಾಧಿಕಾರಿಗಳವರ ಸಮ್ಮುಖದಲ್ಲಿ ಸ್ಥಳದಲ್ಲಿ ಹಾಜರಾಗಿ ಭೂ ಅನುಭೋಗದಾರರು ಅನುಭೋಗದಲ್ಲಿರುವ ಪ್ರದೇಶವನ್ನು ತೋರಿಸಿದ ಆಧಾರದ ಮೇಲೆ ಸದರಿಯವರ ಅನುಭೋಗದಲ್ಲಿರುವ ಪ್ರದೇಶದ ಹಾಗೂ ವಿಸ್ತೀರ್ಣವನ್ನು ಮೋಜಣಿ ಮಾಡಿಕೊಂಡು ಡಿಜಿಪಿಎಸ್ ದತ್ತಾಂಶಗಳು ಹಾಗೂ ವಿಸ್ತೀರ್ಣದ ವಿವರಗಳನ್ನು ಸಂಗ್ರಹಿಸಿಕೊಂಡು ನಿಯಮಾನುಸಾರ ಕ್ರಮ ವಹಿಸಲಾಗುವುದು. ಈ ಸಂದರ್ಭದಲ್ಲಿ ನಿಯೋಜಿತ ಸಿಬ್ಬಂದಿಗಳಿಗೆ ಅಗತ್ಯ ಮಾಹಿತಿ ಮತ್ತು ದಾಖಲೆ ಒದಗಿಸಬೇಕೆಂದು ತಿಳಿಸಿರುತ್ತಾರೆ.
ವರದಿ. MH ರಾಘವೇಂದ್ರ ಸಂಪೋಡಿ.
ಮಾಜಿ ಸಚಿವ ರಾಜು ಗೌಡರ ಪ್ರತಿಭಟನೆ ಒಲಿದ ಜಯ
ಸುರಪುರ ತಾಲೂಕಿನ ಜೀವನಾಡಿ ಯಾಗಿರುವ ನಾರಾಯಣಪುರ ಜಲಾಶಯದ ಎಡದಂಡೆ ಮತ್ತು ಬಲದಂಡೆಯ ಕಾಲುವೆಗೆ ನೀರು ಹರಿಸಲು ಹೈಕೋರ್ಟ್ ಮೂಲಕ ಆದೇಶ ನೀಡಿದ್ದು ಹೈಕೋರ್ಟ್ ಆದೇಶದ ಪ್ರಕಾರ ಎಳದಂಡೆ ಮತ್ತು ಬಲದಂಡೆ ಕಾಲುವೆಗೆ ನೀರು ಬಿಡಲಾಗಿದೆ.
ಮಾಜಿ ಸಚಿವ ರಾಜೇಗೌಡರು ಹಾಗೂ ರೈತಪರ ಸಂಘಟನೆಗಳು, ಕನ್ನಡಪರ ಸಂಘಟನೆಗಳು, ದಲಿತಪ್ಪರ ಸಂಘಟನೆಗಳು, ನಿರಂತರ ಹೋರಾಟದಿಂದ ಕಲಬುರ್ಗಿಯ ಹೈಕೋರ್ಟ್ ಆದೇಶದ ಪ್ರಕಾರ 4,5,6, ಅವರಿಗೆ ಸತತವಾಗಿ ನೀರು ಎಡದಂಡೆ ಮತ್ತು ಬಲದಂಡೆಗೆ ಹರಿಸುವಂತೆ ಆದೇಶ ನೀಡಲಾಗಿದೆ ಇದರಿಂದ ರೈತರ ಬೆಳಗೆ ತುಂಬಾ ಅನುಕೂಲವಾಗಿದೆ ರೈತರ ಪರ ಹೋರಾಟ ಮಾಡಿದ ರಾಜು ಗೌಡರಿಗೆ, ವಿವಿಧ ಸಂಘಟನೆಗಳಿಗೆ ಅನ್ನದಾತರು ಕೃತಜ್ಞತೆ ಸಲ್ಲಿಸಿದರು.
ಆದ್ಯ ವಚನಕಾರ ದೇವರ ದಾಸಿಮಯ್ಯ ಜಯಂತಿ
ಉಡುಪಿ ಕಾಪು ತಾಲ್ಲೂಕ”ಆದ್ಯ ವಚನಕಾರ ದೇವರ ದಾಸಿಮಯ್ಯ ಜಯಂತಿಉಡುಪಿ ಕಾಪು ತಾಲ್ಲೂಕ”ಆದ್ಯ ವಚನಕಾರ ದೇವರ ದಾಸಿಮಯ್ಯ ಜಯಂತಿ ಆದ್ಯ ವಚನಕಾರ ದಾಸಿಮಯ್ಯನವರು ವಚನ ಗಾರುಡಿಗ; ಅವರ ತತ್ವಾದರ್ಶಗಳು ಸಾರ್ವಕಾಲಿಕ ಪ್ರಸ್ತುತತೆ ಹೊಂದಿವೆ ತಹಶಿಲ್ದಾರ್ ಡಾ.ಪ್ರತಿಭಾ ಆರ್. ದೇವರ ದಾಸಿಮಯ್ಯನವರು ಸಮಾಜದ ಅಂಕುಡೊಂಕು ತಿದ್ದಿದ ಮಹಾನ್ ವಚನಕಾರ ಕಾಪು ತಾಲ್ಲೂಕಿನಲ್ಲಿ “ದೇವರ ದಾಸಿಮಯ್ಯ ಜಯಂತಿಯನ್ನು” ತಹಶಿಲ್ದಾರ್ ಕಚೇರಿಯಲ್ಲಿ ಸಂಭ್ರಮದಿಂದ ಆಚರಿಸಲಾಯಿತು,
ಸಮಾರಂಭದ ಅಧ್ಯಕ್ಷತೆಯನ್ನು ಮಾನ್ಯ ತಹಶೀಲ್ದಾರ್ ಡಾ.ಪ್ರತಿಭಾ.ಆರ್. ಅವರು ವಹಿಸಿಕೊಂಡಿದ್ದರು. ದೇವರ ದಾಸಿಮಯ್ಯನವರ ಭಾವಚಿತ್ರಕ್ಕೆ ಪುಷ್ಪನಮನ ಸಲ್ಲಿಸಿ ಜ್ಯೋತಿ ಬೆಳಗಿಸಿ ಗೌರವ ಸಲ್ಲಿಸಿ ತಹಶಿಲ್ದಾರ್ ಡಾ.ಪ್ರತಿಭಾ ಆರ್ ಮಾತನಾಡಿದರು.ದೇವರ ದಾಸಿಮಯ್ಯನವರು ಸಮಾಜ ಮುಖಿಯಾಗಿ ಬೆಳೆದು ದಾರಿದೀಪವಾಗಿದ್ದಾರೆ. ಇಂತಹ ಮಹಾತ್ಮರ ಜಯಂತಿಗಳನ್ನು ಆಚರಿಸುವ ಮೂಲಕ ಸರ್ಕಾರ ಇವರ ಆದರ್ಶಗಳ ಹಾದಿಯಲ್ಲಿ ನಡೆಯಲು ನಮಗೆ ಬೆಳಕು ತೋರಿಸಿದೆ. ಎಲ್ಲರೂ ಮಹರ್ಷಿಗಳ ಆದರ್ಶಗಳನ್ನು ತಮ್ಮ ಜೀವನದಲ್ಲಿ ಅಳವಡಿಸಿಕೊಂಡು ಬೆಳೆಯಬೇಕು ಎಂದು ಕರೆ ನೀಡಿದರು. ಈ ಮಹಾತ್ಮರು ಗಾಯತ್ರೀ ಮಂತ್ರದ ಉಪಾಸಕರಾಗಿ, ಅದರ ಮಹಿಮೆಯನ್ನು ಸಾರಿದರು. ಪ್ರತಿಯೊಬ್ಬ ಮಾನವನು, ಉತ್ತಮ ಸಂಸ್ಕೃತಿ, ಧರ್ಮ, ಆಚಾರವಾಗಿ ನಡೆಸಬೇಕೆಂಬ ಸಂದೇಶವನ್ನು ತಮ್ಮ ವಚನಗಳ ಮೂಲಕ ದಾಸಿಮಯ್ಯ ಪ್ರಪಂಚಕ್ಕೆ ತಿಳಿಸಿ ಹೇಳಿದರು. ಇನ್ನು ದೇವಾಂಗ ದಾಸಿಮಯ್ಯರ ಕೃತಿ ಪರಿಚಯಕ್ಕೆ ಬಂದರೆ, ರಾಮನಾಥ ಎಂಬ ನಾಮಾಂಕಿತದಿಂದ ಅನೇಕ ವಚನಗಳನ್ನು ರಚಿಸಿದ್ದಾರೆ. ದೇವಲರು, ಶತಮಾನಗಳಿಂದ ಬಂದಂತಹ ದಕ್ಷಿಣ ಭಾರತದಲ್ಲಿ ಹೆಸರಾದ ಶರಣರಿಗಿಂತಲೂ (ಬಸವಣ್ಣ ಮತ್ತು ಅಕ್ಕಮಹಾದೇವಿಯವರಿಗೂ) ಮುಂಚಿತವಾಗಿ ದ್ದಂತಹ ಮೊಟ್ಟ ಮೊದಲ ವಚನಕಾರರು. ದಾಸಿಮಯ್ಯನವರ ವಚನಗಳು ಅರ್ಥೈಸಿಕೊಳ್ಳಲು ಬಹಳ ಸರಳವಾಗಿದ್ದು, ಸಮಾಜಕ್ಕೆ ವಿಶೇಷವಾದ ಧಾರ್ಮಿಕ ಪ್ರಜ್ಞೆಯ ಸ್ಪೂರ್ತಿಯ ಚಿಲುಮೆಯಾಗಿವೆ. ದೇವರ ದಾಸಿಮಯ್ಯನವರು ತಮ್ಮ ಆದ್ಯಾತ್ಮ ಸಿರಿವಂತಿಕೆಯಿಂದ ಮೆರೆದು, ಶಿವನ ಹೆಜ್ಜೆಯಲ್ಲಿ ಹೆಜ್ಜೆಯನಿಟ್ಟು, ತಮ್ಮ ಹೆಜ್ಜೆ ಪಾಡುಗಳನ್ನು ನಮಗಾಗಿ ಉಳಿಸಿಹೋಗಿದ್ದಾರೆ. ಇವುಗಳನ್ನು ಅನುಸರಿಸಿ ನಡೆದರೆ ಸಾಕು ನಮ್ಮ ಬಾಳು ಬೆಳಕಾಗುವುದು ಎಂದು ತಹಶಿಲ್ದಾರ್ ಡಾ.ಪ್ರತಿಭಾ ಕರೆ ನೀಡಿದರು. ದೇವರ ದಾಸಿಮಯ್ಯನವರ ಉಪಲಬ್ಧ ವಚನಗಳಲ್ಲಿ ಉತ್ಕಟವಾದ ದೈವ ನಿಷ್ಠೆ, ನಿಷ್ಠುರವಾದ ಸ್ಪಷ್ಟ ವಾಕ್ಯತೆ, ಮಾರ್ಮಿಕವಾದ ಸಂಕ್ಷಿಪ್ತ ಶೈಲಿ, ಔಚಿತ್ಯಪೂರ್ಣವಾದ ದೃಷ್ಟಾಂತಗಳ ಸಂಪತ್ತಿಯ ಗುಣಗಳು ಎದ್ದು ಕಾಣುತ್ತವೆ. ದೇವರ ದಾಸಿಮಯ್ಯ ವಿಶ್ವದ ಪ್ರಥಮ ವಚನಕಾರ. ಅವರು ರಾಮನಾಥ ಎಂಬ ಹೆಸರಲ್ಲಿಯೇ 176 ವಚನಗಳನ್ನು ರಚಿಸಿದ್ದಾರೆ.
ಹಸಿವೆಂಬ ಹೆಬ್ಬಾವು ಬಸಿರ ಬಂದು ಹಿಡಿವಡೆ
ವಿಷವೇರಿತ್ತಯ್ಯ ಅಪಾದಮಸ್ತಕಕ್ಕೆ
ಹಸಿವಿಗನ್ನವನಿಕ್ಕಿ ವಿಷವನಿಳುಹಬಲ್ಲಡೆ
ವಸುಧೆಯೊಳಗೆ ಆತನೆ ಗಾರುಡಿಗ ಕಾಣಾ ರಾಮನಾಥಾ.
ಎಂದು ದಾಸಿಮಯ್ಯ ತಿಳಿಸಿದ್ದಾರೆ
ಈ ಸಂದರ್ಭದಲ್ಲಿ ಉಪತಹಶೀಲ್ದಾರರಾದ ರವಿಕಿರಣ್, ದೇವಕಿ, ಅಶೋಕ್ ಕೋಟೆಕಾರ್ ಹಾಗೂ ಇತರ ಸಿಬ್ಬಂದಿ ವರ್ಗದವರು ಹಾಜರಿದ್ದು ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಿದರು.
ವರದಿ:ಡಾ.ನಂದುಪೂಜಾರಿ
ರಾಜ್ಯ ವರದಿಗಾರರು
ಅದ್ದೂರಿಯಾಗಿ ಜರುಗಿದ ಧರ್ಮಲಿಂಗೇಶ್ವರ ಜೋಡು ರಥೋತ್ಸವ
ಯಾದಗಿರಿ ಜಿಲ್ಲೆಯ ಹುಣಸಗಿತಾಲೂಕಿನ ಗ್ರಾಮದಲ್ಲಿ ಧರ್ಮಲಿಂಗೇಶ್ವರ ಜಾತ್ರಾ ಮಹೋತ್ಸವ ಅದ್ದೂರಿಯಿಂದ ಹತ್ತು ದಿನಗಳ ಕಾಲ ಜರುಗಿತ್ತು ಜಾತ್ರೆಯ ಪ್ರಯುಕ್ತ ಮಾರ್ಚ್ 20ರಿಂದ 30ರವರೆಗೆ ಗವಿಸಿದ್ದೇಶ್ವರ ಶಾಸ್ತ್ರಿ ಇವರು ಹುಬ್ಬಳ್ಳಿ ಸಿದ್ಧಾರೂಢರ ಪುರಾಣ ಪ್ರವಚನ ಹೇಳಿದರು ಸಿದ್ದಾರೂಡರ ಜೀವನ ಚರಿತ್ರೆಯನ್ನು ಅವರ ತತ್ವ ಸಿದ್ಧಾಂತವನ್ನು ಅವರು ಹಾಕಿಕೊಟ್ಟ ಮಾರ್ಗದಲ್ಲಿ ನಡೆದುಕೊಂಡು ಹೋಗುವಂತೆ ತಿಳಿಸಿದರು. ಯುಗಾದಿಯ ದಿನವಾದ ಭಾನುವಾರ ರಥಕ್ಕೆ ಛಾವಣಿ ಏರಿಸುವ ಮೂಲಕ ಜಾತ್ರೆಗೆ ಚಾಲನೆ ನೀಡಲಾಯಿತು, ಈ ಜಾತ್ರೆಯ ವಿಶೇಷ ಜೋಡು ರಥೋತ್ಸವ ಜರಗುವುದು. ಮಂಗಳವಾರ ದೋರನಹಳ್ಳಿಯ ಚಿಕ್ಕಮಠದ ಶ್ರೀ ಶಿವಲಿಂಗ ರಾಜೇಂದ್ರ ಶಿವಾಚಾರ್ಯ ಹಾಗೂ ತಾಳಿಕೋಟಿ ಖಾಸ್ಗತೇಶ್ವರ ವಿರಕ್ತಮಠದ ಶ್ರೀ ಸಿದ್ದಲಿಂಗ ದೇವರ ಸಾನ್ನಿಧ್ಯದಲ್ಲಿ ಮಹಿಳೆಯರು ಕುಂಭ, ಕಳಸ,ಡೊಳ್ಳು, ಪುರವಂತಿಕೆ ಸೇವೆ, ಪಲ್ಲಕ್ಕಿ ಉತ್ಸವ ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಮೆರವಣಿಗೆ ಮಾಡಲಾಯಿತು 400ಕ್ಕೂ ಹೆಚ್ಚು ಮುತ್ತೈದೆ ಮಹಿಳೆಯರಿಗೆ ಉಡಿ ತುಂಬುವ ಕಾರ್ಯಕ್ರಮ ಮಾಡಲಾಯಿತು ಅಂದು ರಥವನ್ನು ಮಹಿಳೆಯರೇ ಉತ್ಸಾಹದಿಂದ ರಥವನ್ನು ಜೈ ಘೋಷಣೆಗಳ ಮೂಲಕ ಎಳೆಯುವುದು ವಿಶೇಷ. ದಿನಾಂಕ 2-4-2025ರಂದು ಧರ್ಮಲಿಂಗೇಶ್ವರ ಮೂರ್ತಿಗೆ ವಿಶೇಷ ಅಭಿಷೇಕಗಳ ಮೂಲಕ ಅಲಂಕರಿಸಿ ಎರಡನೆಯ ರಥೋತ್ಸವವನ್ನು ಪುರುಷರು ದೇವಸ್ಥಾನದ ಆವರಣದಿಂದ ಪಾದಕಟ್ಟಿಯವರೆಗೆ ಅದ್ದೂರಿಯಿಂದ ಎಳೆದರು ಬೀದಿ ಉದ್ದಕ್ಕೂ ನೆರೆದಿದ್ದ ಭಕ್ತರು ಉತ್ತತ್ತಿ,ಹೂ, ಜೈ ಘೋಷಣೆ ಮೂಲಕ ತಮ್ಮ ಭಕ್ತಿಯನ್ನು ಅರ್ಪಿಸಿದರು. ಜಾತ್ರೆಯಲ್ಲಿ ಹಗರಟಗಿ ಗ್ರಾಮದ ಸಕಲ ಭಕ್ತರಿಂದ ಹಾಗೂ ಗ್ರಾಮದ ಸುತ್ತಮುತ್ತಲಿನ ಜನರು ಭಾಗವಹಿಸಿದರು ಜಾತ್ರೆಯ ನೇತೃತ್ವವನ್ನು ದೇವಸ್ಥಾನದ ಸಮಿತಿಯವರು ಹಾಗೂ ಹಗರಟಗಿ ಗ್ರಾಮ ಪಂಚಾಯತ್ ಅಧಿಕಾರಿಗಳು ಹಾಗೂ ಸಿಬ್ಬಂದಿ ವರ್ಗದವರು ವಹಿಸಿಕೊಂಡಿದ್ದರು
ಎಡದಂಡೆ ಮತ್ತು ಬಲದಂಡೆಯ ಕಾಲುವೆಗಳಿಗೆ ನೀರು ಹರಿಸುವಂತೆ ಒತ್ತಾಯಿಸಿ ಪ್ರತಿಭಟನೆ
ಏಪ್ರಿಲ್ 01 ರಿಂದ 15ರವರೆಗೆ ನಾರಾಯಣಪುರ ಜಲಾಶಯದ ಎಡದಂಡೆ ಮತ್ತು ಬಲದಂಡೆಯ ಕಾಲುವೆಗಳಿಗೆ ನೀರು ಹರಿಸುವಂತೆ ಒತ್ತಾಯಿಸಿ ಇಂದು ಶಹಾಪುರ ತಾಲೂಕಿನ ಭೀಮರಾಯನಗುಡಿಯ ಮುಖ್ಯ ಇಂಜಿನಿಯರ್ ಕಛೇರಿಯ ಮುಂಬಾಗದಲ್ಲಿ ಬಿಜೆಪಿ ರಾಜ್ಯ ಉಪಾಧ್ಯಕ್ಷರು ಹಾಗೂ ಮಾಜಿ ಸಚಿವರಾದ ಸನ್ಮಾನ್ಯ ಶ್ರೀ ನರಸಿಂಹ ನಾಯಕ ರಾಜುಗೌಡ್ರು ಮತ್ತು ಶ್ರೀ ಅಮೀನರೆಡ್ಡಿ ಯಾಳಗಿ ಹಾಗೂ ರೈತಪರ ಸಂಘಟನೆ, ಎಲ್ಲಾ ಕನ್ನಡಪರ ಸಂಘಟನೆಗಳು ಹಾಗೂ ದಲಿತಪರ ಹೋರಾಟಗಾರರು ವಿವಿಧ ಸಂಘ ಸಂಸ್ಥೆಗಳು. ಶಹಾಪುರ ದಿಂದ ಕಲಬುರಗಿ ಹೊಗುವ ರಾಜ್ಯ ಹೆದ್ದಾರಿಯನ್ನು ಬಂದು ಮಾಡಿ ಪ್ರತಿಭಟನೆ ಮಾಡಿ ಅಧಿಕಾರಿಗಳಿಗೆ ಮನವಿ ಪತ್ರ ಸಲ್ಲಿಸಿದರು

ಈ ಸಂದರ್ಭದಲ್ಲಿ ಭಾರತೀಯ ಜನತಾ ಪಕ್ಷದ ಜಿಲ್ಲಾ ಅಧ್ಯಕ್ಷರಾದ ಬಸವರಾಜಪ್ಪಗೌಡ ವಿಭೂತಿಹಳ್ಳಿ ಹಾಗೂ ಮಾಜಿ ಜಿಲ್ಲಾ ಪಂಚಾಯತ ಅಧ್ಯಕ್ಷರಾದ ಶ್ರೀ ರಾಜಾ ಹನಮಪ್ಪ ನಾಯಕ, ನರಸಿಂಹ ಪಂಚಮಗಿರಿ, ಶರಣು ನಾಯಕ್ ಬೈರಿಮಡ್ಡಿ, ಈಶ್ವರ್ ನಾಯಕ್, ಮತ್ತು ಇತರ ಹಿರಿಯ ಮುಖಂಡರು ಹಾಗೂ ಗಣ್ಯರು ಉಪಸ್ಥಿತರಿದ್ದರು
ಎಡದಂಡೆ ಮತ್ತು ಬಲದಂಡೆ ಕಾಲುವೆಗೆ ನೀರು ಹರಿಸುವಂತೆ ಭೀಮರಾಯನ ಗುಡಿ ಶಹಪುರ್ದಲ್ಲಿ ಪ್ರತಿಭಟನೆ
ಸುರಪುರ /ಹುಣಸಗಿ ನಾರಾಯಣಪುರ ಜಲಾಶಯದ ಎಡದಂಡೆ ಮತ್ತು ಬಲದಂಡೆ ಕಾಲುವೆಗೆ ಏಪ್ರಿಲ್ ಒಂದರಿಂದ 15ನೇ ತಾರೀಕಿನವರೆಗೆ ನೀರು ಹರಿಸುವಂತೆ ಮಾಜಿ ಸಚಿವರಾಜುಗೌಡ ಹಾಗೂ ಅಮೀನ್ ರೆಡ್ಡಿ ಯಾಳಗಿ ಇವರ ನೇತೃತ್ವದಲ್ಲಿ 1-4-2025 ರಂದು ಭೀಮರಾಯನ ಗುಡಿ ಶಹಪುರ್ದಲ್ಲಿ ಪ್ರತಿಭಟನೆ ಮಾಡಲಾಗುವುದು ಎಂದು ತಿಳಿಸಿದರು
ರೈತರು ತಮ್ಮ ಜಮೀನುಗಳಲ್ಲಿ ಬೆಳೆದಿರುವ ಬೆಳೆಗಳಿಗೆ ನೀರು ಇಲ್ಲದೆ ವಣಗಿ ಹೋಗುತ್ತಿದ್ದು 15ನೆಯ ತಾರೀಖಿನವರೆಗೆ ನೀರು ಬಿಟ್ಟರೆ ಎಲ್ಲಾ ರೈತರು ತಮ್ಮ ಜಮೀನಿನಲ್ಲಿ ಬೆಳೆದ ಬೆಳೆಗಳನ್ನು ಬೆಳೆದುಕೊಳ್ಳಲು ಅನುಕೂಲವಾಗುತ್ತದೆ. ಈಗಾಗಲೇ ತಾಲೂಕಿನಲ್ಲಿ ರೈತರು ಆತ್ಮಹತ್ಯೆಗಳು ಮಾಡಿಕೊಳ್ಳುತ್ತಿದ್ದು ಸರ್ಕಾರ ರೈತರ ಕಷ್ಟಕ್ಕೆ ಸ್ಪಂದನೆ ನೀಡುತ್ತಿಲ್ಲ. ಆದ್ದರಿಂದ ಶಹಪುರ್ ಭೀಮರಾಯನ ಗುಡಿ ಮುಖ್ಯ ಇಂಜಿನಿಯರ್ ಅವರ ಕಚೇರಿಗೆ ಮುತ್ತಿಗೆ ಹಾಕಲಾಗುವುದು ಈ ಪ್ರತಿಭಟನೆಯಲ್ಲಿ ಎಲ್ಲಾ ಕನ್ನಡಪರ ಸಂಘಟನೆಗಳು, ರೈತಪರ ಸಂಘಟನೆಗಳು, ದಲಿತ ಪರ ಸಂಘಟನೆಗಳು, ರೈತಪರ ಚಿಂತಕರು, ರೈತ ಬಾಂಧವರು ಈ ಪ್ರತಿಭಟನೆಯಲ್ಲಿ ಭಾಗವಹಿಸಿ ಯಶಸ್ವಿ ಗೊಳಿಸಬೇಕು ಎಂದು ತಿಳಿಸಿದರು
ಸಿದ್ದರಾಮ ಎಂ ಬೇವಿನಮಟ್ಟಿ
ಮೂರ್ಖಾರಾಗುವ ಹೊತ್ತು
ಏಪ್ರಿಲ್-1 ಬಂತೆಂದರೆ ಸಾಕು ಮನಸ್ಸಿನಲ್ಲಿ ಅದೇನೋ ಪುಳಕ ಕಚಗುಳಿ ಇಟ್ಟ ಅನುಭವ. ʻʻಅನುಭವವು ಸವಿಯಲ್ಲ ಅದರ ನೆನಪೆ ಸವಿʼʼ ಎಂಬ ಕವಿವಾಣಿ ಬಿಸಿಲ್ಗುದುರೆಯಂತೆ ಮನದಲ್ಲಿ ಮೂಡಿ ಮಾಯವಾದಾಗ ನೆನಪುಗಳು ಕಣ್ಣಮುಂದೆ ಬಂದು ತುಟಿಯಲ್ಲಿ ತೆಳುವಾದ ನಗುವಿನೊಂದಿಗೆ ಮೂಡಿ ಮಾಯವಾಗುವುದು. ಏಪ್ರಿಲ್ 1 ಎಂದರೆ ಸಾಮಾನ್ಯವಾಗಿ ಮೂರ್ಖರ ದಿನ ಎಂದೆ ಪ್ರಸಿದ್ಧಿ. ಈ ದಿನವನ್ನು ಮೊದಲು ಯಾವಾಗ ಆಚರಣೆ ಮಾಡಲಾಯಿತು ಎನ್ನುವುದು ಇನ್ನು ನಿಗೂಢವಾಗಿ ಉಳಿದಿದೆ. ಇತಿಹಾಸಕಾರರು ಇದು 1582ರ ಹಿಂದೆಯೆ ಶುರುವಾಗಿತ್ತು ಎನ್ನುತ್ತಾರೆ. ಇದು ಮೊದಲು ಹುಟ್ಟಿದ್ದು ಫ್ರಾನ್ಸ್ ದೇಶದಲ್ಲಿ ಬಳಿಕ ಯುರೋಪ್ ದೇಶಗಳಲ್ಲೂ ಆಚರಣೆಗೆ ಬಂತು. ನಂತರ ಹಲವು ದೇಶಗಳಿಗೆ ವ್ಯಾಪಿಸಿತು. ಏನೇ ಆಗಲಿ ಏಪ್ರಿಲ್ ಫಸ್ಟ್ ಎನ್ನುವುದು ಒಂದು ರೀತಿಯ ಮಜಾ ತೆಗೆದುಕೊಳ್ಳುವ ದಿನ. ನಮ್ಮ ಪ್ರೀತಿ ಪಾತ್ರರಲ್ಲಿ ಯಾರನ್ನಾದರೂ ಫೂಲ್ ಮಾಡದೆ ಇದ್ದರೆ ಆ ದಿನ ಸಮಾಧಾನ ಆಗುತ್ತಿರಲಿಲ್ಲ. ಹಾಗಾಗಿ ಈ ದಿನಕ್ಕಾಗಿ ಮಾರ್ಚ್ 30 ಮತ್ತು 31 ರಂದೆ ತಯಾರಿ ಯಾರಿಗೆ ಹೇಗೆ ಫೂಲ್ ಮಾಡುವುದು? ಎಂದು. ವಯಸ್ಸಿಗೆ ತಕ್ಕಂತೆ ಉಪಾಯಗಳು ನಮ್ಮ ಬುದ್ಧಿಮತ್ತೆಗೆ ಸೀಮಿತವಾಗಿತ್ತು. ಕಾಲಲ್ಲಿ ರಕ್ತ ಬರ್ತಾ ಇದೆ, ನಿನ್ನ ಬಟ್ಟೆ ಅರಿದಿದೆ, ತಲೆಯಲ್ಲಿ ಕಾಗೆ ಹಿಕ್ಕೆ ಹಾಕಿದೆ, ಪ್ಲಾಸ್ಟಿಕ್ ಹಾವು ತೋರಿಸುವುದು, ಸತ್ತ ಜಿರಳೆ ಬಿಸಾಡುವುದು, ಸಿಹಿ ತಿಂಡಿಗೆ ಉಪ್ಪು ಮಿಕ್ಸ್ ಮಾಡುವುದು, ಜೂಸ್ ತಯಾರಿಸುವಾಗ ಉಪ್ಪು ಬೆರೆಸುವುದು. ಹೀಗೆ ಒಂದಲ್ಲ ಒಂದು ಉಪಾಯಗಳು ಕಣ್ಣೆದುರು ಬಂದು ಅದನ್ನು ಪ್ರಯೋಗಿಸಲು ತವಕಿಸುತ್ತಿದ್ದೆವು.
ಒಮ್ಮೊಮ್ಮೆ ಫೂಲ್ ಮಾಡಲು ಹೋಗಿ ನಾವೇ ಫೂಲ್ ಆಗುವುದಿದೆ. ನಾನು ಶಿಕ್ಷಕಿಯಾಗಿ ಕಾರ್ಯ ನಿರ್ವಹಿಸುತ್ತದ್ದ ಸಂದರ್ಭದಲ್ಲಿ ಒಮ್ಮೆ ನಾನು ಚಹಾಕ್ಕೆ ಆರ್ಡರ್ ಮಾಡಿದ್ದೆ. ಮಾಣಿ ಚಹಾವನ್ನು ಮೇಜಿನ ಮೇಲೆ ಇಟ್ಟು ಹೋಗಿದ್ದ. ನಾಲ್ವರು ಟೀಚರ್ಸ್ ಅವರ ತರಗತಿ ಮುಗಿಸಿ ಬಂದರು. ನಾನು ಚಹಾಕ್ಕೆ ಸ್ವಲ್ಪ ಉಪ್ಪು ಬೆರೆಸಿ ಕುಡಿಯಲು ಕೊಟ್ಟೆ . ಆದರೆ ಚಹ ಕುಡಿದವರ ಬಾಯಿಂದ ಯಾವ ಮಾತು ಬರಲಿಲ್ಲ. ಆಶ್ಚರ್ಯವಾಗಿ ಕೇಳಿದೆ ಚಹಾ ಹೇಗಿದೆ ?"ಅಷ್ಟು ಟೇಸ್ಟ್ ಇಲ್ಲ ಅಂತ ಹೇಳಿದ್ರು" ನನಗೆ ಒಳಗೊಳಗೆ ನಗು. ನನ್ನ ಮೋರೆ ನೋಡಿ ಸಂಶಯದಿಂದ ದಿಟ್ಟಿಸಿದರು ಆದರೆ ಯಾರು ಪ್ರಶ್ನಿಸಲಿಲ್ಲ. ಅವರ ಮೌನ ನನಗೆ ನುಂಗಲಾಗದ ತುತ್ತಾಯಿತು. ಕೊನೆಗೆ ನಾನೆ ಹೇಳಿದೆ, ಸುದೈವ ಸಿಟ್ಟಾಗಲಿಲ್ಲ ಬದಲಿಗೆ ಅವರು ನಗುತ್ತ ಇಲ್ಲಿ ʻʻನೀವೇ ಫೂಲ್ ಆದ್ರಿʼʼ ಎಂದಾಗ ಮುಜುಗರವಾಯಿತು..
ಜನಪದರ ಬದುಕನ್ನು ಗಮನಿಸಿದರೆ ಎಪ್ರಿಲ್ 1 ಮಾತ್ರ ಮೂರ್ಖರ ದಿನ ಆಗಿರದೆ, ಸಂದರ್ಭ ಸಿಕ್ಕಾಗಲೆಲ್ಲಾ ಅತ್ತಿಗೆ – ಮೈದುನರ , ಬಾವ ನಾದಿನಿಯರ ಮಧ್ಯೆ ಕಾಲೆಳೆಯುವಿಕೆ ನಡೆಯುತ್ತಿತ್ತು.. ಹಿಂದೆಲ್ಲ ಮದುವೆಗಳಲ್ಲಿ ಮದುಮಗಳನ್ನು ಅಡಗಿಸುವುದು, ʻಕುರುಂಟುʼ ತಪ್ಪಿಸಿಕೊಳ್ಳದಂತೆ ಎಚ್ಚರವಹಿಸುವುದು, ಮದುಮಗನಿಗೆ ಮೂಂಡಿಗೆಡ್ಡೆಯನ್ನು ಬೊಂಡದಂತೆ ಕೆತ್ತಿ ಕುಡಿಯಲು ಕೊಡುವುದು, ಹೆಂಗಸರು ವಿಶೇಷವಾಗಿ ತಯಾರಿಸಿದ ಚಟ್ನಿಯ ಹೆಸರು ಹೇಳುವಂತೆ ಮದುಮಗನನ್ನು ಸತಾಯಿಸುವುದು, ಮೊದಲಾದವುಗಳು ಮೂರ್ಖರನ್ನಾಗಿಸುವುದರ ಜೊತೆ ನಗುವಿನ ಅಲೆಯನ್ನು ಮೂಡಿಸುತ್ತಿತ್ತು. ಹಾಗೆಯೆ ಮಾವಿನ ಹಣ್ಣಿನ ಕಾಲದಲ್ಲಿ ಹಣ್ಣಿನ ರಸವನ್ನು ಚೆನ್ನಾಗಿ ಸವಿದು ಗೊರಟು ಬಿಸಾಡುವ ಮೊದಲು ನಮ್ಮ ಅಕ್ಕ ಪಕ್ಕದ ಮಕ್ಕಳು ಹಿರಿಯರು ಕಿರಿಯರು ಎನ್ನದೆ ಅವರನ್ನು ಕರೆದು ʻಕೊರಂಟುʼ ಎಂದು ಲೇವಡಿ ಮಾಡುತ್ತಾ ಅವರನ್ನು ಮೂರ್ಖರಾಗಿಸಿ ನಗುತ್ತಾ ಬಿಸಾಡುತ್ತಿದ್ದ; ಆ ನೆನಪು ಇಂದಿಗೂ ಅಚ್ಚಳಿಯದೆ ಮನಃ ಪಟಲದಲ್ಲಿ ಸ್ಥಾಯಿಯಾಗಿದೆ. ಇದರ ಸಂತಸವು ಕೂಡ ಅನನ್ಯವಾದದ್ದು. ಮನುಷ್ಯರು ಮಾತ್ರ ಮೂರ್ಖರನ್ನಾಗಿಸುವುದಲ್ಲ. ಪ್ರಕೃತಿಯಲ್ಲಿ ಜೀವಿಗಳಲ್ಲಿಯೂ ಅದನ್ನು ಕಾಣಬಹುದು. ಭಕ್ಷಕ ಪ್ರಾಣಿಗಳಿಂದ ತಪ್ಪಿಸಿಕೊಳ್ಳಲು ಅನೇಕ ಜೀವಿಗಳು ಪರಿಸರದ ಬಣ್ಣವನ್ನೆ ಹೋಲುವ ಬಣ್ಣವನ್ನು, ರೂಪವನ್ನು ಹೊಂದಿಸಿಕೊಂಡು ತಮ್ಮನ್ನು ತಾವು ರಕ್ಷಿಸಿಕೊಳ್ಳುತ್ತವೆ. ಅಕ್ಟೋಪಸ್ಗಿಂತ ಉತ್ತಮ ಉದಾಹರಣೆ ಬೇರೊಂದಿಲ್ಲ. ಬಲಿಪ್ರಾಣಿಗಾಗಿ ಕಾಯುವ ಮೊಸಳೆಗಳು ನದಿ ತೀರದಲ್ಲಿ ಮೌನವಾಗಿ ಸಜ್ಜನರಂತೆ ವರ್ತಿಸಿ, ಸಮಯ ಸಂದರ್ಭ ನೋಡಿ ಪ್ರಾಣಿಗಳ ಮೇಲೆ ಆಕ್ರಮಣ ನಡೆಸುವ ಪರಿ ಒಂದರ್ಥದಲ್ಲಿ ಮೂರ್ಖರಾಗಿಸುವ ಪ್ರಯತ್ನ ಹೌದಲ್ಲವೇ ? ಪ್ರಕೃತಿಯಲ್ಲಿ ಇದೆಲ್ಲ ಸಹಜ ಹಾಗೂ ಸಾಧುವೂ ಹೌದು.
ಆಧುನಿಕ ಜಗತ್ತಿನಲ್ಲಿ ವಿದ್ಯಾವಂತ ಜನರನ್ನು ಮೂರ್ಖರಾಗಿಸುವುದು ನಿರಂತರವಾಗಿ ಕಾಣುತ್ತೇವೆ. ದಿನ ಬೆಳಗಾದರೆ ಪತ್ರಿಕೆಯ ಮುಖಪುಟದಲ್ಲಿ ಅ ʻಸ್ಕೀಮುಗಳುʼ ಈ ʻಸ್ಕೀಮುಗಳುʼ ವಂಚಿಸಿವೆ ಎಂದು ಬರೆದರೆ ಅದರ ಮುಂದಿನ ಪುಟದಲ್ಲಿ ಒಂದು ರುಪಾಯಿ ನೀಡಿ ವಾಷಿಂಗ್ಮೆಶಿನ್, ಟಿವಿ ಮನೆಗೆ ಕೊಂಡುಹೋಗಿ ಎಂಬ ಜಾಹಿರಾತುಗಳು, ಜನರನ್ನು ಮೊದಲ ಪುಟದ ʻಎಚ್ಚರಿಕೆಯನ್ನುʼ ಕಡಿಮೆ ಬೆಲೆಗೆ ಸಿಗುವ ವಸ್ತುಗಳು ಮರೆಸುತ್ತವೆ. ಆಧುನಿಕ ಬದುಕಿನ ವಿಶ್ವಕೋಶದಂತೆ ಬಿಂಬಿಸಲ್ಪಡುವ ವಾಟ್ಸಪ್ ಫೇಸ್ಬುಕ್ ಜನರನ್ನು ವಂಚಿಸುವ ಪರಿ ಹೇಳತೀರದು. ತಮ್ಮ ಅಭಿರುಚಿಗೆ ತಕ್ಕಂತೆ ಮಾಹಿತಿಯನ್ನು ತಿರುಚಿ ಸಂಪೂರ್ಣ ಸತ್ಯವೆಂಬಂತೆ ಬಿಂಬಿಸುತ್ತಾರೆ. ಇಷ್ಟಕ್ಕೇ ನಿಂತರೆ ಪರವಾಗಿಲ್ಲಬಿಡಿ, ಫೆಸ್ಬುಕ್ ಗಳಲ್ಲಿ ಪರಿಚಯ ಮಾಡಿಕೊಂಡು ಅವರ ಅಭಿರುಚಿಗೆ ತಕ್ಕಂತೆ ಮೆಸ್ಸೆಜ್ ಫಾರ್ವರ್ಡ ಮಾಡಿ ದಾರಿತಪ್ಪಿಸುವುದು, ಹಾಗೂ ಸುಲಭದ ಮಿಕಗಳನ್ನು ಬಲೆಗೆ ಬೀಳಿಸುವ ವ್ಯಕ್ತಿಗಳಿಗೇನು ಕೊರತೆ ಇಲ್ಲ . ಇಂತಹಾ ವಂಚನೆಗಳಿಗೆ ಒಳಗಾಗಿ ಸಂಸಾರ ಹಾಳುಮಾಡಿಕೊಂಡವರೇನು ಕಮ್ಮಿಯಿಲ್ಲ. ಇಂಥವರು ಕೇವಲ ಕಲಹಮಾತ್ರ ತಂದೊಡ್ಡುವುವರಲ್ಲ, ಸಾವಿನ ತುದಿ ತಲುಪಿಸುವವರು ಇದ್ದಾರೆ.
ದೇವರ ಹೆಸರಲ್ಲಿ ನಮ್ಮನ್ನು ಯಾಮಾರಿಸುವವರು ತುಂಬಾ ಜನ ಇರುತ್ತಾರೆ. ಅಗತ್ಯ ಇದೆಯೋ ಇಲ್ಲವೊ ದೇವರಿಗೆ ಪೂಜೆ ಹೋಮ ಹವನ ಮಾಡಿಸುವಂತೆ ನಾನಾ ತಂತ್ರಗಳನ್ನು ಹೆಣೆಯುವ ಜ್ಯೋತೀಷಿಗಳು, ದಿನ ಬೆಳಗಾದರೆ ದೂರದರ್ಶನದಲ್ಲಿ ನಮ್ಮನ್ನು ಮೂರ್ಖರಾಗಿಸಲು ಬಲೆ ಹೆಣೆದು ಕಾಯುತ್ತಿರುವುದು; ಇದೆಲ್ಲವೂ ನಮ್ಮ ಕಣ್ಣಿಗೆ ಕಾಣದೇ ಇರುವುದು ಮೂರ್ಖತನಕ್ಕೆ ಸಾಕ್ಷಿಯಾಗಿದೆ. ಹಬ್ಬ- ಹರಿದಿನ, ಹೊಸವರ್ಷ, ರಾಷ್ಟ್ರೀಯ ಹಬ್ಬಗಳ ಆಚರಣೆಯ ದಿನಗಳಲ್ಲಿ ಆಫರ್ ಗಳು ಎಲ್ಲೆಲ್ಲೂ ತಲೆಯೆತ್ತಿರುತ್ತವೆ. ರಿಯಾಯಿತಿ ದರದಲ್ಲಿ ಸಿಗುವ ಉಡುಪುಗಳು ಹಾಗೂ ವಸ್ತುಗಳು ಜನರನ್ನು ಆಕರ್ಷಿಸುತ್ತವೆ. ಮಾಲೀಕರು ಯಾವುದೇ ಲಾಭವಿಲ್ಲದೆ ಗ್ರಾಹಕರಿಗೆ ರಿಯಾಯಿತಿ ಬೆಲೆಗೆ ಕೊಡುವುದಿಲ್ಲ ಎಂಬುದು ಗೊತ್ತಿದ್ದರೂ, ಸುಶಿಕ್ಷಿತ ವರ್ಗ ಅದರ ಹಿಂದೆ ಓಡುವುದು ನೋಡಿದರೆ ಮೂರ್ಖರು ಯಾರು ಎಂಬುದೇ ಗೊತ್ತಾಗುವುದಿಲ್ಲ. 50 ರೂಪಾಯಿಗೆ ಒಂದು ಉತ್ತಮ ಕರವಸ್ತ್ರ ಸಿಗದ ಕಾಲದಲ್ಲಿ l00 ರೂಪಾಯಿಗೆ ಉತ್ತಮ ಗುಣಮಟ್ಟದ ಎರಡು ಸೀರೆ ಸಿಗುವುದು ಹೇಗೆ ಸಾಧ್ಯ ? ಇಷ್ಟಕ್ಕೆ ಸುಮ್ಮನಾದರೆ ಹೋಗಲಿ ಅದನ್ನು ಧರಿಸಿ ಬಂದವರು ಆತ್ಮೀಯರೊಂದಿಗೆ ಇದು 50 ರೂಪಾಯಿಯ ಸೀರೆ ಎಂದು ಟಾಂಟಾಂ ಹೊಡೆಯುವುದು. ಹೌದಾ ! 50 ರೂಪಾಯಿಯ ಸೀರೆಯಾ ? ಗೊತ್ತಗುವುದೇ ಇಲ್ಲ ಎಂದು ಹೇಳಿ ಮುಸಿ ಮುಸಿ ನಗುತ್ತಾ ಮತ್ತೊಮ್ಮೆ ಅವರನ್ನು ಮೂರ್ಖರಾಗಿಸುವವರಿದ್ದಾರೆ. ಇನ್ನು ಸೆಲ್ಫಿಗಳ ವಿಚಾರಕ್ಕೆ ಬಂದರೆ ಇನ್ನಷ್ಟೂ ನಗು ತರಿಸುತ್ತದೆ. ಕ್ಯಾಮರವನ್ನು ಬ್ಯೂಟಿ ಮೋಡ್ ಗೆ ಹಾಕಿ ಪೊಟೋ ತೆಗೆದು ಸ್ಟೇಟಸ್ ಹಾಕಿ ನಾನು ತುಂಬಾ ಚಂದ ಇದ್ದೇನೆ ಎಂದು ಬೀಗುವವರ ಸಂಖ್ಯೆಗೇನು ಕಮ್ಮಿ ಇಲ್ಲ. ಕೆಲವೊಮ್ಮೆ ಹುಡುಗಿ ನೋಡುವ ಸಂದರ್ಭದಲ್ಲಿ ಏನಾದರೂ ಸೆಲ್ಫಿ ನೋಡಿ ಹೋದರೆ ಅಂತವರ ದೇವರೆ ರಕ್ಷಿಸಬೇಕು. ಕೆಲವೊಮ್ಮೆ ನಾವು ತೆಗೆದ ಛಾಯಾಚಿತ್ರ ನಾವು ಇದ್ದಂತೆ ಬಂದರೆ ಕ್ಯಾಮರ ಚೆನ್ನಾಗಿಲ್ಲ ಎಂದು ದೂರುವುದು ಇದೆ. ಒಟ್ಟಿನಲ್ಲಿ ಮುಖದಲ್ಲಿದ್ದ ನೆರಿಗೆ ಕಾಣದೆ ವರ್ಣ ಬೆಳ್ಳಗಿದ್ದರೆ ಏನೋ ನೆಮ್ಮದಿ.

ನಮ್ಮನ್ನು ದೊಡ್ಡ ಮೂರ್ಖರಾಗಿಸುವುದು ಕನ್ನಡಿ, ತಲೆ ಕೂದಲು,ಗಡ್ಡ ಮೀಸೆ ಬಿಳಿಯಾದರೆ ಅದನ್ನು ತೋರಿಸುವುದೇ ಕನ್ನಡಿ ಮರುಕ್ಷಣದಲ್ಲಿ ಕಪ್ಪು ಬಣ್ಣದ ಲೇಪ ಅದನ್ನು ಹಾಕಿದ ಕೂಡಲೇ ಒಂದತ್ತು ವರ್ಷ ಕಡಿಮೆಯಾಯಿತು ಅಂತ ಕನ್ನಡಿ ನೋಡಿದ ಮನಸ್ಸು ಪಿಸುಗುಟ್ಟುತ್ತದೆ. ನಾವು ಬಹಳ ಉತ್ಸಾಹಿಗಳಾಗುತ್ತೇವೆ. ಇದು ಒಂದು ರೀತಿಯ ಆರೋಗ್ಯಕರವಾದ ಮೂರ್ಖತನ ಎಂದು ಹೇಳಿದರು ತಪ್ಪಾಗದು.”ದೇಹಕ್ಕೆ ವಯಸ್ಸು ಮನಸಿಗಲ್ಲ, ತಿದ್ದಿ ತೀಡಲು ಕನ್ನಡಿ ಎದುರಿದ್ದರೆ ಸಾಕು, ಮುಪ್ಪು ನೀ ಓಡುವೆ ” ಎಂದು ಮನ ಗುನುಗಿತು. ಇತ್ತೀಚೆಗೆ ನಡೆದ ಒಂದು ಘಟನೆ ನೆನಪಾಯಿತು.. ಮಧ್ಯಮ ವಯಸ್ಸಿನ ಕೆಲವರು ಮದುವೆಯ ಕಾರ್ಯಕ್ರಮದಲ್ಲಿ ಜೊತೆಯಾಗಿ ಕುಳಿತ್ತಿದ್ದರು. ಅವರಲ್ಲಿ ಕೆಲವರು ಡೈ ಮಾಡಿ ಯುವಕರಂತೆ ಕಾಣುತ್ತಿದ್ದರು. ಇವರ ನಡುವೆ ಅವರದೆ ವಯಸ್ಸಿನ ವ್ಯಕ್ತಿಯೊಬ್ಬರು ಯಾವುದೇ ಕೃತಕ ಬಣ್ಣ ತಲೆ ಕೂದಲಿಗೆ ಹಚ್ಚದೆ ಕುಳಿತ್ತಿದ್ದರು. ಮದುಮಗಳು ಇವರೆಲ್ಲರ ಮಧ್ಯೆ ಬಂದು ಅವರ ಕಾಲಿಗೆ ನಮಸ್ಕರಿಸಿ ಹೋದಳು. ಇದನ್ನು ಕಂಡು ಎಲ್ಲರೂ ಮುಸಿಮುಸಿ ನಕ್ಕರು..
ಇದೆ ರೀತಿ ಘಟನೆ ನನ್ನ ಬದುಕಿನಲ್ಲಿಯೂ ಆಗಿದೆ ಬಸ್ ಸ್ಟಾಪ್ ನಲ್ಲಿ ನಾನು ತಂಗಿ ಮತ್ತು ಮಾವನ ಮಗಳು ಬಸ್ ಗಾಗಿ ಕಾಯುತ್ತಿದ್ದೆವು. ಅನತಿ ದೂರದಲ್ಲಿ ಡಾಮರ್ ರಸ್ತೆ, ಬೈಕ್ ನಲ್ಲಿ ಹೋಗುತ್ತಿದ್ದವರು ಬಸ್ ಸ್ಟಾಪ್ ಅತ್ತ ಕಣ್ಣು ಹಾಯಿಸಿದರು. ನೋಡಿದರೆ ನನಗೆ ತೀರಾ ಪರಿಚಯದ ಅಣ್ಣ ಕೂಡಲೆ ಕೈ ಬೀಸಿದೆ ಥಟ್ಟನೆ ಬೈಕ್ ನಿಂತಿತು, ನಡುರಸ್ತೆಯಲ್ಲಿಯೆ ಹೇಗಿದ್ದೀರ ಅಣ್ಣ? ದೊಡ್ಡಮ್ಮ,ಅತ್ತಿಗೆ, ಮಕ್ಕಳು ಹೇಗಿದ್ದಾರೆ ? ಹೀಗೆ ಒಂದೆರೆಡು ಮಾತನ್ನು ಆಡಿದೆ ಎಲ್ಲಾದಕ್ಕೂ ಉತ್ತರಿಸಿದರು. ನಂತರ ನಾನು ಬಸ್ ಸ್ಟಾಪ್ ಗೆ ಹೋದೆ ಮಾವನ ಮಗಳು ಕೇಳಿದಳು “ಅತ್ತಿಗೆ ಅವರು ಯಾರು ಗೊತ್ತಾ?” ಗೊತ್ತು, ನಾನು ಊಟಕ್ಕಿದ್ದ ಮನೆಯ ಅಣ್ಣ ಎಂದೇ ಅವಳು ಬಿದ್ದು ಬಿದ್ದು ನಕ್ಕಳು “ಅವರು ನಮ್ಮ ಊರಿನ ಪಕ್ಕದವರು ಎಂದಾಗ ನನಗಂತೂ ಆ ದಿನ ತುಂಬಾ ನಾಚಿಕೆಯಾಯಿತು”.
ಅನೇಕ ಜಾಹಿರಾತುದಾರರು ನಮ್ಮನ್ನು ದಾರಿ ತಪ್ಪಿಸುವ ಪರಿ ವಿಪರೀತ. ಬುದ್ದಿವಂತನಾಗಲು, ಉದ್ದವಾಗಲು, ಬಿಳಿಯಾಗಲು ಅದನ್ನು ಬಳಸಿ ಇದನ್ನು ಬಳಸಿ ಎಂದು ನಮ್ಮನ್ನು ಪ್ರಚೋದಿಸುವ ಸೆಲೆಬ್ರೆಟಿಗಳಿಗೆ ಏನೂ ಕಮ್ಮಿ ಇಲ್ಲ. ಪ್ರತಿ ತಂದೆ ತಾಯಿಗು ತಮ್ಮ ಮಕ್ಕಳು ಉದ್ದವಾಗಬೇಕು ಬುದ್ದಿವಂತರಾಗಬೇಕು ಎಂಬ ಆಸೆ ಇದ್ದೇ ಇರುತ್ತದೆ. ಹಾಗಾಗಿ ಎಳವೆಯಲ್ಲಿ ಅಂತಹಾ ಸಂಸ್ಕರಿಸಿದ ಆಹಾರಗಳನ್ನು ಮನೆಗೆ ತಂದು; ಮಕ್ಕಳಿಗೆ ಇಷ್ಟವಿಲ್ಲದಿದ್ದರೂ ಒತ್ತಾಯಪೂರ್ವಕವಾಗಿ ಕೊಟ್ಟು, ನಿರೀಕ್ಷೆ ಈಡೇರಲಿಲ್ಲ ಎಂದು ಕೊರಗುವವರ ಸಂಖ್ಯೆಗೇನು ಕೊರತೆಇಲ್ಲ. ಈ ಜಾಹೀರಾತುಗಳು ನಮ್ಮನ್ನು ಮೂರ್ಖರಾಗಿಸುತ್ತಿದೆ ಎಂದು ನಾವೇ ಅರ್ಥ ಮಾಡಿಕೊಳ್ಳಬೇಕು. ಮೈ ಉಜ್ಜುವ ಸಾಬೂನು, ಮುಖಕ್ಕೆ ಹಚ್ಚುವ ಕ್ರೀಮ್ ಬಿಳಿವರ್ಣ ತರುತ್ತದೆ. ಎಂದು ಆಧುನಿಕತೆಗೆ ಮೊರೆಹೋಗಿ ಹಠಮಾಡಿಕೊಂಡು ಕೊಳ್ಳುವವರು ಹಲವಾರು ಜನರಿದ್ದಾರೆ. ಅದನ್ನು ಲೇಪಿಸಿದಾಗ ಏನೋ ಹೊಳಪು ಕಂಡತೆ ಭಾಸವಾದರೂ ಬೆವರು ಹರಿದಾಗ ನಮ್ಮ ನೈಜ ಬಣ್ಣ ಮಾತ್ರ ಕದಲದೆ ಇರುವುದು ಗಮನಿಸಬಹುದು. ಬದುಕಿನ ಭಯವನ್ನೆ ಬಂಡವಾಳವಾಗಿಸಿಕೊಂಡ ಕೆಲವೊಂದು ಇನ್ಶುರೆನ್ಸ್ ಕಂಪನಿಗಳು ಜನರ ರಕ್ಷಣೆಗಾಗಿ ಹುಟ್ಟಿಬಂದ ಸಂಸ್ಥೆಗಳು ಎಂಬ ರೀತಿಯಲ್ಲಿ ಬಿಂಬಿಸಿ, ಮುಂದಿನ ಕೆಲವೇ ದಿನಗಳಲ್ಲಿ ಯಮ ನಮ್ಮ ಮುಂದೆ ಪ್ರತ್ಯಕ್ಷನಾಗುತ್ತಾನೆ ಎಂದು ಭ್ರಮೆಗೊಳಗಾಗುವಂತೆ ಮಾಡುವುದೂ ಇದೆ. ಇಷ್ಟಕ್ಕೇ ಸುಮ್ಮನಿದ್ದರೆ ಸರಿ ಅದನ್ನೂ ಮೀರಿ ದಿನಕ್ಕೆ ಕೇವಲ ಕೆಲವು ರೂಪಾಯಿ ಕಟ್ಟಿ ಕೋಟಿ ಕೋಟಿ ಸಂಪಾದಿಸಿ ಎಂದು ನಮ್ಮನ್ನು ಕೋಟ್ಯಾಧೀಶ್ವರರನ್ನಾಗಿಸುವವರು ಇದ್ದಾರೆ.
ಕೆಲವೊಮ್ಮೆ ಸಭೆ ಸಮಾರಂಭಗಳಲ್ಲಿ ಭಾಷಣ ಮಾಡುವಾಗ ನಮ್ಮ ಮಾತುಗಳನ್ನು ಆಲಿಸದಿದ್ದರು, ಸುಮ್ಮನೆ ಚಪ್ಪಾಳೆ ತಟ್ಟುವುದು ಇದರಿಂದ ಭಾಷಣಕಾರರು ಹಿಗ್ಗುವುದು. ಮೈಕ್ ನಲ್ಲಿ ಚಪ್ಪಾಳೆ ತಟ್ಟಿ ಎಂದು ಹೇಳಿ ಹೇಳಿ ಚಪ್ಪಾಳೆ ಗಿಟ್ಟಿಸಿಕೊಳ್ಳುವುದು. ಇದೆಲ್ಲವೂ ಬುದ್ಧಿವಂತರನ್ನು ಮೂರ್ಖರಾಗಿಸುವ ಪರಿ. ಇನ್ನು ಮುಖ್ಯವಾದ ಸಂಗತಿ ಎಂದರೆ ಗಂಡ ಹೆಂಡತಿಯರ ನಡುವಿನ ಪ್ರಸಂಗ. ಹೆಚ್ಚಾಗಿ ಗಂಡಸರು ಹೆಂಡತಿಯನ್ನು ಹೊಗಳಿ ತಮ್ಮೆಲ್ಲಾ ಕೆಲಸವನ್ನು ಮಾಡಿಸಿಕೊಳ್ಳುವವರು ಇದ್ದಾರೆ .. ಇದರಿಂದ ಹೆಂಡತಿ ಸಂಭ್ರಮ ಪಡುತ್ತಾ ಅಂದಿನ ದಿನವನ್ನು ಬಹಳ ಸಂತಸದಿಂದ ಕಳೆಯುತ್ತ, ಇನ್ನಷ್ಟು ಕೆಲಸ ಕಾರ್ಯಗಳಲ್ಲಿ ತೊಡಗಿಸಿಕೊಳ್ಳುತ್ತಾಳೆ. ತನ್ನನ್ನು ಬಕ್ರ ಮಾಡುತ್ತಿದ್ದಾರೆ ಎನ್ನುವ ಅರಿವಿದ್ದರು; ಸಣ್ಣದಾದ ಸಂತಸದ ಅಲೆ ಅವಳ ಮನವ ಸಾವರಿಸಿಕೊಂಡು ಹೋಗುವುದರಲ್ಲಿ ಸಂಶಯವಿಲ್ಲ. ಇದರೆಡೆಯಲ್ಲಿ ಮಕ್ಕಳು ದೊಡ್ಡವರಾದಂತೆ ನಮ್ಮನ್ನು ಮೂರ್ಖರಾಗಿಸುವುದು ಸಹಜ ಅವರು ಏನೇ ಹೇಳಿದರು ನಾವು ನಂಬುತ್ತೇವೆ. ಮಕ್ಕಳು ಏನೋ ಸಾಧಿಸಿ ಅಪ್ಪ ಅಮ್ಮನವರನ್ನು ಫೂಲ್ ಮಾಡಿದೆವು ಎಂದು ಬೀಗುತ್ತಾರೆ. ಹೀಗೆ ಮೂರ್ಖರಾಗಿಸುವ ಜನರು ನಮ್ಮ ಸುತ್ತಮುತ್ತಲಿನಲ್ಲಿಯೆ ಇರುತ್ತಾರೆ. ಸಮಾಜದಲ್ಲಿ ಬದುಕುವ ನಾವೆಲ್ಲರೂ ಒಂದಲ್ಲೊಂದು ರೀತಿಯಲ್ಲಿ ಮೂರ್ಖರಾಗುತ್ತಾ ಮೂರ್ಖರಾಗಿಸುತ್ತ.. ಸಜ್ಜನರಂತೆ ವರ್ತಿಸುತ್ತೇವೆ. ಇದೆಲ್ಲದರ ನಡುವೆ ಎಪ್ರಿಲ್ 1 ರ ಮೂರ್ಖರ ದಿನದಂದು ಮೂರ್ಖರಾದರೂ ಚಿಂತೆ ಇಲ್ಲ ಆದರೆ ಜೀವನದಲ್ಲಿ ಎಂದೂ ಮೂರ್ಖರಾಗದಿರಿ ಎಂಬುದು ನನ್ನ ಆಶಯ.
✍🏻ವಿಮಲಾರುಣ ಪಡ್ಡoಬೈಲು,ಅಜ್ಜಾವರ,ಸುಳ್ಯ
“ಕೋರವಾರ ಮುಖ್ಯಪ್ರಾಣ ದೇವರ ಜಾತ್ರಾ ಮಹೋತ್ಸವ”
ವಿಜಯಪೂರ ಜಿಲ್ಲೆಯ ದೇವರಹಿಪ್ಪರಗಿ ತಾಲೂಕಿನ ಕೋರವಾರ ಗ್ರಾಮದ ಶ್ರೀ. ಮುಖ್ಯಪ್ರಾಣ ದೇವರಾದ ಹನುಮಾನ ದೇವಸ್ಥಾನದ ವಿಷೇಶ ಪವಾಡಗಳು ನಡೆಯು ಸ್ಥಳವಾಗಿದ್ದು,ಬಂದ ಭಕ್ತರು ಭಕ್ತಿಯಿಂದ ಕೇಳುವ ವರವನ್ನು ನೀಡುವ ಸನ್ನಿಧಿಯಾಗಿದ್ದು ಪ್ರತಿ ಶನಿವಾರ ಪಲ್ಲಕ್ಕಿ ಉಸ್ತವ ಜರುಗುವುದು, ಇನ್ನೊಂದು ವಿಷೇಶವೇನಂದರೆ ಪ್ರತಿದಿನ ಪ್ರಥಮ ಪೂಜೆ ಹೂಗಾರ(ಪೂಜಾರಿ) ಸಮಾಜದವರು ಮಾಡುವರು, ಎರಡನೇ ಪೂಜೆಯು ಬ್ರಾಹ್ಮಾಣ ಸಮಾಜದವರು ನೇರೆವೆರಿಸಿಕೊಂಡು ಬರುತ್ತಾರೆ.ಹಾಗೇ ಪ್ರತಿ ರವಿವಾರ ಅಮವಾಸ್ಯಯಂದು ದೇವಿತೀರ್ಥ(ದೇವತ್ರಾಣೆ) ಮಾರುತೇಶ್ವರ ಹೋಗಿ ಗಂಗಾ ಮಿನಿದು ಬರುವ ವಾಡಿಕೆಯುಂಟು ಪ್ರತಿ 3 ವರ್ಷ ಶ್ರೀ ಪ್ರಾಣದೇವರ ಪಾದರಕ್ಷೆಯು ಸವೆದು ಹೊಗುವುದು ಪ್ರತಿ 3 ವರ್ಷಕೊಮ್ಮೆ ಹರಿಜನ ಸಮಾಜದ ವ್ಯಕ್ತಿಯ ಸ್ವಪ್ನದಲ್ಲಿ ಬಂದು ಆ ವರ್ಷದ ಹೊಸದಾಗಿ ಪಾದ ರಕ್ಷೆಗಳನ್ನು ಮಾಡಿಸಬೇಕೆಂದು ಸೂಚನೆಯಾಗುತ್ತದೆ. ಅದೆ ಪ್ರಕಾರ ಆ ಸಮಾಜದವರು ಸತತ 3 ತಿಂಗಳು ಶ್ರದ್ದಾಬಕ್ತಿಯಿಂದ ಪಾದರಕ್ಷೆಯನ್ನು ಮಾಡುತ್ತಾರೆ.ಜಾತ್ರೆಯು 9 ದಿನಗಳ ಕಾಲ ನಡೆಯುವದು. ದಿನಾಂಕ: 30/03/2025 ರಂದು ಕಳಸಹಾರೋಹಣ, ನವಗ್ರಹ ಸ್ಥಾಪನೆ, ಅಭಿಷೇಕ, ಅಲಂಕಾರ ಪೂಜೆ, ಸಾಯಂಕಾಲ ಪಲ್ಲಕ್ಕಿ ಸೇವೆ. ದಿನಾಂಕ: 31/04/2025 ರಂದು ಉದಯರಾಗ, ಕಕ್ಕಡಾರತಿ, ಆಗಮೋಕ್ತ ಹೋಮ, ಪಂಚಾಮೃತ ಅಭಿಷೇಕ, ಸಾಯಂಕಾಲ ಪಲ್ಲಕ್ಕಿ ಸೇವೆ. ದಿನಾಂಕ: 01/04/2025 ರಂದು ಪಂಚಾಮೃತ ಅಭಿಷೇಕ, ಅಲಂಕಾರ ಪೂಜೆ, ನೈವೇದ್ಯ ತೀರ್ಥಪ್ರಸಾದ, ಸಾಯಂಕಾಲ ಪಲ್ಲಕ್ಕಿ ಸೇವೆ ಜೋತೆಗೆ ಮಯೂರ ವಾಹನೋತ್ಸವ, ದಿನಾಂಕ: 02/04/2025 ರಂದು ಪಂಚಾಮೃತ ಅಭಿಷೇಕ, ಅಲಂಕಾರ ಪೂಜೆ, ನೈವೇದ್ಯ ತೀರ್ಥಪ್ರಸಾದ, ಸಾಯಂಕಾಲ ಪಲ್ಲಕ್ಕಿ ಸೇವೆ ಜೋತೆಗೆ ಗಜವಾಹನೋತ್ಸವ. ದಿನಾಂಕ: 03/04/2025 ರಂದು ಪಂಚಾಮೃತ ಅಭಿಷೇಕ, ಅಲಂಕಾರ ಪೂಜೆ, ನೈವೇದ್ಯ ತೀರ್ಥಪ್ರಸಾದ, ಸಾಯಂಕಾಲ ಪಲ್ಲಕ್ಕಿ ಸೇವೆ ಜೋತೆಗೆ ಮಯೂರ ವಾಹನೋತ್ಸವ, ದಿನಾಂಕ: 04/04/2025 ರಂದು ಪಂಚಾಮೃತ ಅಭಿಷೇಕ, ಅಲಂಕಾರ ಪೂಜೆ, ನೈವೇದ್ಯ ತೀರ್ಥಪ್ರಸಾದ, ಸಾಯಂಕಾಲ ಪಲ್ಲಕ್ಕಿ ಸೇವೆ ಜೋತೆಗೆ ಅಶ್ವವಾಹನೋತ್ಸವ. ದಿನಾಂಕ: 05/04/2025 ರಂದು ಪಂಚಾಮೃತ ಅಭಿಷೇಕ, ಅಲಂಕಾರ ಪೂಜೆ, ನೈವೇದ್ಯ ತೀರ್ಥಪ್ರಸಾದ, ಸಾಯಂಕಾಲ ಪಲ್ಲಕ್ಕಿ ಸೇವೆ ಜೋತೆಗೆ ಕಾಮಧೇನು ವಾಹನೋತ್ಸವ. ದಿನಾಂಕ: 06/04/2025 ರಂದು ಪಂಚಾಮೃತ ಅಭಿಷೇಕ, ಅಲಂಕಾರ ಪೂಜೆ, ನೈವೇದ್ಯ ತೀರ್ಥಪ್ರಸಾದ, ಸಾಯಂಕಾಲ ಪಲ್ಲಕ್ಕಿ ಸೇವೆ ಜೋತೆಗೆ ಗರುಡ ವಾಹನೋತ್ಸವ, ದಿನಾಂಕ: 07/04/2025 ರಂದು ಆಗಮೋಕ್ತ ಹೋಮ, ರಥ ಪೂಜೆ, ರಥವನ್ನು ವಿಶ್ವಕರ್ಮ ಸಮಾಜ ಮತ್ತು ಕುರುಬ ಸಮಾಜದವರು ರಥವನ್ನು ತೈಲಾಭಿಷೇಕ ಕಾರ್ಯಾಕ್ರಮ ನೇರೆವೆರಿಸುವರು.
ಅಂದು ವಿವಿಧ ಸ್ಪರ್ಧೆಗಳು ನಡೆಯುವವು ಸಾಯಂಕಾಲ ಅಪ್ಪಸಾಹೇಬಗೌಡ ಮಾಲಿಪಾಟೀಲ ತೇರಿನ ಕಬ್ಬು ಬಾಳೆದಿಂಡು ಅಲಂಕರವು ಇವರದಾಗಿದ್ದು, ಶಿವನಗೌಡ ತಂದೆ ಬಾಬಾಗೌಡ ಬೋರಾವತ ಇವರು ತೇರಿನ ವೃತ್ತಕ್ಕೆ, ಕಳಸ ಹಿಡುವವರು, ವಿಜೃಂಭಣೆಯಿಂದ ಮೇರವಣಿಗೆಯ ಮೂಲಕ ನೆರವೇರಿಸುವವರು, ಕಿಶೋರಗೌಡ ತಂದೆ ಭೀಮನಗೌಡ ಇವರು ತೇರಿನ ಹಗ್ಗದ ಸೇವೆ ಹಾಗೂ ದೊಡ್ಡ ಪಲ್ಲಕ್ಕಿಯ ಸೇವೆಯನ್ನು ಸಲ್ಲಿಸುವವರು. ಸಾಯಂಕಾಲ ಪಲ್ಲಕ್ಕಿಯ ಸಮೇತವಾಗಿ ದೇವಸ್ಥಾನದ ಆವರಣದಿಂದ ಪಾದಗಟ್ಟಿಯವರೆಗೆ ರಥೋತ್ಸವ ಸಾಗುವದು ಈ ಜಾತ್ರೆಯ ಕಾರ್ಯಕ್ರಮದಲ್ಲಿ ಸಕಲ ಕೋರವಾರ ಗ್ರಾಮದ ಭಕ್ತಾದಿಗಳು ಹಾಗೂ ಸುತ್ತ ಮುತ್ತಲಿನ ಗ್ರಾಮದ ಜನರು ಉತ್ತತ್ತಿ, ಹೂವು, ಜಯಗೋಷಣೆಯ ಮೂಲಕ ರಥೋತ್ಸವ ವಿಜೃಂಭಣೆಯಿಂದ ಸಾಗುವದು.ಹಾಗೆ ಪ್ರತಿದಿನ ರಾತ್ರಿ ವಿವಿಧ ಸಂಗೀತ ಕಲಾವಿದರಿಂದ ಸಂಗೀತ ಸೇವೆ ಜರಗುವುದು, ಈ ಜಾತ್ರೆಗೆ ಮಹಾರಾಷ್ಟ್ರ, ಗೋವಾ, ಕರ್ನಾಟಕದ ವಿವಿದ ಜಿಲ್ಲೆಗಳಿಂದ ಜಾತ್ರೆಯಲ್ಲಿ ಪಾಲ್ಗೊಂಡು ಪ್ರಾಣದೇವರ ಕೃಪೆಗೆ ಪಾತ್ರರಾಗುವರು.
ವರದಿಗಾರ:ಸಿದ್ದರಾಮ ಎಮ್ ಬೇವಿನಮಟ್ಟಿ
“ಕ್ರೀಡೆಯಲ್ಲಿ ಸುರಪುರ ಹಿಂದುಳಿದ ವರ್ಗದ ಕಲ್ಯಾಣ ಇಲಾಖೆಯ ರಾಜ್ಯಮಟ್ಟಕ್ಕೆ”
ಯಾದಗಿರಿ ಜಿಲ್ಲಾ ಕ್ರೀಡಾಂಗಣದಲ್ಲಿ ನಡೆದ ಸರ್ಕಾರಿ ನೌಕರರ ಜಿಲ್ಲಾ ಕ್ರೀಡಾಕೂಟವು ದಿನಾಂಕ 23 -3-2025 ರಂದು ಸದರಿ ಕ್ರೀಡಾಕೂಟದಲ್ಲಿ ಹಲವು ವಿಭಾಗದ ನೌಕರರ ಕ್ರೀಡಾಕೂಟದಲ್ಲಿ ಭಾಗವಹಿಸಿದ್ರು . ಸದರಿ ಕ್ರೀಡಾಕೂಟದಲ್ಲಿ ಸುರಪೂರ ಹಿಂದುಳಿದ ವರ್ಗದ ಕಲ್ಯಾಣ ಇಲಾಖೆಯ ಸಿಬ್ಬಂದಿಗಳು ಕ್ರೀಡಾಕೂಟದಲ್ಲಿ ಕಬಡ್ಡಿ ಪ್ರಥಮ ಸ್ಥಾನ, ವಾಲಿಬಾಲ್ ಪ್ರಥಮ ಸ್ಥಾನ, ಖೋ ದ್ವಿತೀಯ ಸ್ಥಾನ ಪಡೆದಿರುತ್ತಾರೆ. ವೈಯಕ್ತಿಕ ಆಟವಾದ ಚೆಸ್ಸ ದಲ್ಲಿ ಪ್ರಥಮ ಸ್ಥಾನ ದಶವಂತ್, 100 ಮೀಟರ್ ಓಟದಲ್ಲಿ ಶಿವರಾಜ್ ದ್ವಿತೀಯ ಸ್ಥಾನ, ಬಾರ ಎತ್ತುವ ಸ್ಪರ್ಧೆಯಲ್ಲಿ 70 ಕೆಜಿ ತೂಕ ಈರಣ್ಣ ಮೇಟಿ ಇವರು ಪ್ರಥಮ ಸ್ಥಾನ ಪಡೆದಿದ್ದು, ಇನ್ನೂ ಅನೇಕ ವ್ಯಕ್ತಿಗಳ ಆಟಗಳಲ್ಲಿ ಸುರಪುರ ಹಿಂದುಳಿದ ವರ್ಗದ ಕಲ್ಯಾಣ ಇಲಾಖೆಯ ಸಿಬ್ಬಂದಿಗಳು ಅನೇಕ ಬಹುಮಾನಗಳನ್ನು ಪಡೆದಿದ್ದು ಪ್ರಥಮ ಸ್ಥಾನ ಪಡೆದ ಆಟಗಾರರು ರಾಜ್ಯ ಮಟ್ಟಕ್ಕೆ ಆಯ್ಕೆಯಾಗಿರುತ್ತಾರೆ. ಪ್ರಥಮ ಹಾಗೂ ದ್ವಿತೀಯ ಸ್ಥಾನ ಪಡೆದ ಸಿಬ್ಬಂದಿ ವರ್ಗದವರನ್ನು ತಾಲೂಕ ಹಿಂದುಳಿದ ವರ್ಗದ ಕಲ್ಯಾಣ ಇಲಾಖೆ ಕಲ್ಯಾಣ ಅಧಿಕಾರಿಗಳಾದ ತಿಪ್ಪಾರೆಡ್ಡಿ ಮಾಲಿಪಾಟೀಲ್ ಇವರು ಸಂತಸ ಹಂಚಿಕೊಂಡರು ಮುಂಬರುವ ದಿನಗಳಲ್ಲಿ ನಮ್ಮ ಸಿಬ್ಬಂದಿ ವರ್ಗದವರು ರಾಜ್ಯಮಟ್ಟದ ಕ್ರೀಡೆಗಳಲ್ಲಿ ಪಾಲ್ಗೊಂಡು ಪ್ರಥಮ ಸ್ಥಾನದಲ್ಲಿ ಗೆಲ್ಲುವ ವಿಶ್ವಾಸ ತಿಳಿಸಿದರು, ಹಿಂದುಳಿದ ವರ್ಗದ ನಿಲಯ ಮೇಲ್ವಿಚಾರಕರಾದ ಹನುಮಗೌಡ ಮಕಾಶಿ, ವೆಂಕಣ್ಣ ಟನಕೇದಾರ್,ಮಾದೇವಿ ಕಟ್ಟಿಮನಿ,ಬಸವರಾಜ್ ನಾಯಕ್, ಶಾಂತಾಬಾಯಿ, ನೀಲಮ್ಮ ಹಾಗೂ ಇಲಾಖೆಯ ಎಲ್ಲಾ ಸಿಬ್ಬಂದಿ ವರ್ಗದವರು ಹರ್ಷ ವ್ಯಕ್ತಪಡಿಸಿದರು,
ವರದಿ:ಸಿದ್ರಾಮ ಬೇವಿನಮಟ್ಟಿ
